6 сыныпқа арналған логика таңдау курсы сабақ жоспары

Түсінік хат

ХХ ғасырдың белгілі математигі А.И.Маркушевич: «Математикамен бала кезден айналысқан адам өзінің ерік-жігерін, ойлау жүйесін жаттықтырып, алдына қойған мақсатына жетуде төзімділік пен шыдамдылықты тәрбиелейді» деген.

Математика мұғалімінің алдында тұрған міндет- оқушыға тиянақты білім беріп, оны өз бетінше оқуға үйрету.

Тізбектей ойлауға қабілеттену, дәлелдемемен талқылау, болжамдарды құру, дұрыс емес қорытындыларды қабылдамау өз-өзінен келмейді, бұл қабілеттерді логика ғылымы дамытады.

Ендеше, оқушылардың логикалық ой- өрісін арттыруда, оларды математикаға қызықтыруда «Логика» деген қолданбалы курсты өткізудің маңызы бар. Қолданбалы курстағы логикалық есептерді шығару барысында оқушылар логикалық ұғымдарды меңгереді, ойлау қабілеті дамиды. Өз пікірлерін логикалық жолмен дәлелдей білуге, алған білімдері бойынша тиісті қорытынды жасауға, өздері игерген есеп шығару дағдыларын іс жүзінде білуге жаттығады.

Сонымен қатар, олимпиадада кездесетін стандартты емес есептерді шығару жолдарымен осы курста хабардар болады. Осы курсты оқыту барысында ерекшеленген балалар олимпиадаға даярланады.

6 сыныптарға арналған «Логика » арнайы курс бағдарлама аптасына 1 сағат, жылына 34 сағат жүктеме берілген.Бағдарламада оқушылар қабілеттеріне қарай әрбір сабақ деңгейленіп беріліп отыр. Негізгі оқу материалдарын басшылыққа ала отырып, бұл бағдарлама оқушылардың математикадан алған білім, білік, дағдыларын, танымдық қабілеттерін және пәнге деген қызығушылықтарын арттырады. Тереңдетілген бағытта алынған бағдарлама құрылымында оқушылардың жас ерекшеліктері мен даму деңгейін ескеріледі.Балалардың танымдық қабілеттерін дамытып пәнге деген қызығушылықтарын арттырудың негізгі бір жолы - дидактикалық материалдар мен қызықты тапсырмалар. Бағдарламада логикалық есептер сызба, схема түрінде көрнекі көрсетіліп, есепті шешудегі талқылау және нәтижеге жету оқушылардың ойлау қызметінде үлкен роль атқарады. Әрбір сабақ зерделілікке, қиялдауға, тапқырлыққа, шапшаң есептеу қабілеттерін дамытуға тәрбиелейді.

Мақсаты:

Логикалық есептер, функционалдық сауаттылықтарын арттыруға берілген есептерді шығарта отырып оқушылардың сындарлы ойлау қабілеттерін арттыру.

Міндеттері:

Оқушылардың шығармашылық қабілетін жоғары деңгейлік тапсырмаларды орындауға оқушының дарындық қабілетін анықтау;

Математикалық есептерді шығару үрдісінде оқушының қабілетін және тұлға қасиетін дамыту;

Математикалық тілде сөйлеу машығын қалыптастыру;

Оқушылардың танымдық қабілетін дамытып, қызығушылығын арттыру.

Алған білімдерін өмірде қолдана білуге дағдыландыру.

Тұжырымдылық (мазмұндық)

«Логика» курсы үш бөліменен тұрады:

І. «Логика лық есептер» бөлімі.

Бұл бөлімге 9 сағат бөлінген.Оның ішінде 1 сағаты практикалық тапсырма болып есептеледі.

Оқушылар бұл бөлімде есептеудің тиімді әдістерін, мәтінмен берілген логикалық тапсырмаларды орындап, санның бөлігін табуға байланысты мәселе есептерді тиімді тәсілмен шығара білуге биімделеді және тарыза өлшеу алгаритмін үйреніп шығады.

ІІ. «Сызба көмегімен шешілетін есептер» бөлімі

Бұл бөлімге 13 сағат бөлінген.

Оқушылар бұл бөлімде диаграмма және сызбамен берілген есептердің шартын түсініп,

сюжетті логикалық есептерді кесте арқылы шығару жолымен таныса алады. Сонымен қатар фигураларды тең қиюды, олимпиадада кездесетін пайызға байланысты есептерді шығарып үйренеді.Соңғы сабағында алған білімдерін Кенгугу тапсырмаларын шешуді қолдана алады.

ІІІ. «Күрделенген есептер»бөлімі

Бұл бөлімге 12 сағат бөлінген.Оның ішінде 2 сағаты практикалық тапсырма болып есептеледі.

Оқушылар бұл бөлімде натурал көсеткішті дәреже ұғымымен танысып, кез келген санның тоғызға дейіні дәрежелерін өздері шығарап үйреніп, осы білімін олимпиада да кездесетін стандартты емес емес есептерді шеше білуге бейімделеді. Сонымен қатар, байырғы ұмыт болған өлшем бірліктерді пайдаланып қазақтың байырғы есептерін жаңыртады, мектеп материалдарында кездеспесе де ұғымдарын пайдаланып жүрген Дирихле принципімен таныс болады.Соңғы тақырыпша біздің елімізге еңбегі сіңген, қазақ математиктеріне арналады. Ол кісілердің аттарымен таныс болып, өмір жолын,ашқан жаңалықтарымен таныс болады.

Математика пәнінен 6 сыныпқа арналған «логика» курсы бойынша білім беру бағдарламасы (аптасына 1 сағат, барлығы 34 сағат)

Тақырыптар

Сағат саны

Күндері

І бөлім . Логикалық есептер

Тез есептеу тәсілдері

Лионстың ІІ белгісі

Феррол әдісі

Мәтінді есептер

Салыстыруға берілген логикалық есептер

Бөлшектерді салыстыру

Адамның жасын есептеуге берілген есептер

Таразыда өлшеу

Логикалық тест

ІІ бөлім. «Сызба көмегімен шешілетін есептер»

Кубқа берілген есептер

Схемалар мен кестелердің көмегімен шығарылатын есептер

Диаграммалар мен сызбалармен берілген тапсырмалар

Құюға берілген есептер

Қию есептері

Логикалық тест

Пайызға байланысты мәтін есептер

Пайызға байланысты олимпиада есептері

Қызықты шаршылар

Кенгуру есептері

ІІІ бөлім.

Күрделенген есептер

Натурал көрсеткішті дәреже

Дирихле принципі

Қазақтың байырғы қара есептері

Стандартты емес есептерді шешу әдістері

Олимпиада есептері

Қазақ математиктерін білеміз бе?

Қорытынды логикалық тест

Нормативтік бөлік

Сабақтың тақырыбы

Сағат саны

Тақырыпқа сипаттама

Тез есептеу тәсілдері

Шапшаң есептеу әдіс-тәсілдерін қолдану есептеу жұмысын оңайлатады.

Лионстың ІІ белгісі

Лионстың 7-ге бөлінгіштік белгісі түсіндіру

Феррол әдісі

Екі таңбалы сандарды Феррол әдісімен тез есептей білуді үйрету

Мәтінді есептер

Мәтін есептерді тиімді тәсілдермен шығарта білгізу

Салыстыруға берілген логикалық есептер

Салыстыруға берілген мәселе есептердің шартын түсіне білуді үйрету

Бөлшектерді салыстыру

Стандартты емес есептерді шешудегі күрделенген түрде берілген бөлшектерді салыстыра білгізу

Адамның жасын есептеуге берілген есептер

Адамдардың жастарын есептеуге берілген күрделенген есептерді шеше білуге дағдыландыру

Құюға берілген есептер

Құюға берілген есептерді кесте арқылы шығара білу дағдыларын қалыптастыру

Логикалық тест

Өтілген сабақтар бойынша логикалық тест тапсырмаларын орындау

Кубқа берілген есептер

Сызба бойынша кубпен жұмыс істей білу дағдыларын қалыптастыру

Схемалар мен кестелердің көмегімен шығарылатын есептер

Мәтінді есептердің шартын түсініп, талдау және кесте арқылы шығара білу дағдысын қалаптастыру

Диаграммалар мен сызбалармен берілген тапсырмалар

Сызба, диаграмма, кете түріндегі есептерді шығарудың әдіс тәсілдерін үйрету

Таразыда өлшеу