Әдемі боламын десең косметикаңды түзе мақаласы

«Әдемі боламын десең - косметикаңды түзе»

Косметика-қазіргі кездегі сұранысқа ие нарықтың бірі. Әрбір ару қаражатының көп бөлігін сәнді киінуге,сұлу көрінуге жұмсайды. Осы тұста сапалы косметика алу мен оны тиімді пайдалануға көп жағдайда қыз-келіншектеріміз немқұрайлық танытып жатады. Косметика таңдау барысында оның түріне, сапасына, құрамына,бағасына аса назар аударған жөн. Көптеген қыздар бағасына қарап, сапасы жайлы ұмытып кетіп жатады. Косметика бет терісін әдемі көрсеткенімен, оның құрамында зиянды химиялық қоспалар болады. Соның әсері беттің құртылуына, яғни, түрлі әжімдердің, секпілдердің пайда болуына, бет терісінің ерте қартаюына алып келеді.

Косметиканың көптеген түрлері және әр түрлі қызметтері бар, бірақ олардың сыртқы пішіні мен қаптауға жарамдылығы бойынша негізінен келесі категориялар бар: қатты косметика, қатты түйіршіктелген (ұнтақ) косметика, сұйық және эмульсиялық косметика, кремді косметика және т.б. .

1. Сұйық, эмульсиялық косметика және кремді косметиканың қаптамасы.

Барлық косметиканың ішінде бұл косметиканың түрлері мен саны ең үлкен, ал қаптама формалары өте күрделі.Олар негізінен мыналарды қамтиды: әртүрлі пішіндегі және техникалық сипаттамалардағы түтіктер мен пластикалық бөтелкелер;полиэтилен пакеттерінің композициялық пленка пакеттері;әр түрлі пішіндегі және спецификациядағы шыны бөтелкелер.

2. Қатты түйіршіктелген (ұнтақ) косметиканың қаптамасы.

Косметиканың бұл түріне негізінен тоналды крем және тальк сияқты ұнтақ өнімдер кіреді, ал жиі қолданылатын орау әдістеріне қағаз жәшіктер, композициялық қағаз қораптар, банкалар, металл қораптар, пластик жәшіктер, пластикалық бөтелкелер және т.б.

3. Косметиканың бүріккіш қаптамасы.

Бүріккіш бөтелкенің артықшылығы – дәл, тиімді, ыңғайлы, гигиеналық және сұраныс бойынша саны.Ол жиі тониктерде, парфюмерияда, күннен қорғайтын спрейлерде, құрғақ сусабындарда, шаш сәндеуде және басқа да өнімдерде қолданылады.Жиі қолданылатын бүріккіш пакеттерге алюминий бүріккіштер, шыны бүріккіш бөтелкелер және пластик бүріккіш бөтелкелер жатады.[1]

Сіз салауатты өмір салтын ұстанып, дұрыс тамақтанып, спортпен айналысасыз. Заманауи косметологиялық жағдай жасап, шашыңызға да күтім көрсетесіз. Алайда теріңіз бен шашыңыздың жағдайы еш жақсармай қойса, косметикалық құралдарыңыздың құрамын зерттеп көріңіз. Мәселе сапасыз косметикада болуы мүмкін.

Сіздің сымбатты болуыңызға косметика құрамындағы қандай заттар бөгет жасайды? Олардың қайсысы тері мен шаш үшін зиян болады?

«Сульфат» атты заттар көбінесе теріні тазалауыш құралдарда көп болады. Сульфат арқасында бет жуатын гель қатты көбіктенеді. Косметолог мамандар бұрыннан бері сульфатты қатты аллерген деп біледі. Косметикалық өндірісте жиі қолданатын сульфаттар: натрийдің лаурил сульфаты мен натрийдің лаурет сульфаты.

Натрийдің лаурил сульфаты (Sodium Laurel Sulphate) – тері және дем алу жолдары арқылы ағзаға, қанға өтіп, денсаулыққа зиян бола алады. Бұл затты косметикалық құралдар қаттырақ көпірілуі үшін қолданады, бірақ негізінде бұл қосынды сапасы төмен, қажетсіз нәрсе.

Натрийдің лаурет сульфаты (Sodium Laureth Sulphate) – арзан әрі сапасыз компонент. Бұл затты косметикалық құралдар қоюырақ, концентрациясы жоғары көріну үшін қосады. Көп жағдайда сульфаттар аллергия қоздыруы мүмкін. Ол терінің қышуы, тері бетінде пайда болған қызыл нүктелер ретінде байқалады.

Парабендер. Бұл химиялық заттар косметика өндірісінде кең қолданылады. Антибактериалды қасиетіне байланысты оны түрлі косметикалық заттарға қосады. Парабендер синтетикалық консерванттар ретінде косметиканың сақталу мерзімін ұзартатын зат болып табылады.

Минералды майлар. «Минералды майлар» құлағымызға табиғи, зияны жоқ сияқты естіледі. Минералды косметика пайдасы жайлы да көп білеміз. Алайда минералды майлардың минералды косметикаға еш қатысы жоқ. Бұл кремдер даярлауға қажет арзан, сапасы төмен шикізат. Оны мұнай мен көмір өндірісіндегі қалдық заттарынан жасайды. Мұнай өндірісінде пайда болған затты теріңіз бен шашыңызға жаққыңыз келеді ме? Әрине оның зияны мол. Ол терінің табиғи қорғаныс қабатын ерітіп, теріні құрғатады және терінің уақытынан бұрын қартаюдың басты себебі бола алады.

Құрамында сульфаттар, парабендер мен минералды майлар бар косметика бірден жақсы әсер береді, алайда ол ұзаққа сақталмайды. Керісінше олар мәселені ушықтырып, қиындата түседі.Мұндай зиянды заттарды қолданбаймын деп шешсеңіз, органикалық табиғи косметикаға назар аударыңыз. Табиғи компоненттер бірден әсер бермеуі де мүмкін, алайда олар денсаулығымызға зақым тигізбейді.[2]

Әр ару күнделікті косметиканың бірнеше түрін қолданады. Алайда біз көп жағдайда оның құрамында не бар екені жайлы ойланбаймыз. Келесі жолы косметика сатып алуға барғанда жарнамаға сенбей, крем этикеткасын оқып, ақылмен таңдаңыз.

Түрлі кремдердің құрамына көптеген теріге пайдалы заттар қосады. Алайда олардың арасынан өзіңізге керек, ең пайдалысын таңдай біліңіз.Сонымен, косметикалық құралдардың құрамында болатын заттар:

Антиоксиданттар. Олар күннен қорғаныс пен реңк беруші кремдер құрамында, күнге күюге арналған косметикада болады. A, C, E дәрумендерімен қатар кездесіп, жүзім сүйектері экстрактында көп болады.

Ретинол мен А дәрумені әжімдерді емдеуге арналған кремдерде жиі кездеседі. Ол теріні берік қылып, әжімдердің алдын алады.

Гиалурон қышқылының ылғалдандыру қасиеті өте жоғары. Сол себепті оны ылғалдандырғыш кремдер мен жара емдейтін гельдерге қосады.