Ай тақырыбына арналған ашық сабақ, 1 сынып

Пәні: Математика Қатысқандар саны:21 Қатыспағандар саны: 0

Күні:26.01.2017ж.

Сабақ тақырыбы

Ай

Осы сабақта қол жеткізетін оқу мақсаттары

1.1.3.1 шамаларды ажырату: уақыт; оларды өлшеуге қажетті әдістерді, құралдарды таңдау; өлшеу

1.1.3.2 өлшем бірліктерін қолдану арқылы шаманы өлшеу:минут, сағат,тәулік,апта,ай,жыл

Сабақ мақсаттары

Барлық оқушылар: уақытты бағдарлайды және уақыт терминдерін түсінеді. Ай аттарын ретімен айта алады.

Көптеген оқушылар: Уақыт бірлігін ажыратады. Қалай не үшін қолданатынын талдайды.

Кейбір оқушылар: уақытты анықтайтын жаңа терминдерді пайдаланып, ой-пікірін білдіре алады.

Жетістік критерийлері

Уақыт аралығының ұзақтығы -ай, жыл туралы түсінік қалыптасады;

«Ай, жыл» уақыттың өлшем бірлігі екендігін ұғынады;

Ай атаулары және олардың орналасу ретімен танысады.

1жыл 12 айдан тұратындығын біледі,жылдың төрт мезгілін ажырата біледі.

Тілдік мақсаттар

Пәнге тән лексика мен терминология:

ай, күнтізбе, қаңтар, ақпан, наурыз, сәуір, мамыр, маусым, шілде, тамыз, қыркүйек, қазан, қараша, желтоқсан, жыл

Диолог пен жазу үшін пайдалы сөздер мен тіркестер:

Талқылау:

... қашан екенін айт

Қай күні сен …..

Жазу: Ай аттарын рет-ретімен жаз.

Құндылықтарды дарыту:

Ұжымшылдыққа тәрбиелеу,жауапкершілік, сыйластық, өзара түсіністік құндылықтарды қалыптастыру

Пәнаралық байланыстар:

Әдебиеттік оқу,дүниетану,орыс тілі,ағылшын тілі

АКТ қолдану дағдылары:

Аудиожазбалар, слайд,стикер, постер, маркер,күнтізбелер

Бастапқы білім:

Тәулік уақыты, апта күндері, ай атаулары

Сабақтың

жоспарланған кезеңдері

Сабақтағы жоспарланған іс- әрекет

Ресурстар

Сабақтың басы

5мин

Ұйымдастыру кезеңі

Оқушыларға жайлы ахуал ұйымдастыру

Шаттық шеңбері

Шеңбер болып тұрайық, жылы жүзбен

Бізге келсін қуаныш нұр іздеген.

Шуақ толы жанымыз, жүрегіміз,

Үлгі алсын көрген жан мына бізден

Оқушыларды шеңбер бойына тұрғызып,«қыс»,«көктем»,«жаз»,«күз» деп кезек-кезек айтқызып жылдың төрт мезгілі бойынша топқа бөлу.

Өткен сабақты қайталау

«Сұрақты қағып ал» ойыны

АТК

Сабақтың ортасы

15 мин

10 мин

5 мин

Жұмбақ шешу

Ақ түсті,

Көк түсті,

От түсті,

Тот түсті-

Төрт түсті жер үсті

Жауабы:қыс, көктем, жаз, күз

Жер үстінде бір бәйтерек,Оның бар он екі бұтағы.Әрқайсысында отыз жапырақ,Отызының бір жағы ақ, бір жағы қара.

Жауабы: Жыл он екі ай, бір айдағы отыз күн, бір күндегі күн мен түн

-Балалар бір ай дегеніміз не?

-Ай-ұзақ уақыт аралығы. Онда 4 апта және бірнеше күн болады. Айлар бірінен кейін бірі ретімен келеді

-Бір ай дегеніміз 30 немесе 31тәулікке созылатын уақыт аралығы.Тек ақпан айында 28 немесе 29 тәулік болады.

1-ші топ 12 айды қазақша айтады

2-ші топ 12 айды орысша айтады

3-ші топ 12 айды ағылшынша айтады

4-ші топ Сұрақтарға жауап береді

1.Бүгін қай күн және қай ай?

2.Келесі қай ай?

3.Өзің туған айларыңды атаңдар.

Әр топқа өз тобының атына қатысты жыл мезгіліне сәйкес келетін ай аттары мен топтастырып айтқызу. Әр топтың жауабын тыңдау.

-Балалар осы ай аттары ретімен жазылып,апталарға бөлінуін көрсететін кестені күнтізбе деп айтамыз. Әр айдағы күндер саны әртүрлі: 30,31,28,немесе29 күн

Күнтізбенің әр түрлі нұсқалары бар.Мысалы: үстелге қоятын,қалта күнтізбесі, жыртпа күнтізбе,қабырғаға ілетін күнтізбелер

-Біз жылда 31 желтоқсан күнінен 1 қаңтар күніне ауысқан түні жаңа жылды қарсы аламыз.

-Біз қай жылды шығарып салдық?

-2016ж Маймыл жылын

-Қай жыл келді?

-2017ж тауық жылы

Ал қазақ күнтізбесі бойынша Наурыз айы-Жаңа жылдың бірінші айы,Ұлыстың ұлы күні.Қазақстанда Наурыз мейрамы 22 наурызда аталып өтіледі. Наурыз мейрамы көктем мейрамы және Жаңа жылдың басталуы ретінде тойланады.

Біз енді осы 2017 жылдың айларымен күнтізбе арқылы танысатын боламыз.

Күнтізбемен жұмыс

-Балалар, күнтізбе бізге не көрсетіп тұр?

-Жылдың айға, аптаға,күнге бөлінгенін

-Бір айда неше апта бар екен?