Ағайынбыз бәріміз тәрбие сағаты мектепке дейінгі балаларға

Ағайынбыз бәріміз!

Балалар музыка әуенімен залға кіреді. Жарты шеңбер болып тұрып, қонақтармен амандасады.

Тәрбиеші:

Бірлік пенен ынтымағы халықтың

Көгімізде жарасқан жарық күн!

Ырыс, дәулет бақыты үшін халықтың

Жайнай берсін, жайнай берсін алтын күн! - дей келе

Қазақстан халқының бірлігіне арналған «Ағайынбыз бәріміз» атты мерекелік ертеңгілігімізге қош келдіңіздер!

Ендеше Қазақстан Республикасының мемлекеттік әнұраны шырқалсын.

Әнұран орындалады.

-Балалар, Жер ана бәрімізге ортақ, Қазақстан көп ұлтт мемлекет. Елімізде орыс, татар, ұйғыр, неміс, кәріс тағы да басқа ұлт өкілдері тұрады. Әрбір ұлттың өз ана тілі, салт-дәстүрі, ұлттық киімдері, тағамдары, ойындары болады. Ендеше бүгінгі мерекеге арнайы жаттаған тақпақтарымызды қабыл алыңыздар.

Балалардың тақпақтары:

Жарасқан халқы алаштай,

Отандас ұл-қыз екенбіз

Орманда өскен ағаштай,

Тату, доспыз біз, бекембіз

Қуанышты май келді,

Алақай-ау, алақай.

Шырша шаттық әндері,

Көшеге шық балақай.

Бірінші бүгін мамырда,

Тойлайды ауыл, қалада

Айналған барша халықтар

Дос, туысқан бауырға.

Барлық елдің бөбегі,

Бір-бірімен туысқан

Бәрімізге төгеді,

Өз шуағын күміс таң.

Достық бізге тым ыстық,

Бірлік-байлық, ырыс-құт.

Жарқырасын күніміз,

Жаса, жаса тыныштық.

Киініп бөлек талғаммен,

Бақытты боп күлеміз

Түріміз өзге болғанмен,

Жүрегіміз ұқсас бір егіз.

Туыспыз біз бәріміз,

Біз Отанды сүйеміз

Бақытты елде туған соң,

Бақытты өмір сүреміз.

Ортақ мекен жер шары,

Төбемізде бір аспан

Барлық ұлттың баласы,

Достығымыз жарасқан.

Тату-тәтті тұрамыз,

Бірге сайран құрамыз.

Бір үйде біз тұрамыз.

Бірлік асыл мұрамыз.

Тілегіміз бейбіт күн,

Ақпыз, қара, сарымыз

Бәріміз де баламыз.

Бір қалада тұрамыз,

Туысқанбыз татумыз

Ағайынбыз бәріміз.

Ал, енді достық мерекесіне арнап жаттаған әнімізді орындайық.

Ән: «Достық»

Сөзі: Ф.Оңғарсынова

Әні: А.Асанов

Енді мұнда назар аударайық.

Шаңырақ көтерген қазақ баласы. Шаңырақтың жан-жағынан лента ұстаған: орыс, үнді, өзбек, татар халқының балалары келе жатады. Тәрбиеші сол балалардың киім үлгісімен таныстырады.

Балалар мода көрсетеді.

Би: «Қамажай»

Қорытындылау.