Агрессиялық мінез-құлықтың алдын алу коучинг жоспары

Коучинг тақырыбы:

«Агрессиялық мінез-құлықтың алдын алу және түзету жолдары»

Күні:

26.12.2017ж

Мұғалім:

Далибаева Роза Салимовна

Мақсаты:

Жеткіншектердің теріс мінез-құлқын қалыптастыруға ықпал ететін жағдайдыңалдын алу арқылы ызаны тиімді жолмен шығаруға үйрету

Күтілетін нәтиже:

Баланың агрессивтілік деңгейі төмендейді, өзінің мінез-құлқын ырықты басқаруға қабілеті мен мүмкіндіктерін қалыптастырады.

Ресурстар

Интербелсенді тақта ,тақырыптық мәтіндер

Басы:

Амандасу

І «Есім акронимі» ойыны арқылы

Әркім өзінің бас әріпіне жағымды қасиеттерін айтады

Сыныпта жайлы психологиялық ахуал қалыптастыру.

ІІ. «Символдар сөйлейді» әдісі бойынша топқа біріктіру.

1- топ « Сабыр» - сары алтын

2-топ «Уақыт» - қымбат

3-топ «Білім»- шырақ

Не үшін осы топқа біріктіңдер? Топқа біріккенде не ойладыңыздар?

І-тапсырма.

Тақырыпты айқындау « Миға шабуыл». Әр түрлі эмоциядағы бет бейнесін көрсету.

Қуаныш,ойлану,таңырқау, ашулану,қиялдау,армандау

(интербелсенді тақтадан көрсету арқылы тақырыпты айқындап аламыз)

Ренжудың яғни агрессияны білдіретін бейнені не үшін айрықша көрсетіп отырмыз?

- дұрыс , бүгінгі коучингтің тақырыбы «Агрессиялық мінез-құлқын алдын алу және түзету жолдары»

(Балалар мен бірге мақсатын анықтаймыз)

Негізгі бөлім:

ІІ-тапсырма .Тақырып бойынша жұмыс.1-тапсырма: «Адамдар не себепті ренжіседі?»

2.Оны болдырмаудың қандай жолдары бар?- деген мәселе жайлы ойланып, топта пікірлесіп жауаптарыңызды «Т кестесіне» топтастырыңыздар. Барлық жауап нұсқаларын әр топ тақтаға іледі, (Мысалы оқушылар жауаптары төмендігідей болуы мүмкін)

Ал енді талқылап көрейік.

Адамдар бір-бірін түсінбейді.

Өзге адамның ақылын тыңдамайды.

Өзге адамдардың құқығын ескермейді.

Үнемі өзінің басымдылығын көрсетуге тырысады.

Өзгелерді тыңдай алмайды.

1,2,3 әдісі бойынша топтар бір- бірін «Сиқырлы таяқша» арқылы бағалайды.

ІІІ-тапсырма «Жағдаяттарды талдау»

Рөлдік ойын «1,2,3» әдісімен талданады

1 топ-Мадина- «Сабина, маған математикадан үй тапсырмасын берші көшіріп алайын».

Сабина: Мадина сен көшіргенмен ештеме түсінбейсің ғой. Одан да мен саған түсіндірейін , сен өзің есептерді шығар.

Мадина:Бере салсаң нең кететін еді,менің қазір есеп шығаруға уақытым жоқ. Сен –ақ білімді болшы, ренжідім саған мен сені досым деп жүрсем ( осы жағдай да Мадинаның ренжігені дұрыс па?)

2топ- Мақпал :Ерлан сен біздің мектепті уятқа қалдырдың?

Мурат:Біз саған сеніп едік, сенімімізді ақтамадың?Сынып болып саған ренжідік.

Ерлан: Мен ауырып калдым.Оған мен кінәлі емеспін, маған нене ренжисіңдер! (Бұл жағдайда кімге ренжуге болады?)

3-топ-Динара жаңа жыл кешіне кім ән айтады?