9 мамыр Ұлы Жеңіс мерекесіне арналған тәрбие сағаты

9- мамырҰлы Жеңіс мерекесіне арналған ауыл ардагерлерімен

бірге өткізілген мерекелік кештің жүрісі.

Сахна ашылды.Зал іші мерекеге орай безендірілді.Музыка жүріп тұр.

Айзада: Армысыздар,ауыл тұрғындары,соғыс ардагерлері,еңбек

ардагерлері,қонақтар,ауыл жастары.Сіздерді Ұлы Жеңіс мерекесінің

66 жылдығына орай ұйымдастырылған кешімізге қош келдіңіздер!

Мерекелеріңіз құтты болсын!

Орнай: Германия соғысы...Ол біздің ақ шашты аталарымыз бен әкелеріміздің

ерлік пен қаһармандыққа,батырлыққа толы биік рухын күллі

әлемге танытқан ұлы рәмізі болса,9-мамыр-Жеңіс күні аға ұрпақтың

сол жанқиярлық,ерен еңбегі мен батырлық ісін ел жадында мәңгіге

сақтауға арналған қастерлі де,мағыналы мереке.Мереке тағы да

құтты болсын!

Құттықтау сөз кезегін ауыл әкімі М.Б.Есенұлына береміз.(сөз сөйледі)

Айзада: Нарттай жанған жүздері асыл адам,

Соғыс өртін көрсе де жасымаған.

Айналайын,ардагер қарттарым-ай,

Шежіре жатыр қаншама ашылмаған.

Кезінде өмір жүгін арқалаған,

Жүзінен қашанда нұр тарқамаған.

Олар бар да байлықта,береке бар,

Тарихтың күмбезіндей жарқыраған.

Орнай: Олар барда тыныштық бар,шындық бар,

Олар барда ауызбірлік,тірлік бар.

Елдің жайы елеңдетіп оларды,

Олар жүріп өткен жерде ерлік бар.

Қазақ елі ұлық елім,алыппыз,

66 жыл тағзым еткен батырға.

Аталардан шын ерлікті танып біз,

Жан бердік те намыс бермес халықпыз,-дей келе соғыс

ардагерлері-Талпақ атамен,Балшықбай атаға,Еңбек тыл ардагерлері-

Абдолла атамен Ұлжан апайға құттықтау сөз кезегін ұсынамыз.

(Сөз сөйледі).

Айзада: Өмір жастарыңыз ұзақ болсын,аталар.Сіздердің

ұлылығыңыз,ерліктеріңіз болашаққа ұмтылған ұрпақтарыңыздың асқақ

бейнесіндей болып,барша халықты ортақ мақсатқа жұмылдырып,қасиетті

істерге шақырып,жігерлендіріп,рухтандырып тұрары сөзсіз..

Орнай: Иә,Айзада,бейбіт күннің әр азаматы сіздердің ерліктеріңізді мақтан

тұтады,қастерлейді.Айбынымызды асырып,рухымызды аспандатар

тұғырлы мемлекеттің туын биікке көтерткен,сенімдеріңіз,күш-жігеріңіз

нығайып,келешектің мәңгілік мақтанышы болып жүре беріңіздер!

Ән. «Жеңіс туы» Орындайтын Х.Айдарбаева

Ән. «Бейбіт күні» Орындайтын Д.Төлесінов

Би. «Азаттық таңы үшін» Айгөлек тобы

Айзада: Соғыста қасық қаны қалғанша шайқасқан аға-апаларымызды

орнымыздан тұрып,1 минут үнсіздікпен еске алайық.. (еске алады)

66 жыл – толыпты ұлы күнге,

Оңайлықпен келген жоқ осы күнде.

Мың тағзым жанын берген батырларға,

Жеткізген мына бізді осы күнге.

Орнай: Жеңіс деген- жақсылықтың сыңары,

Жігер менен құштарлықтың құралы.

Күрескердің арманы мен ұраны,

Қуаныш пен мерекенің бұлағы.

Жангелді: Жеңіске 66 жыл!

Соғыс деген залалы ғой заманның,

Соғыс деген қайғысы ғой адамның

Қара тұман құлы болған көк аспан,

Соғыс деген- қарғысы ғой даламның.

Жүсіп: Соғыс десе түршігеді жанымыз,

Дұшпан десе қайнайды ғой қанымыз.

Ал мен болсам адамзатқа тіледім,

Шырқалсын деп бейбіт өмір әніміз.

Ағдана: Жайнай берсін Тәуелсіз Отанымыз,

Жасай берсін Нұраға елбасымыз.

Сайрай берсін алтын менің ана тілім,

Тойлай берсін аман-есен отбасымыз!

Ән. «Бостандық таңы» Орындайтын М.Ермекбаева

Ән. «Катюша» Орындайтын Т.Бекмырзаева

Нұршат: Ай өткен,жылдар өткен,ғасыр өткен,

Жеңіс пен майдан бітіп ,жас ержеткен.

Ерлігі ел жүрегін тебіренткен.

Ұрпаққа ұран болып,Мәншүк еткен.

Аяжан: Болашақты бізге мирас етем деп,

Қыршын кетті Әлия,Мәншүк апалар.

Әлия,Мәншүк аттары әнге айналған,

Әлия,Мәншүк қос жұлдыз ойнаған.

Көрініс. «Қазақтың қос жұлдызы» (Сахнаға Әлия,Мәншүк шығады).

Ән. «Әлия» Орындайтын М.Ермекбаева

Айзада: Иә,майдан даласынан 50 мыңнан астам ағаларымыз оралмады.Біз

Отанымыздың болашағы мен Тәуелсіздік жолында құрбан болған

әкелеріміз бен аталарымыздың ерлігіне,қайсарлығына бас иеміз..

Орнай: Мезгілсіз өлген ардагер ұлдар айбыны,

Желбіре тулап,толықсып тұрса май гүлі.

Қуану керек,қуану керек десек те?

Ұмыту қиын,ұмыту қиын қайғыны,

Соғыс жалмап аға-іні бауырды.

Зар жылатты тыныш жатқан ауылды,

Бірақ біздер өздеріңнің арқаңда,