Адамзаттың шынайы көшбасшылары сабақ жоспары 6 сынып

Тексерілді: _______________ «____»______________________

Пән: Өзін – өзі тану

Мектебі: _______________

Күні: _______________

Мұғалімі: _________________________

Сыныбы: 6

Оқушылардың саны:

Тақырыбы: Адамзаттың шынайы көшбасшылары

Құндылығы: Сүйіспеншілік

Қасиеттері: Адамдарға риясыз қызмет ету, жанашырлық, шынайылық.

Мақсаты: Сүйіспеншілік құндылығының мәнін ашу.

Міндеттері:

Білімділік: Оқушыларға адамдарға риясыз қызмет жасау мәнін түсіндіру.

Дамытушылық: Оқушылардағы шынайылық қасиеттерін дамыту.

Тәрбиелік: Оқушыларды жанашыр болуға тәрбиелеу.

Ресурстар:

(материалдар, дереккөздер)

http://kz-minusovki.ucoz.kz

3. bilim-all.kz

Сабақтың барысы:

Ұйымдастыру кезеңі.

5 Т – ережесі:

Тәртіп.

Талап.

Тыныштық.

Тазалық.

Татулық. Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәті.

ОРМАНҒА ОЙША СЕРУЕН.

Мұғалім: Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетініміз бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз! Рахмет!

2. Үй тапсырмасын тексеру.

1. №27 – сабақ. 2 – тапсырманы орындау.

2. Келесі сабақ. №28, «Ізгілік, махаббат, мейірім» мәтінін оқып келу.

Сұрақтар:

Мәтіндегі «Жүректің сырын шешер сыршы!» - дер ме» деген ойды қалай түсінесіңдер?

Ақын өлеңіндегі астарлы ой мен құнарлы сөз тіркестерінен қандай ізгі қасиеттерді байқадыңдар?

Адамның жаны сұлу болу үшін бойында қандай қасиеттер болуы керек екен?

Рухани – адамгершілікке талпыну адам бойына қандай ізгі қасиеттерді дарытады деп ойлайсың?

3. Сабақтың дәйексөзі.

Ел қамын жеген ер - басшы

Тоныкок

Сұрақтар:

Ел қамын не үшін ойлау керек?

Дәйексөзден қандай ой түйдіңіз?

4. Оқиға айту (Мұғалім сыйы)

Сүйіспеншілікке тола жүрек туралы тәмсіл

Бір-біріңе жүректеріңнің бір бөлшегін ұсыныңдар. Шуақты күндердің бірінде қала ортасындағы алаңда бір әдемі жас жігіт сол аймақтағы ең керемет жүректің иесі екендігіне маңғаздана мақтанып тұрды. Оның мінсіз жүрегіне шынайы қайран қалған адамдар оны қоршап алған еді. Ол шынымен де мінсіз болды – еш жаншылмаған, еш сызат түспеген. Топтағы адамдардың әрқайсысы да мұның бұрын-соңды көрмеген, ең керемет жүрек екендігіне күмән келтірмеді. Ал жігіт болса бұған паңданып, бақыттан жүзі бал-бұл жанды. Кенет адамдар арасынан бір қария алға шығып, жігітке былай деді:

Сенің жүрегің әдемілігі жағынан менікінің жанына жолай да алмайды. Сонда бүкіл топ қарияның жүрегіне қарады. Ол мыжырайған, сызаттары көп, кейбір жерлері жұлынып алынған, ал сол жерлердің орнына мүлдем сәйкес келмейтін басқалары салынған, жүректің кейбір шеттері жыртылған болды. Сонымен бірге қарияның жүрегінің кейбір жерлеріне бөлшектер жетпей қалған күйде болды. Адамдар қарияға – қалайша ол жүрегім әдемі деп айта алады, - деген таңданыспен қарады.

Жігіт болса қарияның жүрегіне қарап, күлді де:

Сен қалжыңдап тұрсың ғой деймін, қария, - деді. – Өз жүрегіңді менікімен салыстыршы! Менікі мінсіз! Ал сенікі ше?! Сенікі – тыртықтар мен көз жастарының быламығы!

Иә, - деді қария, - сенің жүрегің мінсіз көрінеді, бірақ мен жүректерімізді ауыстыруға еш уақытта келіспес едім. Қара! Менің жүрегімдегі әр тыртық – ол мен өз сүйіспеншілігімді берген адам – мен өз жүрегімнің бір бөлшегін жұлып алып сол адамға бердім.…