Адамның жан сұлулығы тақырыбына сабақ жоспары 5 сынып

Бекітілді:

Өзін – өзі тану сабағының жоспары

Мектеп: № Мерзімі: Сабақ: №

Тақырып: Адамның жан сұлулығы

Құндылық: Ішкі тыныштық Қасиеттер:қайырымдылық,парасаттылық, қарапайымдылық, мейірімділік

Мұғалім: Сынып: Оқушылар саны:15

Сабақтың мақсаты: Оқушыларға адамның жан сұлулығының маңыздылығын ұғындыру арқылы ішкі тыныштық құндылығының мәнін ашуСабақтың міндеттері:

Білімділік:Оқушыларға адам жанының сұлулығының, ой тазалығының мәнін түсіндіре отырып мейірімділік қасиеті туралы түсінік беру;

Дамытушылық: Оқушыларды айналасындағылардың жан сұлулығына мән беруге үйрету арқылы қарапайымдылық қасиеттерін дамыту;

Тәрбиелік:Оқушыларды мейірімділікке, парасатылыққа, қайырымдылыққа тәрбиелеу

Ресурстар: оқулық, дәптер, ватман, маркер, бейнепроектор, ән мәтіні

Сабақтың барысы:

Ұйымдастыру кезеңі.

Оқушылармен сәлемдесу, 5 «Т» ережесін еске түсіру.

Тәртіп+cүйіспеншілік

Талап

Тазалық

Тыныштық

Татулық

Тыныштық сәті.

«Нұрға бөлену»

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңіздеріңізді ашуға болады.

Рахмет!

Оқушылар өз әсерлерімен бөліседі.

Үй тапсырмасын тексеру

Үйге18 бет, №4 сабақтан А.Л.Бжисканың «Сұлулық сыры» атты мәтінін

оқып келу берілген. Сұрақтар қою арқылы үй тапсырмасын пысықтап өтемін.

Бейбіт Мақсұт ағайының берген ақылынан қандай ой түйді?

Жаны сұлу адамның бойында қандай қасиеттер болады?

Сендердің бойларыңнан осы қасиеттер табыла ма?

Ескерту

Дәйексөз

«Сыртқы сұлулық толық болуы үшін ішкі сұлулықпен жандануы керек» Виктор Гюго

Дәйексөздің мағынасын қалай түсінесіңдер?

(дәйексөзді әуелі ұл балалар, сосын қыз балалар қайталап айтады. Сосын барлығы бірге айтады)

Дәптерлеріне дәйексөзді жазып алады.