Әй әй ата ашық сабағы мектепке дейінгі балаларға

Ашық ұйымдастырылған оқу қызметінің жоспары

Білім беру саласы: Шығармашылық

Бөлімі: Музыка

Тақырыбы: Әй-әй ата

Мақсаты: Түрлі қарқындағы музыканы тыңдау; әнді музыкалық сүйемелдеумен бір қарқында орындауға үйрету; бірге таныс би қимылдарын қайталау; отбасы мүшелеріне сыйластықпен қарауға, құрметтеуге тәрбиелеу.

Көрнекіліктер: отбасы мүшелері бейнеленген суреттер. аспаптар

Сөздік жұмыс: отбасы, аспаптар.

Билингвалды компонент: ата – дедушка, мейірімді-добрый, тату-дружный.

ҰОҚ барысы

Ұйымдастыру кезеңі

Балаларды көңілді музыкамен қарсы алады. Педагогтің таңдауымен таныс әуен ойналады. Әуеннің екпінімен аяқтарын нық басып, адымдай жүруді ұсынады. Таңғы сәлемдесу 3 тілде.

Қайырлы таң , ұстазым

Қайырлы таң, достарым

Шеңберге тұрайық,

Жылулық сыйлайық.

Доброе утро, учитель

Доброе утро, друзья

Посмотрите друг на друга

Пожелайте добра

Good morning Good morning

Good morning ty you

Good morning Good morning

You glad to se you

Музыка қосылады ,бірге ән шырқайды.Одан кейін музыкамен шаттық шеңберін айтамыз. Шаттық шеңберін өткізу.

Шаттық шеңбері:

Біз бақытты баламыз,

Ерекшеміз, дарамыз

Дөңгелене би – билеп,

Ән де шырқап аламыз.

Балалар, дауыс жаттығуларын барлығымыз қайталаймыз. Қайталау ұсынылады.

ли-ли-ли -1 жаттығу,

ля-ля-ля , а-а-а -2жаттығу

Негізгі кезең

Отбасы мүшелері бейнеленген суреттерді көрсетіп, өз отбасы мүшелері туралы қысқаша әңгімелеуді ұсынады.

Бейнеролик тамашалау «Әли мен Айя» мультсериалынан қысқаша көрініс. Сол видео туралы өз ойларын айту.

Барлығымызда ата, әжелеріміз бар ма?

Бейнероликте кімдер туралы айтылған?

Балалар, Айя не үшін жылайды?

Аталары не айтады?

«Тату – тәтті» деген сөзді қалай түсінеміз?

Атам менің әманда

«Мейірімді бол» дейді.

Ақыл сөзі санамда,

Жасы үлкенге жол берем!

Ән айту: «Әй-әй ата» (Ө. Байділдаев, Ж. Смақов)

Педагог әнді орындайды. Мәтінін қайталатып, сөздерді анық айтуға үйрету. Үлкендермен қосыла әннің әуенін бірге орындау. Атаның отбасындағы ең үлкен, қадірлі адам екенін түсіндіру. Әннің 1 шумағын жаттап, барлығы бірге музыкалық аспаптардың сүйемелдеуімен орындау.

Музыкалық-ырғақтық қозғалыстар: «Бұғының үйі»

Таныс би қимылдарын үйренуді жалғастыру, қайталау. Әннің сөзіне қарай би ырғағына қозғалуға үйрету.

3. Қорытынды бөлім. Рефлексия