Адам генетикасы тақырыбына 10-сынып сабақ жоспары

Күні: 20.03.2013 Сынып: 10А

Сабақтың тақырыбы: Адам генетикасы Сабақтың мақсаты:1) Адам тұқым қуалаушылығын зерттеудің негізгі генеологиялық, цитогенетикалық, егіздік, популяциялық, биохимиялық.т.б. әдістермен, олардың ерекшеліктерімен таныстыру. Адамда тұқым қуалайтын аурулардың пайда болуын болжау және ерте анықтау үшін генетикалық білім беру. 2) өзбеттерімен жұмыс істеуге, жауапкершілікке, мақсата жете білуге тәрбиелеу. 3) тұрақты түрдегі ерікті зейін қоюды, талдау, синтездеу, қорытындылау қабілеттерін дамыту. Сабақтың көрнекілігі: оқулықтағы суреттерді пайдалану. «Гемофилия тұқым қуалағандағы ағылшын королі Викторияның генеологиялық шежіресі». Сабақ типі: аралас сипатта Сабақтың әдісі: Сұрақ жауап, баяндау. Сабақ барысы:

І. Ұйымдастыру Амандасу, кезекші есебін тыңдау.

ІІ. Үй жұмысын сұрау §45 мазмұнын сұрау 207-208 беттегі есептерді шығару

ІІІ. Жаңа сабақ түсіндіру

Адам генетикасының ерекшеліктері. Генетика ғылымы қарастыратын тұқым қуалаушылық пен өзгергіштіктің барлық заңдылықтары адамға да тән болып есептеледі. Себебі ол да тіршіліктің бір түріне (Homo Sapіens) жатады. Тұқым қуалаушылығы мен өзгергіштігі жағынан адамның басқа жануарлардан айтарлықтай өзгешелігі жоқ. Бәрінде де тұқым қуалайтын қасиет ұрпақтан-ұрпаққа хромосома құрамында болатын гендер арқылы беріліп отырады. Адамның жануарлардан айырмашылығы оның саналылығы мен екінші сигналдық жүйесінің (системасының) болатындығында, соған байланысты оның сыртқы ортаға бейімделу мүмкіндігі де мол болып келеді. Жалпы адамзат қоғамда өмір сүретіндіктен оның эволюциялық дамуында әлеуметтік факторлардың да рөлі бар. Бірақ, біз тек биологиялық жағын қарастырамыз.