Әдістемелік бірлестік жетекшілеріне арналған тренинг

«Қазіргі заманғы мұғалім тұлғасы»

Қатысушылар: мектеп педагогтары (жас мамандар)Мақсаты: Мұғалімдердің эмоционалды көңіл күйілерін көтеру, психологиялық ахуал тудыру ,топтасып жұмыс істеу жүйесін әрі қарай дамыту.Жұмыс түрі: топтық жұмысКөрнекілік құралдар: интерактивті тақта, ватман, түрлі-түсті қарындаштар, фламастерлер, шарлар

«Ұстаздық еткен жалықпас, үйретуден балаға»,- деп айтқан ұлы Абай Құнанбаев атамыз. Шынымен де, өскелең ұрпақты, ұлт пен ел болашағын тәрбиелеу, мұғалім кәсібін таңдап, оны шын жүрекпен, бар болмысыңмен сүю әрбір адамның қолынана келе бермейтін игі іс. Сондықтан да, таңдаған мамандық жолынан ешқашан таймаңыздар, әрбір қиыншылықтарды абыроймен жеңіп шығуларыңызды тілеймін.

Тренинг ережесімен таныстыру. 1.Өз ойын ашық айту. 2. Өзгенің пікірін құрметтеу. 3. Шынайылық. 4. Белсенді әрекет ету. 5. Өз сезімін басқара білу. 6. Уақытпен санасу.

№1 жаттығу.

І. Сәлемдесу: «Көрші»-1 минутҚатысушылар шеңберге тұрады. Жүргізушінің нұсқауын орындайды.Көршіңді оң жақтан құшақта,Көршіңді сол жақтан құшақта.Оң жақтағы көршіңе бір жымиып,Сол жақтағы көршіңе бір жымиып қараңыз.Туыс адамды көрген кездегідей амандасыңыз Біреуден қарыз болғандағы кісін көргендей амандасыңызКөп уақыт көрмеген досыңызды көргендеБастықты көргенде.

Рефлексия. Жаттығудан алған әсері туралы ой бөлісу.

№2 жаттығу. Қасиеттерді анықтау. Мақсаты:«Ұстаз тұлғасының» жаңаша портретін қалыптастырып,ұстазға тән жақсы қасиеттерді өз бойларына дарыту;

Жүру барысы:

Әрбір қатысушы өз бойындағы ерекше ұстаздық қабілеттерін айтып, ортаға баяндауы қажет. Барлық қатысушылар өз қасиеттерін айтып болған соң, «ұстаз тұлғасының» портретін қалыптастырып, суреттеуі қажет.

Нағыз ұстаз бейнесі қандай?

№3 жаттығу. «Баға қою».Қатысушылар шеңберге тұрады. Арасынан біреуі мұғалім, қалғандары оқушылар болады. Мұғалім роліндегі қатысушы негативті бағаны (екіні) бір оқушыға қоюы керек. Содан кейін, позитивті баға «бес» қоюы керек. Қалған қатысушылар мұғалімнің сол кездегі интоннациясын, эмоциясын қалай келтіргендігін, қандай сөздер айтқандығын бақылайды. Бұл рольде әрбір мұғалім болып көруі керек.

Психолог кеңесі: Оқушыға негативті баға қою кезінде мұғалім балаға деген өзінің қатынасын білдіру керек және сол баланың ертеңгі күні жақсы оқитындығына сенімділігін көрсету керек. Мысалы: «Өкінішті-ақ, Дина. Бүгін менің саған екі қоюыма тура келді. Сен өте қабілетті оқушысын. Алдағы уақытта бүгінгі бағаңды түзетесін деп ойлаймын».Оқушыға позитивті баға қою кезінде…