Әдеби музыкалық композиция жобасын құрастыру

Сабақ жоспары

Сабақтың тақырыбы: Әдеби музыкалық композициялар жобасын құрастыру

Сабақтың мақсаты:

Білімділік:Әдеби музыкалық композициялардың жобасын құрастыру туралы түсінік бере отырып, сабаққа деген қызығушылықтарын арттыру.

Дамытушылық:Алған білімі негізінде шығармашылық қабілеттерін дамыту.

Тәрбиелік:Оқушылардың бойына әдептілік, инабаттылық, адамгершілік қасиеттерін қалыптастыру.

Сабақтың түрі: Теориялық

Оқудың әдістері мен әдістемелік амалдары:Сұхбат, баяндау, ой шақыру

Көрнекті оқу құралдары: Мәліметтер

Сабақ барысы:

Ұйымдастыру бөлімі

Оқушылармен амандасу

Оқушылардың сабаққа даярлығын, оқу құралдарын тексеру.

Дәрісхана даярлығын тексеру.Оқушыларды тексеру.

Өткен тақырыпты тексеру.

1.Көркем шығарманың әзірлемесін құрастыру принциптері дегеніміз не?

2.Сценерий құрудың қандай жолдары бар?

Жаңа тақырыпты түсіндіру.

Композиция (лат.coтрозійо-құрастыру, шығарма)-көркемөнер туындысының құрылымы, оның жанры мен мазмұнына орай құрамдас бөліктерінің тұтастығы.Композиция – құрамдас бөліктері бірлікте ұштастырылған, бір-біріне және жалпы мүддеге баындырылған мақсатты көркем құрылым.

Әдеби музыкалық композицияны түрлі мереке күндері мектептерде, колледждерде жоғары оқу орындарында т.б. мекемелерде өткізеді.Өткізу барысында әдеби музыкалық кештің сценарийі құрылады.Сценарий құрудың өзіндік ережелері мен реті бар.Әдеби кештің сценарийі мерекелік концерттерден өзгешелеу болады.Мұнда әдеби шығармалар мәнерлеп оқылып,кештің сценарийіне ән мен би қатар кірістіріледі. Яғни, бір кеште барлық жанрлардың түрлері қамтылады. Мұнда жүргізушінің сөйлеу мәнері мен дикциясы үлкен рөл атқарады. Мұнда кештерде әдебиет басым рөл атқарады.

Мысалы, ақиық ақын Мұқағалиға арнап әдеби музыкалық кеш дайындау үшін алдымен кештің жоспарын құрастырамыз. Әдеби кеш бірнеше бөлімнен тұрады.

«Қарасаз, қара шалғын өлеңде өстім» Ақынның өмір жолы туралы мәлімет беріледі. Туған жерге арналған өлеңдері оқылады.

«Айтылар естеліктер мен туралы...» Ақынға берілген баға. Халық пен қаламгерлердің, замандастарының естеліктері.

«Мен де, міне, әке болып қалыппын.» Балаларына арналған өлеңдері.

«Поэзия, менімен егіз бе едің?» Ақынның әр алуан тақырыптағы өлеңдері.

«Өлсе өлер Мұқағали Мақатаев,

Өлтіре алмас алайда өлеңді ешкім!» Қорытынды.

Ал, ақынның сөзіне жазылған әндерді әр бөлімнің арасына,оқылатын көркем сөздердің арасына қосуға болады. Сонымен қатар, әдеби кештерді бимен, музыкаландырылған сахналық көрініспен әрлеуге болады. Кешті осылай бірнеше бөлімге бөлу арқылы әдеби музыкалық кештің сценарийінің жобасын дайындаймыз.

Жаңа сабақты бекіту.

Сұрақтар.

Композиция дегеніміз не?

Әдеби музыкалық кештің жобасы қалай құрылады?