Абай мұрасы және білім мен ғылымдағы рөлі

Абай Құнанбаевтың мұрасы: Әл-Фараби атындағы Қазақ Ұлттық Университеті мен Абай Ғылыми Зерттеу Институтының білім мен ғылымдағы рөлі

Әл-Фараби атындағы Қазақ ұлттық университеті — еліміздің білім беру саласындағы ең беделді, әрі абыройлы оқу орындарының бірі. Бұл университет талай жылдар бойы Қазақстанның жоғары білім беру жүйесінде көш бастап келеді және өз кезегінде сан мыңдаған білікті мамандарды дайындап шығарды. Университетте студенттердің жан-жақты дамуына және ғылымға деген қызығушылықтарын арттыруға бағытталған көптеген ғылыми-зерттеу орталықтары жұмыс істейді. Соның ішінде ерекше атап өтерлік орталықтардың бірі — Абай Ғылыми Зерттеу Институты (Абай ҒЗИ). Бұл институт қазақ халқының ұлы ойшылы Абай Құнанбайұлының мұраларын зерттеумен айналысып қана қоймай, қазіргі заманғы жастарды ұлттық құндылықтарға баулуға үлкен үлес қосып келеді.

Абай ҒЗИ аясында өткізілетін іс-шаралар университеттің рухани-мәдени өмірінің ажырамас бөлігіне айналған. Осындай іс-шаралардың бірі — 2024 жылдың 12 қарашасында Филология факультетінде өткен ашық сабақ. Бұл ашық сабақты ұйымдастырған Шетел филологиясы мамандығының 2-курс магистранттары Алуақас З., Кәдір А., Сақтаған Ш. және олардың жетекшісі аға оқытушы Даутова Б.Д. Сабақтың тақырыбы: "Абайдың үш құндылығы: Ақыл, қайрат, жүрек". Ашық сабақ "Абай ілімі" пәні аясында 6B02305 - Қазақ филологиясы мамандығының 1-курс студенттерімен өткізілді.

Ашық сабақтың басты мақсаты — студенттерге Абайдың үш негізгі құндылығы, яғни ақыл, қайрат және жүрек туралы тереңірек түсінік беру, сонымен қатар ұлы ақынның шығармашылығы арқылы жастарды ұлттық құндылықтарға тәрбиелеу. Сабақ барысында студенттер “АБАЙДЫҢ КІСІЛІК КОДЕКСТЕРІМЕН” танысты.

Абайдың үш ұғымы — ақыл, қайрат, жүрек — адам өмірінің мәнін ашып, қоғамдағы адамның орнын анықтайтын маңызды қағидаттар болып табылады. Абай ақылдың рөліне ерекше мән беріп, оның адамды білімге, ізгілікке жетелейтінін айтады. Қайрат — адамға қажырлылық пен батылдық сыйлайтын күш, ал жүрек — адамның сезімдері мен рухани әлемінің негізі.

Сабақ интерактивті түрде өтті және студенттердің танымдық белсенділігін арттыруға мүмкіндік берді. Оған 26 студент қатысып, әрқайсысы өз ойларын еркін білдіруге тырысты. Студенттер екі топқа бөлініп, "Адам ақылына құлақ асу керек пе, әлде жүрек қалауына ма?" деген қызықты тақырыпта пікірсайыс…