5-сыныпқа арналған Мұзда жанған алау ашық сабағы

ШҚО Көкпекті ауданы Самар ауылы

«Ж.Болғанбаев атындағы Самар орта мектеп-лицейі» КММ

Қазақ тілі мен әдебиеті пәнінің мұғалімі

Карменова Бахытжамал Базылрахмановна

Тәрбие сабағының тақырыбы: «Мұзда жанған алау»

Сабақтың мақсаты:

Желтоқсан оқиғасының маңызын, келешек ұрпаққа тигізген пайдасын оқушылардың санасына жеткізу;

Тәуелсіздік жолында жалған айыппен шейіт болған боздақтарымыздың рухына тағзым ету, ерліктерін бағалау, жас ұрпаққа үлгі ету;

Оқушыларды отаншылдыққа, елжандылыққа, желтоқсандарға әрдайым құрмет көрсетуге тәрбиелеу.

Сабақтың барысы:

І. Ұйымдастыру кезеңі. Сабаққа кіріспе.

2. «Тәуелсіздік бізге қалай келді?!» топтар арасында пікіралмасу.

ІІ.

«Желтоқсан оқиғасының себептері мен салдары» бейнефильм көру

3. Бейнефильм туралы менің көзқарасым. Ойбөліс.

4. «Желтоқсан қыршындары» Поэзиялық минут.

5. Шығармашылық жұмыс.

6. Рефлексия.

Мұғалім: Сабағымызды бастамас бұрын мен сіздерге түрлі-түсті қағаз қиындыларын таратамын. Түстеріне байланысты топтасып аламыз.

Мұғалім: Желтоқсан көтерілісі адам құқы мен намысты жоғары ұстауды талап еткен қозғалыс еді. Бұрын – соңды Қазақстан білмейтін Г.В.Колбин басшы болып сайланды. Сонау 1919 жылы Қазақ өлкесі болып құрылған Республикамызды 1986 жылға дейін басқарған 19 адамның 3-і ғана қазақ ұлтының өкілі, қалғандары басқа ұлттан ғана болған екен.

І топ «Жалын» тобы оқушылар

ІІ топ «Қайрат» тобы оқушылар

ІІІ топ «Азат» тобы ата-аналар

Мұғалім: Олай болса, тәрбие сағатымызды әнұранмен бастайық.

Әнұран орындалады.

1 оқушы:

Қасқалдақ ұшып көлінен

Шүрегей келіп қонған күн.

Қыранды қуып көгінен,

Қарғалар билік алған күн.

Нашақор деп ұлтшыл деп,

Қазаққа күйе жаққан күн.

Базары кетіп бір күнде,

Қайғыға халық батқан күн.

Қақаған қыстың ызғары,

Сүйектен өтіп кеткен күн.

Қара көз қазақтың қыздарын,

ОМОН-дар бастан тепкен күн.

Қариялар итке таланып,

Ер басына күрек шапқан күн.

Аппақ қар қанға боялып,

Қып-қызыл мұз болып жатқан күн.

Озбырлық күшпен тұншығып,

Үміттің оты өшкен күн.

Жанына таппай бір шындық,

Ер Қайрат қыршын кеткен күн.

Қайғы кезіп елдің еңсесін,

Жаншыды-ау жанын батпан мұң.

Енді қайтып келмесін,

Сол бір қарт атқан күн.

Миға шабуыл: Бейнебаян көрсетіледі. «Желтоқсан оқиғасының себептері мен салдары «

Бір минут үнсіздік

Мұғалім: Міне балалар, соңына мәңгі ұмытылмас мұң қалдырып, жыл өткен сайын тарих қойнауына сіңіп бара жатқан, әр қазақтың жүрегін сыздатып, көңіліне жара салған бұл күн туралы сендер де білесіңдер. Әр топқа сұрақтар беріледі.

1 сұрақ: 1986 жылы Желтоқсан оқиғасының шығу себебі неде?

2 сұрақ: Жастар наразылығы неге біздің және Мәскеу тарапынан қолдау таппады?

3 сұрақ: Әділдік үшін күрескен жастардың қаншасы жауапқа тартылды?