Абай Құнанбайұлы мұраларын танытатын әдеби материал

Тақырыбы: Абай Құнанбайұлының шығармашылық мұрасы.

Мақсаты:

Абай шығармашылығының мағынасына терең үңіліп, түсінуге және халық оның шығармашылық мұрасына құрметпен, сүйіспеншілікпен қарауға тәрбиелеу;

Абай шығармашылығының мазмұнын эмоциялық сезінуге тәрбиелеу, көркемдік талғамын дамыту;

Абай шығармалары арқылы күрделі классикалық шығармаларға қызығушылығын қалыптастыру, оған шығармашылықпен қарауға бейімдеу;

Күтілетін нәтиже:

-Абай туралы, оның асыл қазынасы туралы білімдері толығады.

-Поэзияны сүйетін, эстетикалық сезімдері, дүниетанымдары жетілген тұлғалық қасиеттері дамиды.

-Адамды құрметтеу, оны бағалау сезімдері артады.

-Ұлтжандылық, Отансүйгіштік сезімдері қалыптасады. Азаматтық позициялары беки түседі.

-Адамзат баласын құрметтеу, ізгілік пен имандылықты өмірінің мақсаты ете білетін әділ, «халық» деп соққан жүрегі бар жан-жақты тұлға қалыптастыруға қол жеткізуге болады.

-Абай шығармаларын өмірмен байланыстырып, салыстырып өз толғанысын қорытады.

Көрнекілігі: интерактивті тақта, АКТ, үлестірмелі қағаздар, маркер, стикер, Абайдың өмірі мен шығармашылығына арналған слайдтар жиынтығы;

Айдары:

“Абайды таныту арқылы біз Қазақстанды әлемге танытамыз. Абай әрқашан біздің ұлттық ұранымыз болуы тиіс...”

Н.Ә.Назарбаев

І. Барысы:

ІІ. Ұйымдастыру кезеңі:

Ынтымақтастық шеңбері

- Қайырлы күн, балалар! Бүгін міне, күн бізге қарап күліп, шуағын шашып тұр. Әдеттегідей сендермен кездесіп тұрғаныма қуаныштымын. Қараңдаршы, бәрің сондай қуаныштысыңдар, бір – біріңе күліп қарап, жайдарлы ақжарқын болып тұрсыңдар. Сендердің көздеріңнен мейрімділіктің, жақсылықтың, қамқорлықтың, сүйіспеншіліктің белгісін көріп тұрмын. Ендеше бүгінгі күнге мен сендерге сәттілік тілеймін.

Оқушылар ынтымақтастық шеңберін құрып, сағат тілі бағыты бойынша бір-біріне жақсы тілек айтып шығады.

ІІІ. Смайликтер арқылы топтарға бөлу. Смайликтердің түстеріне қарай топтасады. Үстелдің үстінде тұрған смайликтердің түсіне қарай әр оқушы таңдап алған смайликтері бойынша өз орындарына барып отырады. Сынып үш топқа бөлінді. Үш топ бойынша Ұлы бабамыздың шығармашылық мұрасы жайында жұмысы бойынша жұмыс түрлерін жүргізеді.

ІV. Ой қозғау.

Абай есімін топтастыру.

Әр топтан кезектесе отыра интерактивтік тақтаға Абай есімін топтастырып жазып шығады. Әр тармағы бойынша Абай Құнанбайұлының өміріне қысқаша тоқталып түсінік беріп өтеді.

Ақын

Шешен

Ұлы

Жазушы

Аудармашы

композитор

Дара

Күрескер

Ағартушы

Әділ би бисөз

Дана

Кемеңгер

Ақын

Шешен

Ұлы

Жазушы

Аудармашы

композитор

Дара

Күрескер

Ағартушы

Әділ би бисөз

Дана

Кемеңгер

V. Ой шақыру:

Жүрегімнің түбіне терең бойла,

Мен бір жұмбақ адаммын, оны да ойла.

Соқтықпалы, соқпақсыз жерде өстім,

Мыңмен жалғыз алыстым, кінә қойма.

Абай қазақ поэзиясының өсіп, гүлденіп, жаңа сапаға жетуіне орасан зор еңбек етті. Ақын жас ұрпаққа терең ойға толы, алуан өлеңдер үлгісін қалдырды. Абай мұралары – адамгершіліктің, имандылықтың, биік парасаттылықтың асыл қазынасы. Осыған орай Абай шығармашылығын жинақтау, жүйелеу мақсатындағы сынып сағатымызды бастайық.

VІ. Абай туралы білетіндерін жинақтау мақсатында сұрақтар

(әр топқа 5 сұрақтан қойылады, сұраққа ойланбастан жауап беру керек).

1-топқа:

1. Абайдың мұражайы қай жерде? (Жидебайда)

2. Абайдың алғашқы өлеңдер жинағы қай жылы, қай жерде басылып шықты? (1909ж. Петербург)

3.Абай ең алғаш дәріс алған татар молдасы.(Ғабитхан)