Күздің әсем сыйлары ертеңгілігіне арналған сценарий

«Күздің әсем сыйлары» ертеңгілігінің сценарийі.

Жүргізуші: - Қайырлы күн! Армысыздар, құрметті ата-аналар мен ардақты қонақтар! Ел байлығын арттырған, берекелі күз айы да келді. Бүгінгі «Күздің әсем сыйлары» атты ертеңгілігіне қош келдіңіздер!

(Музыка әуенімен бүлдіршіндеріміз қолдарында жеміс жидек көкеністері бар кіріп залды бір айналып себетке салып, жарты шеңберге тұрады.)

Берекелі, мерекелі,

Келді жомарт алтын күз.

Қалада да, далада да,

Жаның бәрі жарқын күз.

Ал, балалар тұрмайық,

Мерекеде бүгінгі,

Күзгі бақтай сыңғырлап,

Шырқап әнге салайық.

Ән: «Күзгі хоровод»

Жүргізуші: Енді мерекеміз қызықты өту үшін ортамызға Күз ханшайымын шақырайық!

Балалар: - Келші, келші алтын күз,

Келші, келші жарқын күз.

Мерекені жалғастырып,

Ойнап, күлші алтын күз!

(Осы кезде музыка ырғағымен мерекелік көңіл - күймен залға Күз ханшайымы қолындағы себетімен кіріп келеді. Себеттің ішінде күзгі базарлық жемістер, көкөністер салынған.)

Күз ханшайымы: - Сәлем, менің достарым, өмірге көп қосқаным,

Молшылығын әкелген, беркелі күз боламын.

Ыңтымақты еліме ырыс болып енемін.

Күздің сыйын көз тартар, өздеріңе беремін.

Жүргізуші: - Қош келдің, Күз ханшайымы. Өзіңмен бірге береке, байлық, молшылық, тоқшылық ала келдің. Оған біз өте қуаныштымыз. Мына сыйды балаларға таратып берсек бола ма?

Күз ханшайымы: - Жоқ, бұл сыйды балалар еңбек етіп, тер төгіп, өнерлерін көрсетіп, алулары қажет. Өйткені күздің сыйлары тек адамның еңбегінің арқасында болады.

Жүргізуші: Олай болса Күз ханшайымы, біздің балалар ортаға шығып, ағылшын тілінде ән салып береді!

Ағылшын тілі: «Rain» әні.

Жүргізуші: Жемісті мол теретін,

Күз дос екен біздермен.

Бәрін тауып беретін,

Жомарт екен «күз деген». - Олай болса, Күз ханшайымы, балалар саған арнап тақпақ айтып береді, отырып, тамашала. (Күз ханшайымы отырады.)

Күз туралы жаттаған тақпақтарымызды айтайық.

1.Бұтағындай емініп,

Күзде жеміс піседі.

Сабағынан жел үзіп,

Жерге топ-топ түседі.

2.Алтын, сары, қызыл, көк,

Алуан-алуан жапырақ

Күзгі бақта күлімдеп,

Көз тартады атырап.

3.Күн шуаққа маужырап

Жатыр еді атырап.

Ағаштардан жамырап,

Ұшты кенет жапырақ.

4.Толтырыпты алтын күз

Уылжыған жемісін

Күзге біз де ризамыз

Аянбаған ел үшін.

5.О, алақай, тамаша,

Шашу шашты жапырақ

Бақтың іші алаша,

Аунар ма еді жатып ап!

6.Кездескен соң күзімен,

Бұтағынан үзілген.

Ай жапырақ, сары алтын,

Айналаның бәрі алтын.

Жүргізуші: Балалар, қараңдаршы далада жаңбыр жауғалы тұр, яғни бүгін мерекемізге бізге қонаққа кім келетінін мына жұмбақ шешу арқылы білетін болсыңдар.Жұмбақ:Ортасында ұзын таяқ,

Төбенді торлайды.

Жазылса жаңбырдан,

Үйіндей қорғайды. (Қолшатыр)

Балалар жұмбақтың шешуін табады, сол кезде жаңбырдың дауысы шығады.

Жүргізуші:Балалар тыңдайықшы жаңбырдың жауып тұрған дауысы естіледі, жаңбырдан қорғану үшін қолымызға не ұстаймыз?

Балалар: Қолшатыр.

Жүргізуші:Олай болса, қолшатырды шақырайық!

Балалар шапалақтап: Қолшатыр, Қолшатыр

Музыка ойналып, есіктен қолшатыр кіреді.

Қолшатыр:Аспанды бұлт торлайды,

Жаңбыр жаумай қоймайды.

Құйса жауын нөсерлеп,

Қолшатыр бәріңді қорғайды.

Сәлеметсіңдер ме, балалар!Мен Қолшатырмын. Ал сендер білесіңдер ме, менің сендерге қандай пайдам бар?

Балалар: Білеміз.Жаңбыр жауғанда қолшатыр болмаса, киіміміз су болады ғой.Ал қолшатыр бізді жаңбырдан қорғайды.

Қолшатыр:Иә, иә. Мен болмасам сендерді кім жаңбырдан қорғайды?

Осы кезде музыка ойналып, есіктен Боти кіреді.

Боти: Жаңбыр жауса құйып,

Аяққа боти киіп.

Су болмайды аяғың,

Жүрсең мені киіп.

Сәлеметсіңдер ме!Мен Ботимын, мен дұрыс айтам ба?

Балалар: Иә.

Қолшатыр: Солай ма? Аяқтарың су болмаса үстерің, бастарың су болады ғой. Ботиды бастарына киіп алмайсыңдар ғой.

Жүргізуші:Балалар, қане Қолшатырды ренжітпей, көңілін көтеріп, қолшатырға арнап ән айтып берейікші.

Ән: «Күзгі жаңбыр».

Қолшатыр: Балалар, әндерін маған ұнады кремет екен.Ал, сендер мен туралы, менің досым жаңбыр туралы тақпақтар білесіңдер ме?Балалар жаңбыр, қолшатыр туралы тақпақ айтады.

1-Бала:Біз кішкенай балдырған,

Сескенбейміз жаңбырдан.

Төбемізде қолшатыр,

Алдымызда жол жатыр.

2-Бала:Жауды жаңбыр, ән жаңбыр,

Тұман басып аспанды.

Ал, балалар өздерін

Қолшатырмен қорғап жүр.

3-Бала:Жаңбыр, жаңбыр жауа бер,

Қорықпаймыз біз сенен.

Қолымызда қолшатыр,

Кел, билеші бізбенен.

Қолшатыр:Маған балалардың тақпақтары ұнады.

Жүргізуші: Қолшатыр қыздарымыз саған арнап, осы қолшатырмен әдемі би билеп береді.Қошеметтеп қарсы алыңыздар!

Би: «Қолшатыр»

Боти:Балалар билерің керемет екен, енді мен сендерге жұмбақ жасырамын?

Қане, қане тұрайық,

Жарты шеңбер құрайық.

Қызық жұмбақ жасырсам,

Қане, шешуін табайық.

Жұмбақтар: