Ағылшын тілінен зерттеу сабағының рефлексивті есебі

Ағылшын тілі пәнінен өтілген зерттеу сабағының рефлексивті есебі

Пән мұғалімі: Абсаттарова С.С.

Lesson Study зерттеу үдерісі бойынша «Интеллект» тобының жылдық жоспарына сәйкес ағылшын тілі пәнінен «My country. Reading for Pleasure» тақырыбында сабақ өтілді. Топ мүшелері бірлесе отырып, сабақ жоспарын, оқу жоспарын негізге ала отырып жасадық. Және өз тобымыздың зерттеудегі келелі мәселесін ескере отырып, стратегияларды пайдалана отырып жасадық: «Оқылым, тыңдалым, айтылым және жазылым дағдыларын сыни тұрғыдан ойлау арқылы дамытуға бола ма?»

Осы мақсатта сабаққа келесі стратегияларды алдық; «Блум Түймедағының сұрақтары», «Конструктор», «Blank Filling», «Кейіпкерлер әлемі».

Сабақты ынтымақтастық атмосферасын орнату мақсатында «Жұмыр Қылыш» күйін сергіту сәтімен бастадым. Оқушыларды тақырыпқа сай, аты аңызға айналған Томирис ханшайым, Қобыланды батыр, Айша Бибі суреттерімен топқа бөлдім. Оқушылар орындарына отырғаннан кейін, «Миға шабуыл» жасап, қандай әуен тыңдадыңдар?, кімдердің суреттерін көріп тұрсыңдар?, кітап оқыған ұнайды ма?, - сияқты сұрақтар қою арқылы сабақтың тақырыбын аштық. Оқушыларды сабақ мақсаттарымен таныстырып, олар бүгінгі сабақта неге қол жеткізетінін айты өттім.

Сергіту сәтінің басында оқушылар қимыл жасауға бір-бірінен кішкене қысылып, кейі нірек үйренді.

Сабақ басында да қорқақтап, сұрақтарға жауап бере алмай, ойларын жинақтады. Әр топ өз топ басшыларын сайлап алды. Зерттеудегі үш оқушы үш топта болды.

Оқулық бойынша мәтінмен жұмыс алдында тақырыптың таныс емес, жаңа сөздерін аудармасымен интербелсенді тақтадан оқып қайталады. Оқылым дағдысы бойынша мәтінді оқушылар өздері жаңа сөздермен салыстыра отырып оқып, мағынасын түсінді. Мәтінді оқып болғаннан кейін, «Блум Түймедағындағы» әртүрлі деңгейдегі сұрақтарға әр топ 2 сұрақтан алып жауап берді. Оқушылар өз ойларын шамалары жеткенше жауап берді. Кейбір оқушылар ағылшын тілінде анық, нақты жауап берсе, кейбір оқушылар тілдік қорларының жетіспеуіне байланысты жауап беруден қиналып, қазақ тілінде жауап берді.

Келесі тапсырма «Конструктор» стратегиясы. Қағаздағы қиылған 6 сөйлемді мәтіндегі аңыз бойынша ретімен қағазға жабыстырып орналастыру керек еді. Бұл тапсырма шапшаңдық пен ұқыптылықты талап етті. Және 2 минут ішінде аяқтап, топ бір-бірімен алмасып, тексеріп ұпайларын беру керек болған. Жауабын тақтамен сәйкестендіріп тексерді. 1-топ асығып бір-бірімен келісе…