Адам және Отан құндылығы бойынша ашық сабақ, 9-сынып

Өзiн-өзi тану сабағының жоспары

Мектеп: Өскен негізгі мектебі Мерзiмі: Сабақ №29

Тақырып: Адам және Отан

Құндылық: Сүйіспеншілік

Қасиеттер: отаншылдық, шынайылық, жанашырлық

Мұғалiмі: Шаймуханова Сауле Даулетбаевна

Сынып: 9

Оқушылар саны: 4

Сабақ мақсаты: Сүйіспеншілік құндылығын оқушыларға туған ел, Отан туралы түсініктері арқылы ашу.

Міндеттері:

1. Оқушыларға туған ел, отаншылдық қасиеттерін түсіндіру, дәйексөз арқылы Отанның адам өміріндегі мәнін жан-жақты ашу.

2.Оқушылардың туған елін қадірлеу, қастерлеу іскерліктерін, шынайылық сезімдерін Ж.Аймауытовтың «Қартқожа романының» үзіндісінің мазмұны арқылы дамыту.

3. «Отанымызды көркейту жолдары» атты пікірталас арқылы оқушыларды атамекенін сүюге, жанашырлыққа тәрбиелеу.

Ресурстар:(құралдар, мәлiметтер)

АКТ

Оқулық, жұмыс дәптері, «Орманға саяхат» релаксациялық әуені, «Атамекен» әні, Қартқожа романы. Ж.Аймауытов

(Үзінді) аудио жазбасы, ақын-жазушылардың портреттер

Сабақ барысы:

Ұйымдастыру кезеңi.

1.Тыныштық сәтi. Орманға саяхат

Көзімізді жұмамыз, терең демаламыз, әр демімізбен өзімізді еркін, тыныштықта сезінеміз.

Қазір біз орманға дем алуға барамыз. Елестетіңіз, өзін-өзі кабинетінен шығып, дәлізден өтіп, далаға бет алдыңыз.

Таза ауаны сеземіз, самал ескен жылы жел мен күннің нұры ақырын ғана бетімізден өбеді, шашымызды сипайды.

Біз ақырын орманға қарай бет аламыз. Абай болайық, жердегі жәндіктерді аяғымызбен басып кетпеуге тырысайық. Бір минутқа тоқтап, айналамыздағы әсемдікке көз салайық. Құлпырып өскен гүлдердің иісі мұрынды жарады, қандай керемет иіс! Айналамыздағы әрбір әсемдікті көзімізден таса қылмай, ары қарай бет аламыз.

Орманның ішіне де келдік. Құстардың әсем әуені, шөптердің сыбдыры жан дүниемізді жаулап алғандай. Айналамызда түрлі ағаштар. Сол ағаштың ішінен бір қайыңды таңдап алыңыз. Бауырында отырып, біраз тыныстап алыңыз.

Мен бақыттымын, менің жан дүнием тыныш. Табиғат қандай тамаша! Мен табиғаттың бір бөлшегімін, менің табиғатқа зияным тимеуі керек, кез - келген уақытта мен осы ағаштың түбіне келіп дем аламын.

Енді орнымыздан ақырын тұрып, айналамызға тағы көз жібереміз. Келген ізімізбен, мектепке қарай аяңдаймыз.Өзін-өзі кабинетіне келіп өз орнымызға отырайық.

Тыныштық пен разылықты жүрегімізде сақтап, көзімізді ашамыз, бір-бірімізге қарап күлімсірейміз.

Сабақ барысын талдау:

2.Үй тапсырмасын тексеру:

Қазіргі замандағы әйел мен ер адамның қоғамдағы орны тақырыбына коллаж жасап келу.

3.Дәйексөз.

Дүниеде туған еліңнен артық ел де, жер де жоқ.

М. Әуезов

(М. Әуезов жайлы мағлұмат беру)

3.1. Дәйексөзді оқушыға оқытқызу

3.2. Дәйексөзді дәптерге жазу

3.3. Дәйексөздің мағынасын ашу

-Адамға Отаны, туған жері неліктен ерекше әсер етеді?

4. Мұғалімнің сыйы: (Ж.Аймауытов жайлы мағлұмат беру)

Қартқожа романы. Ж.Аймауытов

(Үзінді)

Туған жердің қадірін туғалы түзге шықпаған елдегі адам қайдан білсін?

Туған жердің қадірін алыс жерге ұзатқан, ұзатқанына әлде талай жыл өткен қыз білмесе, кім білсін?