Адами қарым-қатынас ізгіліктері бойынша тренингтер

Тақырыбы: «Адами қарым – қатынас ізгіліктері»

(психологиялық тренинг)

Мақсаты: Жеке тұлғаға өзіндік «Менін» тереңірек

таныту, қызығушылығын ояту, өзінің адамгершілік мінез-

құлықтарына баға беру, өзіне деген сенімдік қабілетін

дамыту, ұжымдағы қарым-қатынасты нығайту.

Жоспары:

1. Жапон әліппесі бойынша танысу.

2. Постер қорғау «Маман іздеймін» ойыны.

3. «Бүлінген телефон» жаттығуы.

4. «Батпақ» техникасы.

5. Кері байланыс: «Бір сөзбен әдісі».

«Отбасында, мектепте, қоғамдық орындарда үлкендер

мен бала арасындағы сыйластық, махаббат пен мейірімділік,

шапағат шуағы мен ізгілік нұрына бөленуі тиіс.Өйткені біз

баланы адал еңбек етіп, елін, халқын сүюге тәрбиелеп

отырмыз. Сондықтан ұл-қызымызға көзбе-көз айтқан сөзіміз,

берген тәрбиеміз жүректен жүрекке жетсе, қандай

ғанибет!»

С.А.Назарбаева.

1. Танысу:Жапон әліппесі бойынша танысу

А – ка З – з П – но Ц – ми Б – зу

И – ки Р – ши Ч – кэ В – ру К – мэ

С – ари Ш,Щ – хи Г - жи Л – та Т - чи

Ь,Ъ,Ы – зук Д – тэ М – рин У – до

Э – мэй Е – ку Н – то Ф – лу Ю – фу

Ж – су О – мо Х – ри Я – на

Әр мұғалім осылай өз аттарын жапон тілінде жазып

танысады.

2. Постермен жұмыс. «Маман іздеймін» ойыны

Мақсаты: кәсіби талаптарға үміткер, серіктестікке

іскерліктерін қызықтыру, өзіне қызығушылығын тудыру,

қатысушылардың психологиялық сипаттамаларын анықтау.

Дәл қазірден бастап, мен жарнаманы ақысыз

жариялайтын «Маман іздеймін» газетінің бас редакторымын.

Сіздердің әрқайсың біздің газетке жақсы маман

іздейтіндеріңіз жайында жарнама беру мүмкіндіктеріңіз бар.

Бұл жарнамада сөздердің саны немесе әріптердің көлеміне

ешқандай шектеу қойылмайды. Кез келген түрі қабылданады.

Сіз жақсы маман кандидатурасына қоятын талаптарыңыздың

бірнеше тізімін, тіпті оның суретін салуыңызға да болады.

Өзіңіз жайында айтуыңызға да болады. Бір сөзбен айтқанда,

жарнаманы қалай жазғыңыз келеді, өз еркіңіз. Тек мына

жайтты есте ұстағаныңыз жөн: маман іздеу жарнамасы өте

көп, сондықтан, сіздің жарнамаңыз жұмысқа

таңдаушылардың назарына ілігудің қамын ойластыруыңыз

қажет.

Тапсырманы орындау уақыты – 10 минут.

Барлық қағаздарды тақтаға ілеміз. Қатысушылар жарнаманы

үнсіз оқиды. Әр қатысушы өзіне ұнаған жарнаманы қызыл

түспен дөңгелектеп және оны берушімен байланыс жасауға

дайындалады.

Енді жарнама қағаздарын түсіруге болады. Қараңыз, сіздің

жарнамаңыз басқаларға әсер етіп пе? Жарнамаңыздағы

қызыл түсті дөңгелектің саны қанша?