Адамгершілік асыл қасиет тәрбие сағаты 4 сыныпқа

Тақырыбы: Жақсылық жасап үйренейік

Мақсаты:

«Жақсылық» ұғымының адамгершілік құндылығы ретіндегі маңыздылығын ашу. Жақсы қасиеттер жөнінде түсініктерін кеңейту.

Бір-біріне жақсы тілектер айту арқылы көтеріңкі көңіл-күй сыйлауға дағдыландыру. Сөздік қорларын дамыту.

Сабақ барысы:

Шаттық шеңбері.

– Сәлеметсіздер ме, балалар. Осындай мейірімді, ақылды оқушыларымды көргеніме қуаныштымын. Сендерді көргеніме тек мен емес, шуақты күнде қуанып тұр. Ендеше біз де оған күлімсіреп, жылы сәлем берейік.

Күлімдеп күн бүгін,

Қарады маған да.

Күлімдеп күн бүгін,

Қарады саған да.

Шуақты нұр төгіп,

Көңілді кетті көтеріп.

Бүгінгі сабағымыз көңілді әрі жарасымды болу үшін өзімізге және бір-бірімізге жақсылық, көтерінкі көңіл-күй тілейік (балалар кезекпен бір-біріне тілек айтады)

Тыныштық сәті.

Қарсы алдымызда кереметтей нұрын шашқан күн төмен түсіп келе жатқандай. // Күн мейірімді, // әрі жақсылыққа толы, // оның жылы шуағынан біз өзімізді жақсы күйде сезінеміз. // Күн жоғарыдан төменге түсіп, сендерді өзінің жылы нұрына бөлейді. Енді күн бетімізге, көзімізге түседі.

Күн сәулесі бүкіл денемізге тарайды, ол бізге күш, қуат береді. Күн шуағы (балалардың аттарын айтып шығады) жақсы тілектер сыйлайды. Енді, балалар, осы сезімді бойларыңда сақтап өз сыныбымызға оралайық. Ал енді көзімізді ақырын ашамыз да терең демалып сыртқа шығарамыз.

Әңгімелесу.

Қандай сезімде болдыңдар?

Нені көз алдарыңа елестеттіңдер?

Күн бізге не сыйлайды?

Ал,сендер,балалар күнге қандай жақсы тілек айтасыңдар? (Тақтада күн ілініп тұрады, балалар сәулеге тілек жазады)

Оқулықпен жұмыс.

Ж. Әбдіреш « Ақ тілек» әңгімесін оқып беру.

– Отбасы мүшелері бір-біріне қандай жақсы тілектер айтты?

Сергіту сәті.

«Алло, алло» ойыны.

Бұл ойынға ойыншық телефондар пайдаланады. Ойынды ойнау барысында балалар телефон арқылы бір-бірімін дұрыс сөйлесу мәдениеттілігін меңгереді, жақсы тілектерді пайдалануды үйренеді. Мысалы: Алло, алло. Әсем.Сәлем. Бүгінгі мерекең құтты болсын. Саған зор денсаулық,ашық аспан тілеймін.

Сахналау

Ата мен бала.Атаның тілегі.

Жүректен жүрекке.

Айналамыздағы жақын адамдарымызға жақсы тілек білдіріп, қуанышқа бөлеп жүрейік. Араларыңыздан біреу ортаға шығады, екінші бала оған келіп: «Бүгін тамаша күн үшін рақмет.» деп, қолын ұстайды.Оларға үшінші бала келіп қосылады, Бос қолынан ұстап: «Бүгінгі…