Адамның рухани әлемі 7 сыныпқа арналған сабақ жоспары

Өзiн-өзi тану сабағының жоспары

Мектеп: А.Тихоненко атындағы ОЖББМ Күні: 03.04.2019. № 27

Тақырып: Адамның рухани әлемі

Құндылық: Ақиқат

Қасиеттер: Ізгілік, мейірімділік, адалдық

Мұғалiм: Абылкасова Ж.К.

Сынып: 7 « а,б » Оқушылар саны:________

Сабақ мақсаты: Оқушыларға адамның рухани әлемін түсіндіру арқылы ақиқат құндылығының мәнін ашу.

Міндеттері: білімдік: адамның рухани дүниесі туралы түсінік беру; дамытушылық: адамның жан дүниесінің ерекшеліктері арқылы руханилыққа құштарлық, ізгілікке ұмтылушылық қасиеттерін дамыту.

Тәрбиелікмейірімділік, адалдық қасиеттеріне тәрбиелеу.

Ресурстар құралдар, мәлiметтер)

оқулық, жұмыс дәптері, аудиожазба, бейнеклип, презентация

Сабақ барысы:

Ұйымдастыру кезеңі. Оқушылармен амандасу. Сабақтағы жағымды күйге келу

Тыныштық сәтi. «Нұрға бөлену»

Сабақ барысын талқылау:

Үй тапсырмасын тексеру

Оқулықтан 27 сабақтың мәтінін оқып келу.Берілген мәтіннен қандай ой түйдіңіз?

Халықтың өмір тәжірибесі ұрпақтан ұрпаққа қалайша жетіп отырған? Халық даналығының мақсат-мүддесі неде?

Халықтық дәстүрден қандай өнеге-үлгі алуға болады?

Дәйексөз.

Әр халықтың өзінше дәстүрі бар. Дәстүрдің де жақсы-жаманы болады. Жаманы жолшыбай қалып қояды, жақсысы ғасырдан ғасырға кете барады. Қазақ дәстүрі ата-ананы, үлкенді сыйлауға баулиды. Үлкенге сәлем беру, жол беру, алдынан көлденең кесіп өтпеу, қонақты қарсы алу, төрге шығару, жақсы қабақпен аттандырып салу, жолдас-жораға қайырымды болу сияқты дәстүрлер өмір бойы ескірмейді. Халықтық жақсы дәстүрлерді ешбір ұлы адам аттаған емес, әрбір жас дәстүрді қорғаушы, орындаушы әрі дамытушы болғай-ақ. Ғ.Мұстафин

Әңгiмелеу (сұхбат). Аңыз әңгіме.

АҢЫЗ ӘҢГІМЕ Баяғыда тасы өрге домалап тұрған бір хан жанына нөкерлерін ертіп, аң аулауға шығады. Орман кезіп, қыр асып келе жатса, алдынан екі көзі ботадай мөлдіреген, сауыры жез құмандай жылт-жылт еткен сұлу киік қаша жөнеліпті. Хан садақтан оқ атып, киіктің артқы аяғын жаралайды. Бір жағы құлама жар, екінші бүйірден хан нөкерлері қиқу салып, қыспаққа алғанда, жаны қысылған бейшара киік жан далбасамен сонадайдан көз тартқан ақбоз үйдің ашық тұрған есігінен ішке қойып кетіпті. Үй иелері жайылған дастарқаннан түскі тамақ ішіп отыр екен. Есіктен енген киік жаюлы дастарқаннан бір-ақ ырғып, төрдегі керегеге тұмсығын тіреп, солығын баса алмай тұрып қалыпты. – Шығар киікті! – деп дауыстайды…