Абай және елбасы тақырыбындағы материал, Қазақстан тарихы

Абай және ЕлбасыБаймағамбетов Ерлан РусланұлыҚазақстан Республикасы, Атырау қаласы

Осыдан 175 жыл бұрын ұлы ақын, философ, ағартушы, композитор, қазақтың жазба әдебиетінің негізін салушы Абай Құнанбайұлы дүниеге келді. Оның шығармашылық мұрасы – халқымыздың сан ғасырлар бойы маңызын жоймайтын рухани байлық болып саналады. Заман ағымы өзгеріп, қоғамдық санада күрт сапырылыстар пайда болған сайын, Абай мирасы өзінің жаңа бір қырларымен жарқырай ашылып, қадірін арттыра түсуде. Сол мұраның халықтың рухани өміріндегі айнымас темірқазығына айналғанын Қазақстанның кітап қорында сақтаулы тұрған кітаптары мен басылымдары дәлелдейді.

«Ақыл, қайрат, жүректі бірдей ұста, сонда толық боласың елден бөлек» деп дана ақынның өзі айтқандай, бүгінде салиқасы саясатымен әлемді мойындатқан қазақ халқының Тұңғыш Президенті – Елбасы Нұрсұлтан Әбішұлының Абайға деген құрметі, ықылас-ілтипаты зор. Абайдың Алаш баласына өсиет еткен «кемел адам» атты философиялық ұғымын Президенттің де мұрат тұтқаны «Абай туралы сөз» кітабынан байқалады. «Абай сөзі – қазақтың бойтұмары. Абай мұрасы – қазақтың ең қасиетті қазынасы», - дейді Елбасы.

Елбасының «Болашаққа бағдар: рухани жаңғыру» мақаласы аясында Абай оқулары да республика көлемінде 17 мәрте өткізіліп келеді. Рухани шара жылнамасына үңілер болсақ, әр жылдың өз үздіктері, өз жеңімпаздары бар. Ал осынау игілігі мол іргелі бастаманың көшбасында тағы да Елбасы тұр.

Абай мен Елбасының есімдерін атағанда мәдени сабақтастықты аңғаратыным Елбасының Семей жеріне жасаған бір сапарында: «Сегіз ұлым бір төбе, Ертөстігім бір төбе» демекші, кең байтақ қазақ елінің өзге өңірлері бір төбе, Абай елі бір төбе» деген бейресми бір ауыз пікірі қанатты сөзге айналғалы хақ. Әлбетте, осынау астарлы ойдың сары алтындай салмағы бар. Расында, қазақ халқының әрбір әйгілі тұлғаларының Абайға айналып соқпағаны болмаған.

Солардың Нұрсұлтан Нзарбаевтың Абайды насихаттауға, хакімді күллі әлемге танытуға күш салғаны өз алдына бір пара әңгіме. Оның ішінде Абай жерін атом аждаһасынан арашалап алуының өзі неге тұрады?