Ағылшын тілі жаһандану тілі туралы мақала шет тіліне

Ағылшын тілі – әлем мойындаған жаһандану тілі

Ағылшын тілі –әлемдегі ең көп таралған тіл. БҰҰ-ның алты тілінің бірі болып саналады. Сонымен бірге көптеген мемлекеттердің ресми тілі. Ағылшын тілі қоғамдық құбылыстың бір формасы. Ол ағылшын тілінде сөйлейтін елдердің арасындағы жаhандық тіл. Ағылшын тілі заманымызда өте маңызды рөл алып отыр. Қадірменді атамыз, Қадыр Мырза Әлі: «Өзге тілдің бәрін біл, - өз тіліңді құрметте» деп тегін айтпаса керек. Бүгінгі таңда ағылшын тілі «Әлемдік тіл» мәртебесіне ие. Адам көп тіл білген сайын көкірегі ашылып өмірге деген көзқарасы тереңдеп, өрісі ұлғая түседі.

Тіл - әр ұлттың дәстүрлі мәдениетімен астасатын күрделі қарым-қатынас құралы. Ал ағылшын тілі ілгерілеушілік пен технологиялардың тілі болғандықтан біз оны үйренуге тиіспіз. Бізге ол әлемдік экономикаға, әлемдік қауымдастыққа кіруімізге қызмет етеді. Бүгінгідей жаhандану заманында, көп тіл білетін адамның қоғамда алатын орны ерекше екенін кәрі де , жас та түсінген деп ойлаймын. Тіпті біздің елбасымыз «Әрбір Қазақстандық үш тілді жетік меңгеруі тиіс» - деп айтқан. Ағылшын тілінің Қазақстандағы рөлінің арта түсуі қазақ тілінің мемлекеттік мәртебесін іске асыру мәселесін маңызды ете түсуде.

Тіл үйрену – оның ішінде жаhандық тіл болып табылып тұрған ағылшын тілін меңгеру – әрбір адамның қоғам алдындағы міндеті деп ойлаймын. Себебі, басқа мемлекеттің алдында өз еліміздің дәрежесін биік ету үшін және білімді, саналы ұрпақ болып қалыптасып, болашағымыз жарқын болу үшін – жаhандық тіл – ағылшын тілін меңгеруді әр адам – борышым деп санауы тиіс!!!

Алматы қаласы,

Әуезов ауданы

№ 42 ЖББМ - тің

ағылшын тілі пән мұғалімі

Садыкова Лунара Шукрханқызы