Абай – адамзаттың ақыны тәрбие сағаты 4 сынып

Мерзімі: 27.02.2020 ж.

Тобы: «Сұңқар», «Қызғалдақ»

Тәрбиешілер: Г.Мыңбаева. А.Асанова

Ашық тәрбие сағаты

Тақырыбы: «Абай –адамзаттың ақыны»

Мақсаты:

Білімділік: Оқушылардың Ұлы ақынның балалық және жастық шағы, өскен ортасы туралы білімдерін тексере отырып, ақынды жас ұрпаққа таныту. Абай шығармашылығын сүйіп оқуға, өмірін, қасиеттерін үлгі ете отырып, білім-ғылымға құмарлығын арттыру

Дамытушылық: оқушылардың тіл байлығын, ой өрісін, өз ойын айтуға, көркемдеп еркін сөйлеу мәдениетін дамыту;

Тәрбиелігі: оқушыларға эстетикалық тәрбие беру, адамгершілікке, асыл қасиеттерге тәрбиелеу

Түрі: танымдық сабақ

Әдісі:түсіндіру, сұрақ-жауап

Көрнекілігі: Абай портреті, слайд, бейнебаян

Барысы: І. Ұйымдастыру кезеңі - оқушылардың қызығушылығын ояту.

ІІ. Кіріспе: Құрметті ұстаздар, оқушылар «Абай-адамзаттың ақыны» атты тәрбие сағатына қош келдіңіздер!

Биыл қазақтың ұлы Ақыны Абай Құнанбаевтың 175 жылдық мерейтойы екені баршамызға аян.

"Абай қазақ руханиятының басты тұлғасы. Оның шығармасы қазақ жерінде жылдан жылға мұра болып ұрпақтан-ұрпаққа беріліп қана қоймай, әлем тілдеріне аударылып, ғаламға тарады. Осыған дейін Президент Қасым-Жомарт Тоқаев ұлы Абайдың 175 жылдығын бүкіл республика бойынша атап өту туралы қаулыға қол қойды. Бұл қазақстандықтар үшін жақсы жаңалық. Себебі, Абай әр қазақтың сүйікті ақыны.

Бүгінгі тәрбие сағатымызда Абай атамыздың өмірі мен шығармашылығына тоқталатын боламыз.

ІІІ. Бейнебаян

Медреседе оқып жүрген кезде жас шәкірт Шығыстың атақты ақындарының шығармаларымен танысады. Өзі де соларға еліктеп өлең жаза бастайды.

Абай – өз халқының көзі ашылып, алдыңғы қатарлы мәдениетті елдер қатарына қосылуын армандаған ақын.

Мысалы: «Ғылым таппай мақтанба» өлеңінде жаман әдеттерден аулақ болып, білім алуға , еңбекпен жақын болуға шақырады.

«Әсемпаз болма әрнеге» өлеңінде жастарды өмірге жеңіл қарамай, өмірдегі өз орнынды тауып , халқыңа пайдаңды тигіз дегендей өсиет айтады.

1. _____________________________«Ғылым таппай мақтанба»

2. _____________________________«Әсемпаз болма әрнеге»

Абай ақын ғана емес, Абай – сазгер, композитор, яғни ән шығарушы да болған. Абай басқа да халық арасынан шыққан әнші, күйші, композиторлар сияқты нота сауатын меңгермеген. Домбыра оның өмірлік серігі болды. Абай әндері әкеден –балаға, мұра болып, ауызша таралып осы күнге дейін жетіп отыр.

Абайдың әдеби мұрасы тек өлеңдермен ғана шектелмейді. Абайдың өмір туралы терең толғаныстарға толы. “Қара сөздері” бар.

Қара сөздері:

Ақханым: 15ші қара сөзі

Бота: 31ші қара сөзі

ІҮ. Келесі кезекті «Сен білесің бе?» сұрақ-жауап айдарына берсек.

Абайдың өмірі мен шығармашылығына байланысты сұрақтар беріледі.