Адалдық пен әділдік тақырыбындағы ашық сабақ жоспары, 5 сынып

Мектеп:«Қ. Мұқашев атындағы орта мектеп, м.д.ш.о» к.м.м.

күні: 23.02.2016 жыл№24 сабақ тақырыбы:Адалдық пен әділдік

Құндылық:Ақиқат

Қасиеттер:Шынайылық, ойдың, сөздің және істің бірлігі, әділдік

Мұғалім:Г.М.Оспанова сыныбы5оқушылар саны3

Сабақтың мақсаты :

Оқушылар адалдық пен әділдік туралы түсініктері ақиқат құндылық ретіндегі мәнін ұғынады.

Сабақтың міндеттері :

-адами қарым –қатынастағы адалдық пен қоршаған ортадағы, өмірдегі әділдіктің орны мен маңызы туралы түсінеді;

-оқушылардың адалдық пен әділдікті дұрыс ұғына білу біліктіліктері және де ойдың, сөздің, істің бірлігі дамиды;

-оқушылар адалдыққа, әділдікке, шынайылыққа тәрбиеленеді;

Сабақтың түрі: Жаңа сабақ

Қолданылатын әдіс – тәсілдер: Түсіндірмелі – иллюстративті, топтық жұмыс, практикалық.

Пәнаралық байланыс: Қазақ тілі, информатика

Ресурстар : Аудио жазбалар, интерактивті тақта, слайдтар, оқулықтар плакаттар, кестелер

Сабақтың барысы :

1.Ұйымдастыру кезеңі : (5 мин)

- Сәлеметсіздер ме балалар бүгінгі сабақта сіздермен қауышқаныма өте қуаныштымын.Ендеше, біздер бір - бірімізге күлімсіреп, сәлемдесіп, сабағымызды бастайық.Көздеріңізді жаймен жұмып тыныштық сәтіне яғни нұрға бөленейік.

5Т (тәртіп, талап, тыныштық, тазалық, татулық)

Ескерту

«Нұрға бөлену».

Мұғалімге арналған әдістемелік құрал

1слайд

2. Үй тапсырмасын тексеру : (2 мин)

Балалар өткен тақырыпты есімізге түсірейікші.

- Әр нәрсенің байыбына барып, ақылға салып, өзін – өзі ұстай білу – сабырлықтың белгісі.

Қандай жағдайда болмасын қызбалыққа салынбай, шыдамдылық танытып, өз ісіне байсалдылықпен қарау – ұстамдылықтың белгісі.

3. Жағымды ой-пікір: (дәйексөз) (7 мин)

«Дүниеде әділдік пен адалдықты ту еткен адамнан артық ешкім жоқ.»

Ш.Уәлиханов

Оқушыларды түстер арқылы 2 топқа бөлу, сұрақтарды талдау:

Әділ болуға ұмтылу адамға не үшін қажет?

Адал дос дегенді қалай түсінесіңдер ?

Адал болу кез келген адамның қолынан келе ме?

- Дүниеде әділдік пен адалдықтың бар екндігі ол ақиқат. Адалдық ол адам бойындағы таза ниет, ақ көңіл, имандылық қасиеттерден туындаған. Әр адам әрқашанда әділ сөйлеп, шынайы пікір білдірген адам ғана адал бола алады.

5 сынып «Өзін-өзі тану» оқулығы

Тақтаға дәйексөзді жазу

2 слайд

4.Жаңа сабақ :

Оқиға айту : (әңгіме)

(10 мин) «Ұстаздың шәкірттерін сынауы» аңыз әңгімесін интонациялық кідірістерді ескере отырып,үлкен ықыласпен айтып беру.

Топқа бөлу: Мәтінді талдау. Ой бөлісейік: (3 мин)

● 1-топ: Ұстаз шәкірттерін қалай сынады?

● Өз іс – әрекетіңе ішіңнен қысылып, ұялған кезің болды ма ? топтағы оқушы бір мысал келтіру.

● 2- топ :Шәкірттің «өз ұрлығымды ішім біліп тұрады ғой» дегенін қалай түсінуге болады?

● Сенің өзіңе өте қажет затыңды біреу алып алыпты, ол сенің досың болып шықты, оның алғанын көргендер бар. Сен не істер едің ? топтағы оқушы бір мысал келтіру.