Абай әлеміне саяхат, 4-сыныпқа арналған тәрбие сағаты

Бекітемін: Көкен Г

Тақырыбы: Абай әлеміне саяхат

Мақсаты:

- Ұлы ақынның өнегелі өмірімен таныстыру, ақынның даналығын, рухани асыл- мұраларын насихаттап, өлеңдерін, әндерін мәнерлеп айтқызу.

Көркем сөйлеуге, шығармашылықпен жұмыс істеуге көмектесу.

Оқушыларды Абайды тануға, маржан сөздерімен сусындауға,өсиет сөздерінен өнеге алуға баулу.

Тіл тазалығы үшін күресуге,сөз өнеріне баулу.

Көрнекілігі: Абай портреті. Абайдың қанатты қара сөздері, айтылған ұлағатты өлеңдері, суреттер және слайд.

Кіріспе:

Жұмыс барысы

Сахнада Абайдың үзеңгілес жолдастары әңгіме дүкен құрып отыр. Сырттан Айбайдың әні естіледі.

Ау, бала сыртта не болып жатыр? Абайдың әні естіледі ғой.

Иа, ата , ауыл жастары ғой жиналып Абай атамыздың әндерінен жарыс ұйымдастырып жатырған.

Әә, бәрекелді! Жастарымыз Абай замандасымыздың әндерін айтып, өлеңдерін жаттап өссе, болашағы жарқын болары анық емес пе?

Иә, қазіргі жастарымыз Абай өлеңдерін нақышына келтіріп айтып жүргенін көріп отырмыз. Менің ойлайтыным , болашақта осыдан бірнеше ғасырлардан кейін келетін жастарымыз Абай сияқты ақынымыздың бар екенін біле ме екен? Оның әндерін айтар ма екен?Қалай ойлайсыңдар? (қасындағы адамға қарап)

Сенің осы болашақты болжайтының бар еді ғой. Осы жөнінде не айтасың?

Абайдың шығармаларын ұлықтап, болашақ жастарға жеткізу, ол біздің еншімізде ғой. Дегенмен, болашаққа көз салып көрейін.

Биссимила! Сәл көзін жұмып.

Сіз меңзеген кезеңде , елімізде білім ордаларының мүмкіншілігі жоғары болады екен. Абай атамыз туралы ғаламтор деген нәрседен алып отырады екен. Абайдың өмірі ғана емес, оның шығармалары да, қарасөзінде, тіпті аудармаларын да оңай –ақ тауып оқуға болады екен. Білім ордаларында, Абай әндерінен, өлеңдерінен түрлі сайыстар өтеді екен. Қойылымдар қойылып, сынып сағаттары өтеді екен.

Экраннан Абай өлеңдерін оқу кезіңнен сайыс үзінділері көрсетіледі.

Ендеше құрметті көрермендер, ұстаздар бүгін 4 Ә сыныбының «Абай әлеміне саяхат» сынып сағатына қош келдіңіздер!!! Бүгінгі сынып сағатымызда Абай атамыз туралы білетіндерімізді толықтыратын боламыз. Ол үшін «Абай әлеміне саяхатқа» шығамыз.

Абай өлеңдерін оқушылар жатқа айтады.

Әліби, Маржан, Айсара, Жақсылық, Думан т,б

Азамат: «Қыс»

Ақ киімді денелі, ақ сақалды,

Соқыр, мылқау, танымас тірі жанды.

Үсті – басы ақ қырау, түсі суық.

Басқан жері сықырлап келіп қалды.

Демалысы үскірік, аяз бен қар,

Кәрі құдаң – қыс келіп, әлек салды.

Ұшпадай бөркін киген оқшырайтып,

Аязбенен қызарып ажарланды.

Жақсылық: «Жазғытұры»

«Жазғытұры» қалмайды қыстың сызы,

Масатыдай құлпырар жердің жүзі.

Жан-жануар, адамзат анталаса,

Ата – анадай елжірер күннің кһзі.

Жаздың көркі енеді жыл құсымен,

Жайраңдасып жас күлер құрбысымен.

Бағила: «Күз»

Сұр бұлт түсі суық қаптайды аспап,

Күз болып, дымқыл тұман жерді басқан.

Білмеймін тойғаныма, тоңғаныма,

Жылқы ойнап, бие қашқан, тай жарысқан.

Жасыл шөп, бәйшешек жоқ бұрынғыдай,

Жастар күлмес, жүгірмес бала шулай.

Қайыршы шал-кемпірдей түсі кетіп,

Жапырағынан айрылған ағаш, қурай

Ақторғын:

Құлақтан кіріп бойды алар

Әсем әнмен тәтті күй

Жүрекке түрлі ой салар

Әнді сүйсең менше сүй.