8 сынып, 1-тоқсан Тарих пәнінен 1917 жылғы Ақпан буржуазиялық-демократиялық революциясы және оның Қазақстанға әсері тақырыбында слайд

Бөлім тақырыбы : 8.1 ХХ ғасырдың басындағы Қазақстан Сабақ тақырыбы : 1917 жылғы Ақпан буржуазиялық-демократиялық революциясы және оның Қазақстанға әсері . 10- c абақ Зерттеу сұрағы:Қазақстанда 1917 жылы саяси белсенділіктің артуы қандай оқиғалардан көрініс тапты?

Қазақстан тарихы

8 - сынып

Нұр-Сұлтан қаласы Білім беруді жаңғырту орталығы

Мұғалім: Жақсылық . Д

Оқу мақсаты:

8.3.1.2 XX ғасыр басындағы Қазақстандағы қоғамдық-саяси процестерге баға беру.

Бағалау критерийлері:

Бейнематериалды көру және тыңдалым арқылы тақырыптың маңыздылығын анықтайды ,

қоғамдық-саяси процестерді талдайды.

Ақпан революциясынан кейін Қазақстанда қазақ зиялылары басқарған қазақтардың облыстық және уездік комитеттері құрылды . 1917 жылдың наурыз бен сәуір айларында бұл комитеттер іс жүзінде бүкіл Қазақстан аумағын қамтыды .

Ақпан революциясынан кейін саясатқа жастар да тартылды . Қазақстанның қалалары мен ірі елді мекендерінде жастардың 20-дан астам ұйымдары құрылды . 1915-1917 жылдарда Орынборда

« Еркін дала», Омбыда « Бірлік », Оралда « Жас қазақ », Тройцкіде « Үміт » сияқты үйірмелер, ұйымдары құрылды . Олар алғашқы кезде мәдени-ағартушылық проблемаларымен айналысты . Сонымен қатар , қазақ халқын патша өкіметінің ұлттық-отаршылдық езгісінен азат етуді , өз халқының көзін ашуды шын жүректен тіледі , еңбекшілердің санасында ұлттық топтасу , бостандық және тәуелсіздік идеяларын оятуға талпынды .

Тыл жұмысшыларының орыс жұмысшыларымен , солдаттармен қарым-қатынаста болуы , олардың саяси санасының өсуіне зор ықпал жасады . 1917 жылдың шілдесінде Верныйда « Қара жұмысшылар одағын », Сергиопольде 800 майдангер солдатпен тыл жұмысына алынған қазақтар « Солдаттардың орыс-мұсылман ұйымын », Петропавлдан тыл жұмысына алынғандар « Жас арбакештер одағын » құрды .

Қазақстанда өлке және облыс орталықтарынан бастап , уездерге , болыстар мен селоларға дейін эсерлік ұйымдар мен топтардың желісі өріс алды . Эсерлердің кең тараған ұрандары , патша өкіметін Орта Азияның байырғы халықтарының дамуын тежеді деп айыптауы , олардың шауралар съездеріндегі село еңбеккерлерінің мүдделерін қорғау қажеттігі туралы сөйлеген сөздері халық көңілінен шықты .

1917 жылы Ақпан революциясынан кейін Қазақстанның солтүстік облыстарында кадеттер ұйымы жұмысын жандандыра түсті . Семейде «Свободная речь» деген өз газетін шығарып тұрды . Кадеттер бөлінбес біртұтас Ресейді , конституциялық монархияны қалыптастыру саясатын жақтады . Кадет партиясы Орталық Комитетінің мүшесі Ә.Бөкейханов мұндай бағдарламалық қағидалармен келіспейтінін , өзінің бұл партиядан шығатынын мәлімдеді .

Ақпан революциясы кез келген қоғамның барлық әлеуметтік топтарының мүдделеріне жауап беретін азаматтық бейбітшілік қоғам орнату мүмкіндігін жасады . Ақпан революциясының маңызды қорытындысы – қоғамдық өмірдің барлық саласының демократиялануы , кең көлемді саяси бостандықтардың орнауы мен осы үрдістің нәтижесінде халық бұқарасының саяси санасының арта түсуі болды .