Әдіс-тәсілдердің цифрлық өзгеруі туралы әдістемелік мақала

БІЛІМ БЕРУ ЖҮЙЕСІНДЕГІ ӘДІС-ТӘСІЛДЕРДІҢ ЦИФРЛЫҚ ТРАНСФОРМАЦИЯЛАНУ ТӘЖІРИБЕСІНІҢ МАҢЫЗЫ

Жасанова Жазира Берікқызы

БҚО, Орал қаласы №33 жалпы орта білім беретін мектебі

Қазіргі қоғам мен ондағы білім беру жүйесі үздіксіз даму мен өзгерістердің болуын қажет етеді. Әсіресе, білім беру жүйесі қоғам мен мемлекеттің сұранысына сай өзгеріп, әрі қарай қарқынды түрде жетілдірілуі керек. Ал осы жолдардың бірі – білім беру жүйесінің заман талабына сай болуы. Бұрыннан қалыптасқан білім жүйесіне жаңашылдық, сапалы, жүйелі оқыту процесін дамыту. Білім берудің цифрлық трансформациясы төртінші индустриялық революция – өнеркәсіптік революциясымен тікелей байланысты. «Төртінші индустриялық революция кезінде цифрлық байланыс арналарымен және технологиялық бағдарламалармен жабдықталған коммуникациялар қоғамды түбегейлі өзгертеді. Оның әсер ету аймағы мен жылдамдығы — адамзат тарихындағы басқа өнеркәсіптік революцияларға ұқсамайтын ерекше өзгерістер алып келеді» [1]. Бұл өзгерістер білім беру жүйесіне, оқыту әдістемесіне тікелей ықпал етеді және өзгерістерге ұшыратады. Атап айтқанда, білімнің кез-келген уақытта кез-келген жерде қолжетімділігін қамсыздандырудың тиімді оқыту технологияларын іске қосады. Бұл оқыту технологияларын түбегейлі жаңа деп айтуға болмайды, дәстүрлі оқыту технологияларының заманауи цифрлық технологиялардың педагогикалық әлеуеті арқылы жетілдіріл

«Цифрлық педагогика» деп «жаңа педагогиканы» — білім берудің мәнін, заңдылықтарын, оның тұлғаны дамытудағы рөлін ашатын, педагогикалық процесті орталықсыздандыру, оны білім алушының қызметіне қайта бағдарлау, оның дербестігі мен академиялық ұтқырлығы мақсатында ашық білім беру ресурстарының, ақпараттық технологиялардың көмегімен білім беру процестерінің нәтижелілігін арттырудың практикалық жолдары мен тәсілдерін әзірлейтін педагогикалық ғылымдар жүйесіндегі ғылыми білім саласы деп түсіну қажет [3].

Оқушылардың үлкен көлемдегі ақпаратты игеріп, оны қолданудың практикалық дағдыларын қалыптастыру қажеттілігі мұғалімдерді ақпаратты ұсынудың жаңа тәсілдерін, жаңа технологиялар мен оқыту әдістерін жасауға жетелейді және оларды оқыту әдістеріне шығармашылық тәсілдерді іздеуге мәжбүр етеді.

Инновация – бұл процеске жаңа әдістемелер мен жаңа стандарттарды енгізу жатады. Мойынсұну, қайталау, еліктеу жаңа талаптармен ауыстырылуда: мәселелерді көре білу, оларды байсалдылықпен қабылдау және өз бетінше шешу, яғни оқушының ақпараттық құзіретін емес, практика жүзінде де әр істің шешімін таба білетін, алған білімдерін күнделікті өмірмен ұштастыра білуге дағдыландыру.

Инновациялық білім беру жаңа білімді құру процесінде – іргелі ғылымды, оқу үдерісінің өзін және өндірісті интеграциялау арқылы оқытуды көздейді. Ол білім берудегі негізгі модернизациялаушы фактор ретінде дамыта оқытудың жаңа негіздерін алып келеді. Педагогикалық үдеріске қатысты инновация оқыту мен тәрбиелеудің мақсатына, мазмұнына, әдістері мен формаларына жаңа нәрселерді енгізуді және мұғалім мен оқушының бірлескен іс-әрекетін ұйымдастыруды білдіреді.

Инновациялық қызметтің мақсаты – дәстүрлі жүйемен салыстырғанда оқушы тұлғасының сапалық өзгеруі. Бұл тәжірибеге белгісіз дидактикалық және білім беру бағдарламаларын кәсіби қызметке енгізудің арқасында мүмкін болады, бұл педагогикалық дағдарысты жоюды білдіреді. Іс-әрекетті ынталандыру, алынған ақпаратты өз бетінше шарлау, шығармашылық, дәстүрлі емес ойлау қабілетін дамыту инновацияның негізгі мақсаты болып табылады.

Менің мұғалім ретіндегі мақсатым:

-бастауыш сынып оқушыларына ақпараттық-коммуникативтік, адамгершілік, интеллектуалдық, құқықтық, эстетикалық, эмоционалдық мәдениетті, денсаулық мәдениетін тәрбиелеуге жағдай жасау;

-білім беру үдерісіне жаңа педагогикалық технологияларды енгізе отырып олардың табиғи қабілеттерін барынша ашу арқылы олардың дамуына ықпал ету; - оқушылардың жалпы психикалық қабілеттерінің психологиялық-педагогикалық табиғатын зерттеу арқылы және олардың даму механизміне аз да болса үлес қосу;

-заманауи сабақты стандартты емес ұйымдастыру немесе дәстүрлі емес форматта өткізу оқу материалын қамтамасыз ете алатынын анықтау;

- оқушылардың танымдық белсенділігі мен ақыл-ой қабілеттерін ынталандыруға инновациялық технологиялардың жаңа заманға сай трансформациялануының әсерін талдау және олардың перспективаларына тоқталу;

-жаңа педагогикалық технологиялардың, белсенді және интерактивті оқыту әдістерінің білім алушылардың күрделі жағдайларды, олардың туындау себептерін талдау, негізгі және қосалқы мәселелерді анықтау, шешу жолдары мен құралдарын табу қабілеттеріне…