6 саны мен цифры бойынша 1 сынып сабақ жоспары

Бекітілді:

Оқу ісінің орынбасары:Н.Рахманбергенов

11-сабақ Қысқа мерзімді жоспар

Пән: математика

Ұзақ мерзімді жоспар бөлімі: Өзім туралы

Күні: 18.09.2019 жыл

Сынып: 1 «а»

Мектеп: Абай атындағы №90 орта мектебі

Мұғалімнің аты-жөні: Маханбетова Гулайша Данахметовна

Қатысқандар саны: 18

Қатыспағандар саны:

Сабақ тақырыбы

6 саны және цифры

Осы сабақта қол жеткізілетін оқу мақсаттары (оқу бағдарламасына сілтеме)

1.1.1.1** натурал сандардың жəне нөл санының құрылуын түсіну; 10 көлеміндегі сандарды тура жəне кері санау; олардың натурал сандар қатарындағы орнын анықтау

1.1.1.3 **біртаңбалы сандардыңқұрамын анықтау

1.5.2.1 цифрды саннан ажырата алу, біртаңбалы сандарды түрлі əдістермен көрнекі бейнелеу: сандық түзуде, нүктелердің, таяқшалардыңжиынтығы түріндежəне т.б

1.5.2.2** «+», «-», «=», «≠», «>», «<» белгілерін, цифрлардыпайдалану

Сабақ мақсаттары

Барлық оқушылар: Сан сәулесіндегі 6 санының орнын біледі. 6 санын алу жолдарын көрсетеді. 6 цифрын жаза алады.

Көптеген оқушылар: 6 цифрын түрлі əдістермен көрнекі бейнелей алады.

Кейбір оқушылар: 6 цифрының элементтерін біледі, қорытынды шығарады.

Бағалау критерийлері

Сан сәулесіндегі 6 санының орнын біледі. 6 санын алу жолдарын көрсетеді. 6 цифрын жаза алады.

Тілдік мақсаттар

Оқушылар орындай алады: Сан сәулесіндегі 6 санының орнын біледі. 6 санын алу жолдарын көрсетеді. 6 цифрын жаза алады.

Пәнге тән лексика мен терминология: алты

Диалог пен жазу үшін пайдалы сөздер мен тіркестер:

-Суреттегі ертегі тақырыбын ата, кейіпкерлері нешеу?

-Суретке сәйкес келетін мысалды тап.

-Әр қатарда неше көбелек бар?

- Олардың түстері қандай?

-Гүлшоғы қандай гүлдерден жасалған?

-Қай гүлдердің саны 6 санымен байланысты?

Құндылықтарды дарыту

Сын тұрғысынан ойлауын, өз пікірін дәлелдей алу, өзгенің пікіріне құрметпен қарау құндылықтарын дамыту.

Пәнаралық байланыстар

Сауат ашу, жаратылыстану.

АКТ қолдану дағдылары

Слайд

Бастапқы білім

10 көлеміндегі сандар, тура және кері санау, сан сәулесі туралы түсінігі бар.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

5 мин

Ынтымақтастық атмосферасын құру

«Шаттық шеңберінде» ізгі тілек айту арқылы іске асырылады.

Мына аспан астында

Жақсы дос көп табылар

Мен де соның бірімін,

Тілегімді қабыл ал!

Топқа бөлу «Атомдар мен молекулалар» әдісі арқылы жүреді. 2-ден, 3-тен топтастырып, қайта шашыратып, соңында 5-тен топтасытырады. Солар топ болып қалады. Топ атын оқушылар өздері қояды.

1-топ – «1»

2-топ- «2»

3-топ - «3»

4-топ – «4»

«Ой қозғау» әдісі арқылы оқу мақсаттары ашылады.

-Біз неше топқа бөліндік?

-Әр топта неше оқушыдан бар?

-Егер бір топқа мен барып қосылсам, сонда топтың мүшелері нешеу болады?

-Енді оқулықтағы сан сызғышына қараймыз. 5 санынан тікелей кейін тұрған қай сан?

-6 саны қай саннан кейін тұр?

-Осыдан қандай қорытынды шығара аламыз?

-Бүгінгі сабақтағы мақсатымыз не болмақ?

Сабақтың ортасы

5 мин

2 мин

7 мин

6 мин

5 мин

(Ұ) 1 –тапсырма «Ертегі атын тап!» әдісі арқылы жүзеге асады.

Оқулықтың 24-бетіндегі тапсырмамен жұмыс.

- Сюжетті суретте бейнеленген ертегіні ата.

- Ертегі кейіпкерлері нешеу?

Дескриптор:

Ертегі тақырыбын, кейіпкерлер санын атайды.

Саралау тәсілі «Диалог және қолдау көрсету» арқылы іске асады.

Кейбір оқушыға қосымша сұрақтар беріледі.

-Кейіпкерлерді 2-ден жұптастырғанда неше жұп шығады?

Көмек қажет ететін оқушыларға қосымша уақыт беріледі.

ҚБ: «Төртбұрыштар» әдісі арқылы бірін-бірі бағалайды.

Қызыл - Ертегі тақырыбын, кейіпкерлер санын атай алса.

Сары - Ертегі тақырыбын, кейіпкерлер санын атауда көмек қажет етсе.

Жасыл- Ертегі тақырыбын, кейіпкерлер санын атауда қиналса.

Сергіту сәті сәйкес қимылдармен жасалады.

Оңға, оңға түзу тұр,

Солға, солға түзу тұр.

Артқа қарай бір адым

Алдыға қарай бір адым

Жоғары төмен қарайық

Орнымызды табайық.

(Т)2-тапсырма «Сәйкестендір» әдісі арқылы жүреді.

Суреттегі гүлдерді сана, астындағы сай келетін өрнекпен сәйкестендір.

Дескриптор:

Гүлдерді санайды, тапсырмаларды дұрыс орындайды.

Саралау тәсілінен «Тапсырма» қолданылады.

Сыныптағы саны 6 болатын заттарды ата.

ҚБ: « Үшбұрыштар» әдісі арқылы топтар бірін-бірі бағалайды.

Қызыл - Гүлдерді санайды, тапсырмаларды дұрыс орындай алса.

Көк - Гүлдерді санайды, тапсырмаларды орындауда көмек қажет етсе.

Ақ - Гүлдерді санайды, тапсырмаларды орындауда қиналса.

(Ж) 3 –тапсырма «Шығарып көр» әдісі арқылы жүзеге асады.

Оқулықтың 25-бетіндегі тапсырманы орындаңдар. Сұраққа жауап беріңдер.

-Әр қатарда неше көбелек бар?

- Олардың түстері қандай?

-Гүлшоғы қандай гүлдерден жасалған?

-Қай гүлдердің саны 6 санымен байланысты?

- Кеспе сандармен кассада жасап көрсетіңдер.

Дескриптор:

Заттардың санын табады, кеспе санмен жасайды.

Саралау тәсілі «Қарқын» арқылы іске асады.

Қарқыны жылдам кейбір оқушыға қосымша сұрақ:

-6 саны қандай сандардан құралады?

Қарқыны төмен оқушыға қосымша уақыт беріледі.

ҚБ: «Дөңгелектер» әдісі арқылы жұбын бағалайды.

Ақ: Түсіп қалған сандарды табады, көжектер санын шығара алса.

Көк: Түсіп қалған сандарды таба алса, көжектер санын шығаруда көмек қажет етсе.

Қара: Түсіп қалған сандарды табуда, көжектер санын шығаруда қиналса.