Адалдық пен әділдік туралы сабақ жоспары, 5-сынып

Өзін-өзі тану сабағының жоспары

Мектеп Мерзімі:

Тақырып: Адалдық пен әділдік

Құндылық: Ақиқат Қасиеттер: 1. Өзімізге адал болайық; 2. Сөзіміз бен ісіміз бір болсын; 3. Жаман мен жақсыны айыра білейік.

Мұғалім: Амангелді Айман Сынып: 5 Оқушылар саны: 6

Сабақтың мақсаты: Адалдық пен әділдік ұғымы арқылы ақиқат құндылығының мағынасын ашу

1.Білімділік: оқушыларға сөз бен істің бір болуын үйрету;

2.Дамытушылық: оқушыларды өзіне және өзгеге адал болу қабілетін дамыту;

3.Тәрбиелік: жаман мен жақсыны айыра білуге тәрбиелеу.

Ресурстар:

АКТ, оқулық- 5 сынып, музыка, параққа жазылған мәтіндер.

Сабақ барысы:

Ұйымдастыру кезеңі

Тыныштық сәті: «Нұрға бөлену», музыка.

Жайлап, жақсылап отырыңыздар. Арқаларыңызды түзу ұстаңыздар. Аяқ, қолдарыңызды айқастырмай, тізеге немесе үстел үстіне қоюға болады. Денеңізді бос ұстап, көзіңізді жұмыңыз.

Нұр сіздің төбеңізден кіріп, денеңіздің ортасына қарай жылжып барады деп ойлаңыз. Кеудеңіздің ортасында гүл шоғы бар. Күннің жылуымен кеудеңіздегі гүл шоғының күлтелері бір- бірден ашыла бастайды. Сіздің жүрегіңізде әдемі, керемет гүл әр сезіміңіз бен тілегіңізді орындай гүлдей түседі.

Нұр біртіндеп түгел денеңізге жайылып жатқандай. Ойша осы нұрды қолдарыңызға таратыңыз. Сіздің қолдарыңыз нұрланып, тазарды. Енді қолдарыңыз тек жақсы, игі істер ғана жасап, баршаға көмектеседі. Нұр біртіндеп сіздің аяқтарыңызға тарап жатыр, аяқтарыңыз нұрланып, тазара түсті. Енді сіздің аяқтарыңыз тек жақсы қадамдар жасап, жақсы жерлерге игі істер жасайтын жерлерге ғана апарады. Олар нұр мен сүйіспеншіліктің құралы болады. Нұр сіздің аузыңыз бен тіліңізге де жетті. Тіліңіз шындық пен мейірімді сөздер ғана айтатын болады. Енді нұрды ойша құлақтарыңызға бағыттаңыз, құлақтарыңыз жақсы сөздер естіп, тамаша әуендерді еститін болады. Басыңыз жап- жарық болғандай, ол тек жақсы ойлар ғана ойлайды.

Нұр кеңейіп, сіздің денеңізден асып шықты, осы нұрды барлық туған- туысқандарыңызға, ұстаздарыңыз бен достарыңызға, таныстырыңызға бағыттаңыз. Нұрды уақытша ренжісіп қалған таныстырыңызға да бағыттаңыз. Нұр мен жылу олардың жүрегін толтырсын. Осы нұр барлық жер бетіне тарасын, ол жан- жануарлар, өсімдіктерге де жетіп, оларды оларды өзө жылуымен баурасын. «Ойша, Мен.. НҰРМЫН, НҰР МЕНІҢ ІШІМДЕ. Осындай нұрлы, сүйіспеншілік, тыныштық жағдайда сәл болыңыз».

Енді нұрды қайтадан өз жүрегіңізге салып қойыңыз. Нұрланған барша әлем сіздің жүрегіңізде. Жүрегіңізді осы тамаша жағдайда сақтаңыз. Біртіндеп көздеріңізді ашыңыздар. Рахмет.

Үй тапсырмасын тексеру: «Сабыр түбі сары алтын» аңыз әңгімені мазмұндау

Мұғалімнің сұрағы: 1. Неліктен екі патша келіспей қалды?

2. «Сабыр түбі - сары алтын дегенді қалай түсінесіңдер»

Сабақ барысын талқылау:

Балалар музыка әуенімен және мұғалімнің сөзінен нұрға бөленеді.

Балалар ойланады, сұраққа жауап береді, пікірталасқа түседі.

Дәйек сөз. «Адал дос алтыннан да қымбат»

Адалдық туралы не білесің?