Туған жер алтын бесік тәрбие сағаты

Тақырыбы: «Туған жер- алтын бесік»

Өткізген: Мауленова Фарида Жолдасбекқызы

Білім беру салалары: «Қатынас», «Таным», «Шығармашылық», «Денсаулық», «Әлеуметтік орта»

Бөлімдері: «Тіл дамыту», «Қарапайым математика ұғымдарын қалыптастыру», «Мүсіндеу», «Денешынықтыру», «Көркем әдебиет»

Мақсаты:

Білімділік: Балалардың жыл бойы алған білімдерін тиянақтау, өз отаны туралы білімдерін,түсініктерін бекіту.

Дамытушылық: Есте сақтау,ойлау қабілеттерін дамыту,Жыл мезгілдері туралы алған білімдерін дамыту.

Тәрбиелік: Білімділікке,ұқыптылыққа тәрбиелеу.

Көрнекіліктер:Жайлау,үй жануарларының суреттері

Сөздік жұмыс:

Қос тілділік:

Тәрбиеші: Балалар бүгін бізге көп қонақтар келіпті. Біз қонақтармен амандасып алайық.

Балалар: Сәлеметсіздерме?

Тәрбиеші: Ал балалар енді біз бір- бірімізге жылу беріп шаттық шеңберін жасап алайық. Қане шеңбер құрайық.

Балалар: Шеңбер болып тұрады.

Шаттық шеңбері:

Шеңбер болып тұрайық тұрайық.

Алақанды ашайық.

Күннің нұрын алайық.

Таза ауаны жұтайық.

Жүрекке жылу сыйлайық.

Мейірімділік шоғын алайық,

Жиналған жылы шуақты,

Қонақтарға шашайық,

Тәрбиеші: - Балалар көңіл күйіміз қандай?

Балалар: - Жақсы

Тәрбиеші: Олай болса осы осы жақсы көңіл күйімізбен бүгінгі өзгеше ұйымдастырылған ашық оқу іс- әрекетімізде «Туған жер- алтын бесік» тақырыбында бастаймыз.

Тәрбиеші: - Бір аптада неше күн бар?

Балалар:- Бір аптада 7 күн бар.

Тәрбиеші: - Апта күндерін аташы.

Балалар:- Дүйсенбі, сейсенбі; сәрсенбі, бейсенбі, жұма, сенбі, жексенбі!

Тәрбиеші:- Бүгін аптаның нешінші күні?

Балалар:- Бүгін аптаның 5 ші күні Жұма.

Тәрбиеші: - Ал ертең аптаның нешінші күні болады?

Балалар:- Ертең аптаның 6 шы күні Сенбі. Біз демаламыз!

Тәрбиеші: - Дұрыс айтасыңдар балалар.

Тәрбиеші: - Балалар, бір жылда неше мезгіл бар?

Балалар:- 4 мезгіл бар.

Тәрбиеші: - Қане аттарын атайықшы.

Балалар: «көктем», «жаз», «күз», «қыс».

Тәрбиеші:-Дұрыс.Ал қазір жылдың қай мезгілі?

Балалар:-Көктем мезгілі.

Тәрбиеші:-Әр мезгілде неше ай бар?

Балалар:-Әр мезгілде үш ай бар.

Тәрбиеші:-Көктем мезгілінің айларын атайықшы.

Балалар:-Наурыз,сәуір, мамыр.

Тәрбиеші:-Көктем мезгілінің қандай ерекшеліктерін білесіңдер?

Балалар:-Қар ериді,Жаңбыр жауады, құстар жылы жақтан ұшып келеді,аспан бұлттанады,кемпірқосақ шығады.

Тәрбиеші:-Дұрыс айтасыңдар балалар, енді осы көктемнің сәні не екен?

Балалар:- көктемнің сәні гүлдер

-көктемнің сәні көбелектер

-көктемнің сәні кемпірқосақ

-көктемнің сәні жасыл желек.

Тәрбиеші:-Жарайсыңдар балалар сендер тамаша жауап бердіңдер,өте жақсы.

Тәрбиеші:Балалар енді мына жерде тұрған суретке қараңдар.Бұл суретті ашу үшін біз сыйқырлап қойылған сандарды ретімен ашуымыз керек.

Тәрбиеші:-Бірінші ретті сан қандай сан?

Балалар:-Бір деген сан ( көрсетіп ашады).

Тәрбиеші:-Түсі қандай? Қандай геометриялық фигураға ұқсайды?

Балалар:-Түсі көк. Дөңгелек.

Тәрбиеші:Балалар айналамыздан қандай көк түсті заттар көріп тұрмыз?

Балалар:-Шар, ойыншықтар, көк туымыз.

Тәрбиеші:-Кім ту туралы, Отан туралы тақпақ біледі?

Алдияр: Көк аспанда көкпенбек

Қазақстан жалауы.

Көк емес ол тек тек тек

Елдің ашық қабағы

Ақжан: Отан менің ата-анам

Отан досым бауырым

Отан өлкем - Астанам

Отан туған ауылым

Тәрбиеші:Жақсы балалар қандай тамаша айттыңдар.

Ал енді балалар 1 санынан кейін қай сан жүреді?

-Екі саны (2 санын көрсетіп оны алады)

Тәрбиеші:-Бұл санның түсі қандай? Қандай геометриялық фигураға ұқсайды?

Балалар:-Түсі жасыл. Тік төртбұрышқа ұқсайды.

Тәрбиеші:-Неге оны тік төртбұрыш дейміз?

Балалар:-Өйткені оның екі қабырғасы ұзын, төртбұрышы бар.

Тәрбиеші:-Біздің айналамызда қандай жасыл түсті заттар бар?

Балалар:-Шар, кубиктер, табиғат бұрышындағы гүлдер.

Тәрбиеші:Балалар бұл түсті біз жылдың қай мезгіліне қоямыз?

Балалар:-Көктем мезгіліне қоямыз.

Шерхан: Бәйшешектен білеміз,

Көктем келіп қалғанын.

Мәз боламыз күлеміз,

Көрсек гүлін жарғанын.

Тәрбиеші:Жарайсыңдар балалар.

-Екі санынан кейін қай сан тұрады?

Балалар:-Үш саны.

Тәрбиеші:-Бұның түсі қандай?

Балалар:-Қызыл түсті.

Тәрбиеші:Біздің айналамызда Қызыл түсті қандай заттар бар?

Балалар:Машина,гүл,доп.

Тәрбиеші:Өте жақсы балалар бұл қай геометриялық фигураға ұқсайды?

Балалар:Төртбұрышқа.

Тәрбиеші:Неге бұл фигура төртбұрыш деп аталады?

Балалар:Өйткені оның төрт қабырғасы бірдей.

Тәрбиеші:Жарайсыңдар балалар дұрыс айтасыңдар, Бұны біз жылдың қай мезгіліне қоямыз?

Балалар:Жаз мезгіліне қоямыз.

Тәрбиеші:Балалар біз орнымыздан тұрып бойымызды сергітіп алайық.

Сергіту сәті:

Орнымыздан тұрамыз

Мойнымызды бұрамыз

Қолымызды көтеріп

Саусақты ашып-жұмамыз

Онан соң төмен түсіріп

Алақанды соғамыз

Иықты артқа ысырып

Басты төмен саламыз

Жаттығу жасап осылай

Үлкен боп ертең шығамыз.

Қане, балалар біз жаз туралы не білеміз?

Камила келе ғой.

Камила: Жаздың күні жайлауда

Күнге күйіп шынығып

Қандай жақсы ойнауға

Жүресің сен жайраңдап.

Жүйрік желмен жарысып

Кең даланы сайрандап

Қозы лақпен табысып.

Тәрбиеші:Балалар енді 3 санынан кейін қай сан тұрады?

4 саны ( бала 4 санын көрсетіп ашады)

Тәрбиеші:Бұның түсі қандай?

Сары түсті.

Тәрбиеші:Дұрыс,біздің айналамызда сары түсті қандай заттар бар? Бұл қай геометриялық фигураға ұқсайды?

Үш бұрыш.