Айнала алтын күз балабақшаға арналған тәрбие сағаты

Тақырыбы: «Айнала Алтын күз!»

Мақсаты: Күз туралы түсінік беру. Күз туралы білімдерін бекіту. Табиғатты аялауға, баптауға үйрету. Күз туралы тақтар айтып, баланың тілін дамыту.

Тәрбиеші: Балалар қараңдаршы бізге бүгін көптеген ұстаздар келіпті. Сәлемдесу әдептіліктің белгісі балалар, алдымен оқу іс – әрекетімізді бастамас бұрын ұстаздармен амандасып алайық.

Балалар: Сәлеметсіздерме?!

Тәрбиеші: Енді балалар, әдеттегідей шаттық шеңберіне жиналып, алтын күнмен, туған жермен амандасып алайық.

Балалар:

Армысың, Алтын Күн!

Армысың, Жер Ана!

Армысыздар, қонақтар!

Армысыңдар, достарым!

Аман болсын аналар,

Аман болсын балалар!

Тәрбиеші: -Қазір жылдың қай мезгілі?

Балалар:-Күз мезгілі.

Тәрбиеші: - Күздің ерекшеліктері қандай?

Балалар: -Күн суыта бастайды, адамдар жылы киімдерін киеді, құстар жылы жаққа ұшып кетеді. Жапырақтар сарғайып жерге түсе бастайды. Жаңбыр жауады.

Тәрбиеші: -Жарайсыңдар, балалар! Бүгін бізге көптен күткен қонақ келеді. Ол «Күз ханшайымы». Қонағымыз тез келсін десек, оны дауыстап шақырайық.

Балалар: Күз ханшайымы.

Күз ханшайымы: Сәлеметсіздерме, кішкентай балақайларым. Мен сендерді көріп тұрғаныма өте қуаныштымын. Баршаңызды алтын күз мерекесімен құттықтаймын. Күз бақыт, береке әкелсін.

Тәрбиеші: Қош келдіңіз, Күз ханшайымы, төрнлетіңіз. Айтқаныңыз келсін.

Күз ханшайымы: Балалар қазір мен сіздермен ойын ойнаймын. Ойынның аты «Өсеме, пісеме?» деп аталады.

Ойын: «Өсеме, пісеме?»

Мақсаты: Ағаштарда жемістер мен көкөністер араласа ілініп тұрады, ортаға бала шығып, ағаштағы жемістердің арасынан көкөністерді тауып, жерде өсетінін көрсетуі тиіс.

Күз ханшайымы: Жарайсыңдар, балалар! Рахмет сендерге.

Тәрбиеші: Рахмет, Күз ханшайымы. Балалар ойын ұнадыма?

Балалар: Иә.

Тәрбиеші: Ал, балалар, біздер келген қонақтарға, Күз ханшайымына жемістер туралы тақпақ айтып берейікші, жарайма?

Балалар: Иә.

Алмат: Мен алмұртпын, алмұртпын,

Аузындамын бар жұрттың.

Ибрагим: Мен шиемін, шиемін,

Күннің көзін сүйемін.

Ұлан: Мен алмамын, алмамын,

Таңдай жұлар бар дәмім.

Дат: Мен жүзіммін, жүзіммін,

Моншақ болып тізілдім.

Тәрбиеші: Рахмет, балалар, ал енді балалар орнымыздан тұрып сергіп алайық.

Сергіту сәті.

Қорбаңдаған аюдың,

Құлпынайы көп екен.

Теріп – теріп алайық,

Қалтамызға салайық.

Ойын: «Алма мен сәбіз» себетке жинап ал.