Ай дидарлы анашым ертеңгілігіне арналған сценарий

Зал мерекеге сай безендірілген.Ортаға жүргізуші шығады.

1 жүргізуші: - Ана-өмір қолдаушысы әлемнің, Шаңырақтың шаттығы мен шуағы. Сейілмесін жанарынан ананың Тіршілікке төккен нұрлы шуағы.2 жүргізуші: - Аялайық аналарды әрдайым, Қуанышқа бөлейікші өздерін.Әжелердің,аналардың,қыздардың Мұң шалмасын күлім қаққан көздерін. - Ана - барлық өмірдің бастауы. Ол адамды өмірге әкеледі, оны тәрбиелейді,өсіреді. Адам бойындағы барлық асыл қасиет күннің нұрынан, ананың ақ сүтінен дариды. Ана -ұлы адам, Ана-құдіретті жан ,ендеше бүгінгі мерекелеріңіз құтты болсын, Аяулы аналар!!!Сіздерге зор деңсаулық, отбасыларыңызға амандық, татулық, еңбектеріңізге жеміс тілейміз!

Балалар қолдарына жүрекше ұстап, музыка әуенімен залға кіріп билейді. Бидің соңында жүрекшелерін аналарына табыс етеді.

1 жүргізуші:

Той-тойлап дала мен қалаларым,

Мерекен құтты болсын, аналарым!

Қаракөз қыз, абзал ана мерекесін,

Құттықтауға келіп тұр балаларың!

Балалардың тақпақтары.

Ән «Ай дидарлы анашым».

1 жүргізуші: - Құрметті қонақтар,Біздің Аналар күніне арналған ертеңгілігімізге қош келіпсіздер! Біз Сіздерді шақырған себебіміз,сіздер бүгін күнделікті тіршіліктеріңізден демалып, бізбен бірге Көктемнің келгеніне қуансын дедік.Ал, енді аяулы аналар, айтыңыздаршы,үйде сіздер қалай демаласыздар? (жауаптар)

2 жүргізуші: – Ал,біз жақында сұрастыру жүргізгеніміз бойынша, көп адамдар үйде диванда жатып, теледидар көріп демалады екен.

1 жүргізуші: - Иә, теледидардың алдында отырып, пісте шағып, кино көрсен – міне нағыз демалыс деп осыны айт.

2 жүргізуші: - Иә, қатты армандап кеттің ғой. Ондай демалыс біз балабақшада аналарымызға сыйға тарта алмаймыз.

Осы кезде есікті біреу қағады.Залға екі баланың әкесі кіреді.

Әке: - Саламатсыздар ма, құрметті ханымдар! Біздің «Арманда» атты фирмамыз сіздерді 8 наурыз мерекесімен құттықтап, мына заманауи 3д смарт- теледидарын сіздерге сыйға тартпақ. Әрқашанда осындай сұлу да бақытты бола беріңіздер! (залға қызыл жіппен байланған теледидарды алып кіреді.)

1 жүргізуші: - Ол сонда қандай теледидар?

Әке: - Бұл теледидардың көлемді дауысы,интерактивті экраны бар.Қазір бәріңіз жайғасып отырып алыңыздар.Балабақша болғандықтан, біз «Балапан» телеарнасын қосып берейік.Рахаттанып көріңіздер!

2 жүргізуші: - Рақмет! Арманымыз орындалды. Қане, теледидарды қосып көрейік.

Теледидарды қосады. Қыз бен бала кіреді.

Қыз: - Сәлеметсіздер ме, құрметті көрермендер!Эфирде «Балапан» ұлттық арнасы.Біздің арнада болғандарыңызға көп рақмет!

Ұл: - Бүгін Аналар мерекесі болған сон, біз сіздерді құттықтап, сіздерге концерттік бағдарлама ұсынамыз.

Қызбен баланың тақпақтары.

Қазақ биі.