Абай оқуларын ұйымдастыруға арналған мектепішілік материал

Жамбыл облысы,Т.Рысқұлов ауданы,

Қарақат ауылы, №2 шағын орталықты орта мектебінің қазақ тілі мен әдебиет пәнінің мұғалімі

Қораласбаева Гүлнара Ілімханқызы

«Абайды оқы, таны »

атты мектепшілік Абай оқулары байқауының

бағдарламасы

Мақсаты: Қазақ тілінің көркемдік ерекшелігін, бай сөз қорын насихаттау, дана ақын Абай Құнанбайұлының ақындық талантын шәкірт жүрегіне ұялату арқылы мәнерлеп жатқа айтуға, поэзияны сүюге, оны бағалай білуге, оқу дағдысын жетілдіре отырып, рухани танымын кеңейту.

1-жүргізуші: Қайырлы күн, құрметті ұстаздар, оқушылар, байқауға қатысушылар! Өнердің түрі көп. Бейнелеу өнері, кино өнері, театр өнері, сурет өнері, сәулет өнері, мүсін өнері, т.б. Өнерлердің ішіндегі ең құдіреттісі ол-сөз өнері

2-жүргізуші: Бүгінгі өткелі отырған іс-шарамыз Елбасы Н.Ә.Назарбаевтың «Болашаққа бағдар:рухани жаңғыру »мақаласы аясында өткелі отыр.Елбасы мақаласының үшінші бағыты «Ұлттық бірегейлікті сақтау».Ұлттық жаңғыру деген ұғымның өзі ұлттық сананың кемелденуін білдіреді.Оның екі қыры бар.Біріншіден:ұлттық сана-сезімнің көкжиегін кеңейту.Екіншіден,ұлттық болмыстың өзегін сақтай отырып,оның бірқатар сипаттарын өзгерту.Ұлттық салт- дәстүріміз,тіліміз бен музыкамыз,әдебиетіміз,жоралғымыз,бір сөзбен айтқанда ұлттық рухымыз бойымызда мәңгі қалуы тиіс.Абайдың даналығы,Әуезовтың ғұламалығы,Жамбылдың жырлары,Құрманғазының күйлері,ғасырлар қойнауынан жеткен бабалар үні –бұлар біздің рухани мәдениетіміздің бір парасы ғана.Бүгін осы бір кішкене залда қазақ сахарасының өзендей алып, өзендей ұлы ғажайып таланттың иесі,қасиетті де аруақты,әлем әдебиетінің жарық жұлдыздарының бірі- Абай өлеңдерін сіздермен сыр шертпекпіз.

Бүгінгі кешіміз талантты ақынымыз Абай Құнанбайұлына арналады.

1-жүргізуші: Жылуы мол жібітердей тоң-тасты, Жылдар легі жылжып алға жалғасшы. Жақсылық пен жақсы үміттің ғасыры, Жылың мынау барады өтіп алғашқы.

2- жүргізуші: Жүректердің жарқылдағай жасыны, Тыныш өмір-адамзатқа асылы. Ел тілегі: адал еңбек, маңдай тер, Ей ғасырым, бол білімнің ғасыры!

1-жүргізуші: Озық ойлы Абайтанушылар! Жыл керуені алға жылжыған сайын Абай Құнанбайұлының артына қалдырған өшпес мұрасы жарық жұлдыздың қараңғы түн қайнауынан құпия сәулесін шашқандай жарқырап, өркендей өсіп, айшықтала түсуде. Асыл сөздері келешек заманымызда да гауһардай жарқырап, көзі ашық көкіректерге нұр болып құйыла берері хақ.

2-жүргізуші: «Абайды оқы, таны » атты Абай оқулары байқауына қош келдіңіздер. 1-жүргізуші.Жас ұрпақ үшін Абай өнегенің,өнердің,әділеттің,адамгершіліктің адам ұлы бола білудің,халық үшін күресудің үлгісі.

2-жүргізуші. Қош келдіңіз,талапты дос,дарынды.

«Абай оқуы» дос-патша көрер бәріңді

Жермен келіп,қайтасыңдар көкпенен Бұл оқу байытады жаныңды.

1-жүргізуші: «Асыл сөзді іздесең, Абайды оқы, ерінбе,» - деп Сұлтанмахмұт ағамыз айтқандай, сайысымызға қатысушылардың оқу мәнерін, сахналық шеберлігін, дарындылығын бағалайтын әділқазылар алқасымен таныстырып өтейік: 1. Мектеп директорының тәрбие ісі жөніндегі орынбасары: Қораласбаева Гүлнара Ілімханқызы 2.Орыс тілі мен әдебиеті пәнінің мұғалімі Герикова Индира Рамазанқызы