7 санын қосу және азайту ашық сабағы, 1 сынып

Сабақтың тақырыбы: 7 санын қосу және азайту,

Сабақтың мақсаты: 1) Санға 7-ні қосу және азайту тәсілдерін таныстыру. Екі амалдан тұратын өрнектермен, есептеулермен байланысты іс-әрекеттер қолдануға үйрету.

2) Оқушылардың ауызша есептеу,логикалық ойлау дағдыларын дамыту.

3) Еліміздің дәстүрін сыйлайтын азаматы болып өсуге тәрбиелеу.

Сабақтың көрнекілігі: карта, суреттер, т.б.

Сабақтың әдісі: көрнекілік, ойын, сұрақ – жауап, т.б.

Сабақтың түрі: саяхат сабақ

Сабақтың барысы:

I. Ұйымдастыру бөлімі

1. Оқушыларды сабаққа дайындау.

2.Сабақтың мақсатымен таныстыру.

- Балалар,біздің еліміз қалай аталады?

- Қазақстан Республикасы.

- Қазақстанның бас қаласы қай қала?

- Астана қаласы.

- Ал, біздің облысымыз қалай аталады?

- Маңғыстау облысы деп аталады.

- Маңғыстау облысының орталығы қай қала?

- Ақтау қаласы.

- Ал біздер қай ауылда орналасқан мектепте оқимыз?

- Сайын Шапағатов елді мекенінде орналасқан мектепте оқимыз.

- Олай болса, балалар, Сайын елді мекенінен Ақтау қаласына саяхатқа шығамыз.

Саяхатқа шыққымыз келеді ме?

-Иә.

- Ал біздер Ақтау қаласына жаяу барамыз ба? Немен барамыз?

- Мектеп автобусымен барамыз.

- Жақсы, балалар, олай болса автобусқа мініп, Ақтау қаласына бағыт алайық. Жолда Ақшұқыр ауылына аялдайық. Ақшұқыр ауылының бізге дайындаған тапсырмасы бар екен. Қанекей, бәріміз экранға назар аударайық.Берілген тапсырманың дұрыс жауабына сәйкес фигураны көтеріңдер.

II. Негізгі бөлім

1) Жаңа сабақ.

- Балалар,саяхатымызды әрі қарай жалғастырайық. Бәріміз автобусқа мініп Ақтау қаласына келдік. Ақтау қаласындағы жаңа ғимаратқа көшкен Ш. Есенов атындағы университетке келдік. Бұл университет облысымыздағы бірден-бір мемлекеттік жоғарғы оқу орны болып табылады.Әр түрлі салада жұмыс жасайтын маман иелерін осы оқу орнында дайындайды.

Бұл университетке келіп, біз жаңа сабақпен танысамыз.

Бүгінгі сабақтың тақырыбы - 7 санын қосу және азайту.

Сабағымыздың мақсаты:

 Санға 7-ні қосу және азайту тәсілдерін таныстыру.

 Екі амалмен шығарылатын өрнектер мен есептерді шығару дағдыларын жетілдіру.

1. Сабақты түсіндіру (слайд бойынша)

- Балалар,экранға назар аударайық. Нелердің суретін көріп отырмыз?

-Оқулықтардың.

-Осы математика оқулығы мен қазақ тілі оқулығының барлық санын табу үшін,алдымен оқулықтарды бір ондыққа толтырып алуымыз қажет. Ол үшін 7 қазақ тілі оқулығына неше математика оқулығын қосамыз?

- Ол үшін 7қазақ тілі оқулығына 3 математика оқулығын қосамыз.

- Сонда неше оқулық болды?

- Он оқулық болды.

- Енді он оқулыққа қалған 4 математика оқулығын қоссақ қанша оқулық болады?

- Барлығы 14 оқулық болады.

- Олай болса. 7-ге 7 санын қосқанда қанша болады екен?

- 14 болады.

- Енді 14 дәптерден 7 дәптерді қалай азайтамыз? Ол үшін 14 дәптерден 4 дәптерді азайтамыз. Сонда қанша дәптер қалды?

- 10 дәптер қалды.

- Енді 10 дәптерден 3 дәптерді азайтайық. Қанша дәптер қалды?

- 7 дәптер қалды.

- Олай болса, 14-тен 7 санын азайтқанда қанша болады екен?

- 7 болады.

2. Дәптермен жұмыс:

№1 тапсырманың ә бөлігін дәптерге орындату.

(2оқушыны тақтаға шығарту)

3. – Балалар, Ш. Есенов университетінен жаңа сабақты түсініп,автобусқа мініп,саяхатымызды әрі қарай жалғастырамыз.

Ақтау қаласына Алматы қаласынан цирк келген екен. Циркке барғыларың келеді ме?

-Ия

-Олай болса, циркке де аялдама жасайық.

- Балалар, осы цирк жөнінде не білеміз?

- Дұрыс балалар. Өте жақсы. Ал циркте өнер көрсететін жануарлардың ең үлкенін білеміз бе?

- Ия. Ол –піл.

- Сол үлкен жануар пілдің бізбен ойнағысы келеді екен. Пілмен ойнаймыз ба?

- Ойын: «Кім шапшаң?» деп аталады. Экранда көрсетілген мына цифрлар мен таңбаларды пайдаланып, тез теңдіктер құрастыруларыңыз керек.