Адами қарым-қатынас ізгіліктері портфолиосы

Сабақтың тақырыбы: «Адами қарым – қатынас ізгіліктері»

Мақсаты:Оқушылардың адами қарым-қатынас туралы түсініктерін кеңейту.

Міндеттері:

адами қарым – қатынас жасау ізгіліктерін түсіндіру;

адами қарым – қатынас жасаудың ізгіліктерін дамыту;

адами қарым – қатынас жасауға тәрбиелеу.

Түрі: шығармашылық сабақ

Көрнекілігі: слайд, үнтаспа, жүрекшелер.

Сабақтың барысы

І. Ұйымдастыру

ІІ. Шаттық шеңбері: Оқушыларды шеңберге жинау.

Оқушылар бір-біріне жақсы тілек айта отырып, жүрекшені жалғастырады:

1.Қайырлы таң достым!

2.Қайырлы күн болсын!

3. Күніміз жарық болсын!

4. Аспанымыз ашық болсын!

5.Еліміз тыныш болсын!

6.Жұртымыз аман болсын!

7.Жасымыз ұзақ болсын!

8.Досымыз адал болсын!

9.Дұшпанымыз жоқ болсын»

10.Амансыз ба, қонақтар,

11. Амансыз ба, әлем!

12. Баршаңызға амандық сәлем!

Қ. Салықовтың «Бір ауыз сөз» әнін М. Жүнісованың орындауында үнтаспаға қосылып, орындау.

ІІІ. Әңгімелесу

1. Сөздің қарым-қатынас жасаудағы рөлі қандай?

2. Әдепті сөйлеудің адами қарым қатынасқа ықпалы қандай?

3.Сөйлеу мәдениетіне сөйлеудің қандай түрлетін жатқыза аласыз?

4. «Сөз қадірі-өз қадірің» дегенді қалай түсінесіз?

IV. Назар аударыңыз

Мұралардың ең қымбаты – сөз. Сөз күн шалмас қараңғы көңілді шалады, күн жылытпас суық көңілді жылытады, асылы адам да, нәрсе де тозады, жоғалады.Асыл сөз мәңгі жасайды.

Ғ. Мұстафин

V. Керемет сегіздік

Әртүрлі суреттермен белгіленген ұяшықтарды оқушылар таңдап алады. Ондағы сұрақтарға жауап береді.

Сұрақтар:

1. «Дұрыстық» сөзінің мағынасы

2. «Қысқалық» сөзінің мағынасы

3. «Айқындық» сөзінің мағынасы

4. «Орындылық» сөзінің мағынасы

5. «Әрлеу» сөзінің мағынасы қандай?

6. Адамның жас ерекшеліктеріне қарай сәлемдесудің түрлерін ата.

7. Күн мезгіліне қарай сәлемдесу түрлерін ата.

8. Сәлем – сөздің анасы…дегенді түсіндіріңіз.

Оқушылар пікірлерін тыңдау. Ойды қорытындылау.

Түйіндеме:

1.Дұрыстық дегеніміз-айтылған сөздің қатесіздігі, оған тәрбие арқылы жетеді.

2.Қысқалық дегеніміз-мәселені түсіндіруге немесе ойды жеткізуге керек сөзді ғана пайдалануды айтады.

3.Айқындық дегеніміз-ойдың мазмұнын дұрыс бере білу.

4.Орындылық – сөздің айтылар жері мен мерзімін абайлау.

5.Әрлеу – жасандылықтан аулақ бола тұрып әсем сөйлеу.

6.Жасы кішілер ақсақалдармен «Ассалаумағалейкүм» деп қол алысып, амандасады.

Жасы үлкен аналарға, әжелерге Сәлеметсіз бе?, Амансыз ба? деп айту қалыптасқан.

7.«Қайырлы таң», «Қайырлы күн!», «Кеш жарық!» деп адамдар жымия амандасуға тиісті.

8. Қазақтар бір-бірімен амандық сұрасқанда мал-жан, ауру-сырқау, ит-құсқа дейін қалдырмай сұрайды.Келген жерінің қандай қабақпен отырғанында осы амандасу үстінде болжап алады.Келген жұмысының жәйін аңғарту үшін де жапсарлас бір амандық сұрау керек.

VI. Тыныштық сәті:

- Балалар, денелеріңді түзу ұстап, бастарыңды жоғары көтеріп, ыңғайланып отырыңдар. Көздеріңді жұмсаңдар да болады.Ауаны терең жұтып, еркін тыныс алыңдар. Өздеріңнің тыныс алуларыңды бақылап, бақытқа,…