4-сыныпқа арналған туған жер тәрбие сағаты

Тақырыбы: «Туған жерге аунату»дәстүрі

Сабақтың мақсаты:наурыз мерекесінің мағынасын түсіну,үлкен – кішіге деген сүйіспеншілігін, сыпайылық қарым-қатынасын дамыту; – әдептілікке, кішіпейілділікке, ізеттілікке тәрбиелеу;

Көрнекіліктері: суреттер,видеоролик

Барысы;

І. «Туған жерге аунату»дәстүрі туралы мәліметтер.

1-оқушы.Қазақстан дәстүрлердің ,бақытты балалық шақтың, керемет табиғаттың мекені.Қазақстан Республикасы Европа мен Азияның сап ортасында орналасқан.

1-оқушы Алайда Қазақстанның басты байлығы ,ондағы адамдары.Олардың ғасырдан ғасырға жалғасып келе жатқан дәстүрлері,жөн жоралғы , ғұрыптары ,үлкендерге құрмет пен кішіні сыйлау.

2-оқушы Қазақтар қай жақта жүрмесін ,өздерінің туған жерін ұмытпайды.Сонымен олар ежелгі «Туған жерге аунату»дәстүрін сақтап келеді.

3-оқушы Бұл дәстүр туған жерінен алысқа кеткен ер адам туған жеріне келгенде жерге оны сол жерге аунатып алатын жақсы дәстүр.

4-оқушы Мұның мағынасы көп. Бірінші «Сен осы жерде тудың,ұмытпа ,перзенттік парызыңды өте»деген мағына.

5-оқушы Екінші «туған жер ата- анаң,Отаның оның жақсы қасиеттері бойыңда ,ойыңда жүрсін »деген тәлім жатыр

6-оқушы Бұл рәсімді жақын туыстары ,бала кездегі құрдастары жасаған.

ІІ. «Туған жерге аунату»оқушылар даярлаған көрініс.

1-қария Бағдәулет. Сәлемдесу. Наурыз мерекесі құтты болсын! Балалар,мал жан аманшылық па?

2 қария Ақтілек Сәлемдесу.Құшақтасу. Наурыз мерекесі бірге болсын! Барлығы дін аман.Бұйымтайыңды айта отыр,Құрдас!

1-қария Бағдәулет Жақсы хабармен келіп отырған жайым бар. Осыдан 15жыл бұрын Америка еліне қызметке кеткен Нұртілек құрдасымыз туған жерге тағзым етуге келе жатыр. Қасында балалары бар.

2 қария Ақтілек Бұдан артық жақсы хабар болмас. Кеше ғана емес пе еді.Сен,мен,Нұртілек бәріміз Сырдария жағасында шомылып,асық ойнағанымыз.Ал онда қарсы алуға дайындалайық.Балалары болса салт дәстүрімізді көрсетейік.Нұртілекті туған жерге аунатып алайық.

1-қария Бағдәулет Менде осыны айтқалы келгенмін.Балалары шет елде туып,білім алса біздің дәстүрлерді білмейтінде шығар.Олар қазір ұшақтан түседі.Жүрелік, қарсы алуға балаларды да ертіп алайық.Бізбен бірге болсын!

«Оралу» видеосы көрсетіледі.

(Америкада)

Әділет(баласы) пен Нұртілек.(әкесі)

Әділет; Әке ,туған жеріңізге алып барамын,сіздің туған жеріңізде тұрып,қызмет етуге де дайынмын!

Нұртілек; Балам,рахмет! Туған елімде сенімен мақтануға бара жатырмын ғой!

(Қазақстанда)

3 қария Нұртілек О туған жер! Ұлың келді !Бауырыңа бас мені!