Абай мұрасын жаңаша зерделеу бойынша материал

Абай мұрасын жаңаша зерделеу

Қазақ халқының өткен XX ғасырдағы ақыл-ой жетістігі Абай мұрасымен өлшенеді. Абай сол кездегі қоғамдағы бар тауқыметті, рухани күйрей бастаған халқының мүшкіл халін ашына жазып жан-тәнімен түзеуге тырысты, халқының оқу-білімнен кенже қалғанына,сол кездегі жаппай сауатсыздыққа да қарамай ,сол үшін үмітсіздікке торығуға салынбай, «сыншыл реализм» шеңберін бұзып шығып,өр рухты оптимист ақын ,телегей теңіздей мол білімімен - халқы үшін ғұлама ғалым, данышпанға айналды.

Сөйтіп Абай «Ғылымды іздеп, дүниені көздеп» әр қияға көз салды,туған даласының даналығын әлемдік өркениеттің озық ойымен ұштастыра меңгеріп, «өз жүрегінің түбіне терең бойлады» содан тапқан «шын асылын», «іші алтын,сырты күміс сөз жақсысымен» халқына бере білді.

Қазақтың таусылмайтын шер-қайғысына жан жылуын беріп, халқы үшін тек ақиқатын айтатын таразысы мен ар-ұятына айналды және халқын үнемі алға ұмтылдырып арман-мұратына жетелейтін «темірқазығы» болды. Сөйтіп қазақтың ғұлама ғалымы, ұлы ойшылы ,ағартушысы ретінде ақыл-ой парасатының шыңына көтерілді. Заманынан озып туып, ел жұрты үшін шешуі тарқатылмайтын «жұмбақ адамына» айналды.

Қалың елі,қазағы сол жұмбақты шешу жолында дана ақын мұрасымен бір жарым ғасыр бойы сырласып , мұңдасып келеді. Ақынның мол мұрасы жыл өткен сайын жаңа қырынан ашылып,биіктей түсетін ұлы даланың өркениетінің алтын тұғыры іспеттес. Ал ақыннан қалған асыл сөз оқыған сайын нұрланып, оқыған сайын түрленіп өзіне деген халқының құрметімен құмарын арттыра түсуде. Дана Абайға қаншалықты құштарлана ден қойған сайын,ұлттық рухымызды да соншалықты терең тани бастаймыз. Бір ғасыр бұрын жазылсада бүгінгі күннің өзінде өміршең боп,өз құндылығын әлі де жойған жоқ.

Бүгінгі таңда, Тәуелсіздігіміздің 30 жылдығымен дара тұлға Абайдың 175 жылдық мерейтойы карсаңында өтіп жатқан шаралар өте көп және жан-жақты әр қырынан ашылып бүкіл ел бойынша атап өтілуде. Соның бірі Алматы қаласындағы №102 ЖББММ мектепте өткізілген мәнерлеп оқудың мектепішілік байқауы. Бұл байқауда оқушылар - мектебіміздің орыс-қазақ сыныптарымен аралас болғанына қарамастан барлық сынып бойынша Абайды оқып, жаттап әрқайсысы өз қабілет - ерекшеліктерімен көзге түсуге тырысты. Байқауды жоғары деңгейде ұйымдастырып өткізген мектебіміздің тіл мамандары - орыс тілімен әдебиетінің мұғалімі…