Мәншүкке арналған авторлық өлең үлгісі

Мәншүкке арнау

Тоқсан жасқа, келіп қапсың, батыр қыз,

Әйгілі ғой, бар әлемге атыңыз.

Митингіге гүл шоқтарын апарып,

Еске алып, пір тұтады халқыңыз.

Бүгін сені еске алады өр елің,

Арта берсін әрқашанда беделің.

Сонау Небель жерінде сен жатсаңда,

Ұмытпайды, ұмытпайды сені елің.

Сен қазақтың жас өрімдей қызы едің,

«Отаным»деп соқты сенің жүрегің.

Ел басына қара бұлт кеп төнгенде,

Аттануға қан майданға тіледің.

Отан үшін қан майданға аттандың,

Келіп жатты бірінен соң хаттарың.

Соңғы демің қалғаныңша жауменен,

Арпалысып, о дүниеге аттандың.

Сенің атың әйгілі ғой халыққа ,

Ерлігіңді көрсеттің сен жорықта .

Отан үшін отқа түскен, елі үшін ,

Мақтан тұтар, батыр қызды халықта .

Халқың сені ,сүйіп өтер мәңгілік ,

Атыңды айтып , халқың тұрар жанұрып .

Ерлігіңді жырға қосып қазағым ,

Паш етеді, әуенге салып ән қылып .

Сен өлсеңде ,атың сенің өлмейді ,

Ерлігіңе жігерлігің тең дейді ,

Сен сияқты батыр қыздар көбейсе ,

Ел намысын қазақ қолдан бермейді.