Абылай ханға арналған авторлық өлең жинағы

Абылай хан

Армысыздар,қадірменді қазағым,

Талай жылдар,тарттың өмір азабын.

Қазағыма бейбіт өмір сыйлаған,

Қазақ ханы-Абылай жайлы жазамын.

Жастайынан хан Абылай,қиындықты көп көрген,

Тарихтан еске алайық,бұрын-соңды өткерген.

Әкесінен ерте айырылған,Әбілмансұр өмірдің,

Ащы-тұщы жақтарын да,өз басынан өткерген.

Уақыт жылжып, өте берді,ағып жатқандай өзендей,

Әбілмансұр- терең ойлы,алғыр болды көсемдей.

Орта жүздің, «Төбе биі»-Төле бидің сөздерін,

Құйып өсті, құлағына еш нәрсеге бөгелмей.

Сол кезден –ақ,жас Сабалақ батырлыққа құлшынды,

Тез ержетіп,қас жауына аттануға бұлқынды.

15 жасқа келіп жеткен,қайсарлы өр батырға,

Бөгенбай да жебеп-демеп,ақыл қосып отырды.

Сол мезетте,ойраттар да,бұзды қазақ қамалын,

Үлгерді өртеп,ауыл-аймақ,үлкен алқап алаңын.

Ойраттардан Шарыш атты, батыр шығып алаңға,

«Күш сынасар,жекпе-жекте адам бар ма алаңда?»,

Деп шақырды, жекпе-жекте күш сынасар адамын,

Сол мезетте,Сабалақ та құстай ұшты алаңға.

Бөгенбай да тоқталды кеп,жас жігітке құлшынған,

Сабалақ деп атын айтып,қас жауына ұмтылған.

Күліп тұрған,Шарыш батыр мерт боларын білмеді,

Абылай атты,қайсарлы қазақ,батыр тұлға ұлынан.

Міне, осылай мен жырлайын,қазағымның өренін,

Маржандайын сөздерімді жырымменен төгейін.

Абылайдай ханы болған, киелі - жұрт қазақтың,

Өсірейін менде бүгін, өлеңменен мерейін.

Уа,тәңірім, жебей берсін, хан Абылайдың ұрпағын,

Ән мен жырға хан Абылайды мен де бүгін бөлейін.