Адалдық пен әділдік тәрбие сағаты 2-сыныпқа

Адалдық пен әділдік

Сабақтың мақсаты:

Оқушыларға адал,әділ, адамгершілік ұғымдарына түсінік беру.

Бір-біріне деген көңілі таза, пейілі кең, шын дос бола білу ұғымдарын қалыптастыру.

Шындықты айта білуге тәрбиелеу.

Сабақтың міндеттері:

адами қарым-қатынастағы адалдық пен қоршаған ортадағы,өмірдегі әділдіктің орны мен маңызы туралы түсіндіру;

оқушылардың адалдық пен әділдікті дұрыс ұғына білу біліктіліктерін дамытуға ықпал ету;

оқушыларды адалдыққа,әділдікке және шынайылыққа тәрбиелеу;

Тыныштық сәті:

“Нұрға бөлену”

Ыңғайланып,отырыңыздар,денелеріңізді түзу ұстаңыздар.Аяқ-қолыңызды айқастырмаңыз. Қолыңызды тізеңізге немесе үстелге қоюға болады.Көздеріңізді жұмуларынызды өтінемін.

Елестетіп көріңіз: Күн нұры сіздің төбеңізден өтіп,кеудеңізге қарайбойлап барады.Кеудеңіздің орта тұсында гүл түйнегі орналасқан.Гүлдің түйнегі нұрдан баяу ашылып келеді.Балғын және таза әсем гүл сіздің әр ойыңызды ,әр сезіміңізді,эмоцияңыз бен тілек-қалауыңызды шайып,жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елесетіңіз.Ол біртіндеп күшейе түсуде.Оймен осы нұрды қолдарыңызға түсіріңіз.Сіздің қолдарыңыз нұрға бөленіп,сәуле шашуда.Қолымыз тек жақсы ,ізгі істер істейді және баршаға көмектеседі.Нұр аяқтарыңызға тарады.Аяқтарыңыз нұр сәулесін шашуда.Олар сізді тек жақсылық жасау үшін жақсы жерлерге апарады.Олар нұр мен махаббат құралына айналды.

Одан әрі нұр сіздің аузыңызға,тіліңізге тарады. Тіліңіз тек шындықты және жақсы ,ізгі сөздер ғана айтады. Нұрды құлақтарыңызға бағыттаңыз,құлақтарыңыз тек жақсы сөз бен әсем әуенді ғана естиді.Нұр көздерімізге жетті,көзіміз тек жақсыға қарап ,бәрінен жақсылықты ғана көреді.Сіздің басыңыз түгелдей нұрға бөленіп,басыңызға тек ізгі,сәулелі ой келеді.

Нұр бірте-бірте қарқын және шұғылана бастайды,сіздің дененізден шығып,жан-жағынызға сәуле шашады.Осы нұрды туысқандарыңызға,мұғалімдеріңізге,достарыңызға ,таныстарыңызға бағыттаңыз.Нұрды уақытща түсініспей,ренжісіп жүрген адамдарға да бағыттаңыз, олардың да жүрегі нұрға толсын.Осы нұр бүкіл әлемге:барлық адамдарға ,жан-жануарларға ,өсімдіктерге,барлық тірі жанға таралсын... Ғаламның барлық түпкір-түпкіріне нұр бағыттаңыз.Ойша айтыңыз; « Мен нұрлымын... Нұр менің ішімде... Мен Нұрмын»

Осындай Нұр,Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз.Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рақмет.

Үй тапсырмасын тексеру.

Сабырлылық пен ұстамдылық.

Осы тақырыпқа байланысты өлеңдер,мақал-мәтелдер жаттау.

Білім мен өнерді сүй, сусында,

Деп айтсын ел: “Осындай ер тусын да!”

Арың-адал, әділ болсаң әрқашан

Дүниенің бір бақыты уысыныда

Түспегені абзал ғой арға дақтың,

Күйін кешпе түнде ұшар жарғанаттың.

Адал адам әрқашан-еңсесі тік,

Әділдікті ту еткін, қолғанатым.

Қ.Нақысбеков

Адалдық пен әділдік

олар адам бойында кездесетін адамгершілік қасиеттер.Адал,әділ болу кез келген адамның қолында. Адалдық -адам бойындағы таза ниет,бағалы қасиет,адамның сана сезімі мен ар ұжданына қайшы келмейтін әрекеттердің моралдық-этикалық жиынтығы.

Әділ болу деген -өзінің де,өзгенің де сөзін қорғай білу.

Әділетті болу деген , ешкімнің сөзіне еліктемей ,шындыққа сүйене отырып,ешқандай жағдайларға қарамастан,дұрыс,адал көзқараста болу.

Кемді күн,қызық дәурен тату өткіз

Жетпесе,біріңдікін бірің жеткіз!

Күншілдіксіз,тату бол,шын көңілмен,

Қиянатшыл болмақты естен кеткіз !

А.Құнанбаев

Дәйексөз

Дүниеде әділдік пен адалдықты ту еткен адамнан артық ешкім жоқ.

Ш. Уәлиханов

Адамның ниеті,ойы,іс-әрекеті шындыққа негізделгенде адам өзіне де,өзгеге де адал болады.Адал болу кез келген адамның өз қолында. Ол біздің ішкі жан дүниемізден бастау алады. Адамның көңілі таза,пейілі кең,адал,шыншыл болғанда әділдікке қол жеткізеді.

1.Әділет тілесең ,атаңның болсын айыбын айт.

М.Әуезов

2.Алдына келсе,әділдігіңді аяма-аймағың кетпес алдыңнан

Ы.Алтынсарин

3.Әділдік жоғалған кезде адамдар өмірін мәнді ететіндей ештеңе де қалмайды.

И.Кант

Оқулықпен жұмыс.

Адал бала (корей ертегісі)

1.Бала неліктен алтын,күміс балталрдан бас тартты?

2.Оларды бірден алса не болар еді?

3.Баланың ісін адал деп айтуға бола ма?