Әдебиеттік оқу Қанат туралы хикая ашық сабағы 4 сынып

Пәні: Әдебиеттік оқу Күні: Сынып: 4 Тексерілді:

Сабақтың тақырыбы

Қанат туралы хикая. /Ф.Оңғарсынова/

Жалпы мақсаты:

Өлеңді түсініп мәнерлеп оқуға үйрету, өлеңдегі өзекті түйінді ойды ашуға жағдай жасау. Өз бетінше шығармашылықпен жұмыс істеуге баули отырып, байланыстырып сөйлеуін, шығармашылық ойлауын дамыту.Мейірімділікке, жауапкершілікке, адамгершілікке тәрбиелеу.

Күтілетін нәтиже:

Өлең жайлы түсініктері қалыптасады, топпен жұмыс жасауға бейімделеді, Ой-өрістері дамиды, еркін сөйлеуге қалыптасады.

Сабақтың түрі, әдіс-тәсілдері:

Жаңа білімді игеру.

Сұрақ -жауап, галереяны аралау, суреттер сөйлейді, күн шуақ, сын тұрғысынан ойлау әдіс-тәсілдері

Керекті жабдықтар:

Ф.Оңғарсынова портреті, слайд, балапан суреті, суреттер АКТ, постер, маркер, стикер, бояу, парақтар.

Пәнаралық байланыс:

Қазақ тілі, музыка, бейнелеу өнері.

Сабақ барысы

Сабақ кезеңдері:

Мұғалімнің іс-әрекеті

Оқушының іс-әрекеті

І. Ұйымдастыру кезеңі

2мин

Топқа бөлу арқылы. Оқушыларды әдебиеттік оқу сабағына дайындау.

Психологиялық жаттығу

Күнге қолдарыңды созыңдар. Күннің жомарт сәулелері ананың нәзік алақанындай аялайды, сипалайды, жылытады. Сиқырлы күн барлық өкпе мен мұңды ерітіп жібереді. Жүрегімізді жылу мен махаббатқа толтырады.

Күн жарығын алақанға саламын,

Жүрегіме басып ұстай қаламын,

Ізгі әрі нәзік, жарық, мейірімді.

Болып кетер сонда дереу жан-жағым.

- Міне жүрегімізді осындай жылумен сабағымызды бастаймыз.

Бүгінгі сабағымыз «Алтын қақпа» ойыны түрінде өтеді. Әр қақапаның тапсырмаларын орындау барысында біз алтын қақпаны ашып ішіндегі алтын сандықты аша аламыз.

Оқушының қызығушылығы оянып, назары сабаққа ауады.

Оқушылар өздеріне тиесілі жерге отырады.

Үй тапсырмасын пысықтау

Ой қозғау

8 мин

Тас қақпа тапсырмалары

Үй тапсырмасы сұралады. Ғ. Мүсіреповтың «Ана құшағында» мәтінін мазмұнын сұрау.

2. Ана туралы мақал – мәтелдер жазу

Ой қозғау. "Галереяны аралау"

1) Б. Бұлқышевтың «Ана» суреті

2) Ғ. Мүсіреповтың «Ана құщағында» суреті

Бұл суреттерден біз қандай көрініс көріп отырмыз. (Оқушылардың әңгімелеуі). Екі мітінді салыстыра суреттейді.

Оқушылар мәтіннің мазмұнын айтады, сұрақтарға жауап береді.

Сұрақ-жауап арқылы сөйлеу қабілеттері артады.

Өткен тақырыпты тереңірек меңгереді. Галереяны аралау арқылы өткен тақырыпты салысытыра әңгімелейді.

Үй тапсырмасын бекіту

5 мин

Сонымен қандай қорытынды шығаруға болады.

Ассоциация жасау «Күн шуағы» әдісі

1-топ Ана кім?

2-топ Ана көңілі қандай?

3-топ "Ана құшағында " мәтіні бойынша Ана қандай?

4-топ Ананың махаббаты қандай?

Сонымен ана игермеген кәсіп, ана көтермеген жүк, ана алмаған асу жоқ екенін біледік.

Әр топтан бір оқушы шығып ассоциация құрып жазады.

Қызығушы лықты ояту

3мин

5 мин

«Суреттер сөйлейді» әдісі

- Осы суретке қарап отырып, өлең не жайында айтылады, соған болжам жасайық.(жұпта өз ойларын талқылай отырып, әңгіме құрастырылады)

Мақсат қою кезеңі. Қызығушылықты ояту.

Ф.Оңғарсынова портреті арқылы сұрақ.

Суреттен кімді көріп тұрсыңдар?

Фариза апа жөнінде мен не білемін?

Ф.Оңғарсынова ана тақырыбында лирикалық өлеңдер жазған қазақтың дарынды ақындарының бірі. Ол көптеген өлең кітаптардың авторы.

Бүгін біз Фариза апамыздың "Қанат туралы хикая" өлеңін оқып танысамыз.

Сөздік жұмысы. ХИКАЯ--әдебиет жанрының бір түрі. Сюжетке құрылған оқиға желісі. Повесть пен романнан бұрын пайда болған жанр.

Қанат сөзін нелерге байланысты айтамыз?.

/Ұшақ қанаты, құс қанаты, киіз үй қанаты/