Әдіскер көшбасшы тақырыбына арналған балабақша эссесі

Ақтөбе облысы, Мұғалжар ауданы,

Саға ауылы

«Мөлдір» бөбекжай-бақшасы МКҚК

әдіскері Калиева Камшат Садыковна

Эссе

«Әдіскер – көшбасшы...»

Бүгінгі күн –білім беру мазмұнына түбегейлі өзгеріске бет бұрып тұрғаны баршамызға мәлім екендігі маған да терең ой салды.Елбасымыздың өзі сөзінде «Біз қазір білім – ғылым инновация атты үштік үстемдік құратын постиндустриялық әлемге қарай бағыт алып барамыз» деген сөзі бар.

Мамандық – қызметкердің кәсіп шегіндегі қызметінің нақты саласы. Ол лауазымнан өзгеше түрде белгілі бір білімді және арнаулы түрде оқып-үйрену немесе жұмыс тәжірибесін жинақтау барысында алған еңбек машықтарын талап ететін еңбек қызметінің тегін сипаттайды. Лауазымдық міндеттердің шеңберін айқындайды. Сондай мамандықтың бірі әдіскер. Қазіргі заман талабына сай әдіскер болу ең жауапты, ең күрделі, ең зиялы мамандық болып табылады. Себебі, ол адамды қалыптастыруға, дамытуға бағытталған зор жауапкершілікті қажет ететін мамандық. «Әдіскер» деген сөзді тұтастай тұлға ретінде қарастыратын болсам, оның жеке ерекшеліктеріне де назар аударған жөн деп есептеймін. Әдіскер –зиялы тұлға. Өзін жинақы, сүйкімді ұстайды. Прогрессивті көзқарастарды алға тартады.Сыни көзқарасы қалыптасқан,ұстамды,өзгелердің пікіріне сыйластықпен қарайды. Жүйелі түрде өзіне - өзі баға беріп, рефлекция жасап отырады: мәдениеті, эрудициясы жоғары, эстетикалық, көркемдік талғамы бар. Саясатқа, білімге, өнердегі жаңалықтарға қызығушылық танытады.

Педагогикалық, психологиялық және әлеуметтік әдебиеттерді талдау барысында мұғалімнің инновациялық іс-әрекеті деген ұғымның бірнеше жолын анықтауға мүмкіндік береді:

- инновациялық іс-әрекет мұғалімнің жеке тұлғасының даму тұрғысынан қарағанда іс-әрекетке деген қарым-қатынастың, іс-әрекет түрлерінің ауысуын ұсынатын өзіндік сана нәтижесі ретінде қарастырылады.

- тұлғаның танымдылық белсенділік тұрғысынан алғанда инновациялық іс-әрекет «инновациялық, шығармашылық әлеуеттің» қайнар көзі ретінде көрінеді.

Инновациялық іс-әрекет әрдайым әлеуметтік ортаны өзгерту қажеттілігімен байланысты. Адамдар өмірге деген талап, тілектерін қайта бағалау, көптеген жәйттерге және өзіне көзқарасын өзгерту, жаңа тұлғааралық және әлеуметтік қатынастарды өзгерту қажеттілігі алдында болады. Жаңа әлеуметтік байланыстарды орнықтыру, педагогикалық қоғамдастықта жаңаны енгізуде мәртебеге ие болу ортаның агрессивтілігін, материалдық-техникалық және психологиялық қиыншылықтарды жеңумен қатарлас жүреді.

Жұмысқа шығармашылықпен қарау, шабыттану – зерттеушіліктің қозғаушы күші болып табылады. Педагогикалық инновацияның дамуына байланысты, әдістемелік эксперимент жүргізе отырып тіпті жас педагогтар да өзінің зерттеушілік қабілетін дәлелдейалады. Сондықтан әдіскердің негізгі міндеттерінің бірі әдістемелікмәдениет арқылы өзін - өзі дамыту болып табылады.