Көңілді қыс тәрбие сағаты мектепке дейінгі балаларға

Көңілді қыс.

Мақсаты: Балалардың қыс туралы түсініктерін кеңейтіп, қысқы ойындар мазмұнын меңгерту. Бала денесін ойын арқылы қозғалысқа келтіріп, таза ауада шынықтыру. Іс-әрекетке деген қызығушылығын ойын арқылы қалыптастыру.

Заттық дамыту ортасы: Шырша, шырша ойыншықтары, аққала.

Шаттық шеңбер: Бүгінгі тәрбиелік іс- шарамызға қонақтар келіпті, бәріміз

сәлемдесейәк

Арайлап таңатты!

Алтын сәуле таратты!

Жарқырайды даламыз.

Жайнай түсті бақшамыз,

Қайырлы таң достарым

Қайырлы таң қонақтар!

-Бүгінгі тәрбиелік іс- шарамыздың тақырыбы «Көңілді қыс». Балалар қазір жылдың қай мезгілі?

- Қыс мезгілі.

- Қыс мезгілінде не жауады?

- Қар жауады

- Қармен қандай ойындар ойнауға болады?

- Қар атысып, аққала жасап ойнауға болады.

Олай болса балалар екі топқа бөлініп ойындар ойнайық. Ойынды бастамас бұрын тақпағымызды айтып алайық:

Біз бүгінгі көріністі

Көрсетеміз шын жүректен

Қолды қатты шапалақтап

Күлдіреміз бөбектерді

Мықтылар шығып ортаға

Қызық болар баршаға

Міне енді жүйрік балалар

Ойын ойнауға дайын тұр.

1. «Қарды кәрзеңкеге жинау» ойыны.

Шарты: Балалар шапшаң және жылдам қимылдап, қарды кәрзеңкеге жинауға

тырысады. Қай топ тез жинаса сол топ жеңіске жетеді.

2. «Шыршаны безендіру» ойыны.

Шарты: Шыршаны қай топ бірінші безендіріп және тез жинап қойса , сол топ

жеңәске жетеді.

3. «Аққала құрастыру» ойыны.

Шарты: Балаларды екі топқа бөлініп аққала құрастыру. Қай топ бірінші құрастырса сол топ озғаны.

4. «Аңшылар» ойын.

Шарты: Әр топ бір- бірлерін қармен атқылайды. Қай топ көп тигізсе сол топ жеңіске жетеді.

Ұтқан топты мақтап мадақтау.

Құрметті көрермендер

«Көңілді қыс » атты тәрбиелік іс-шарамыз өз мәресіне келіп жетті. Көңіл бөліп тамашалағандарыңызға көп-көп рахмет. Қош сау болыңыздар.

Жарқын, шаттық заман болсын

Отбасымыз аман болсын.

Сыйластықпен бірлік болып,

Әрқашанда орта толсын.