Арайлы алтын күз балабақшаға арналған тәрбие сағаты

Арайлы алтын күз.

Жүргізуші: Құрметті ата-аналар,қонақтар,тәрбиешілер бүгін Құлыншақ тобының балалары дайындаған Арайлы алтын күз ертеңгілігіне қош келдіңіздер!

Қуаныштың ағайын,

Қоңырауын қағайын.

Қуандырып біздерді,

Өлкемізге күз келді.

Бүгінгі берекелі де ырысты арайлы алтын күзге арналған ертеңгілігімізді бастаймыз.Балаларды ортаға шақырамыз.

Қараңдаршы бүгін біздің тобымыз қандай әдемі болып кеткен!

Қолымызға не ұстап келдік?

Жапырақтар

Осы жапырақтардың түсі қандай?

Сары.

Демек қазір қай мезгіл екен?

Күз.

Жарайсындар дұрыс айтасындар.

Ендеше балалардың күзге арналған тақпақтарын тыңдайық.

Өмірқұл:Көбейді құт береке, Астық толы қамбамыз. Құтты болсын мереке, Алтын күзді тойлаймыз.

Дидар:Жапырақ ұшты, Суық та түсті. Сонда да бізге, Қызық көп күзде.

Нұрислам:Күз келді алақай! Алтын келді далаға Дәні бітік бидайды Құйып жатыр қамбаға.

Жасмин:Нұрға бөлеп өмірді, Жырға бөлеп көңілді Жарқыраған сәулелі Күз әуені төгілді.

Айнұр:Алтын,сары,қызыл,көк. Алуан-алуан жапырақ Күзгі бақта күлімдеп, Көз тартады атырап.

Мейіржан:Көрініп еліме, Күндері мереке. Келеді ғой жеріме, Күз деген мереке.

Қ.Нүрислам.Аспанды сұрғылт бұлт. Жан-жақтан жабады, Күн бірте суытып, Жауын бірте жабады.

(сырттан бір дыбыс естіледі желдің шуы)

Жүргізуші:Балалар тыңдаңдаршы бұл нешу?

Осы кезде әдемі әуенмен Күз ханшайымы келеді.

Күз ханшайымы:Сәлеметсіндер ме балалар қонақтар!

Мен Алтын күзбін!

Жайдары жарқын жүзбін.

Қонаққа келдім сендерге,

Сәбіз,картоп,тәтті алма,

Оған досым таң қалма,

Жапырақта сиқырлы.

Ойын ойнар түр-түрлі.

Жүргізуші:Рақмет саған алтын күз, Қабыл алдық сыйды біз. Отырыңыз жайғасып Ал ендеше балалар,бекер қарап тұрмаңдар. Жапырақ сиқырлы, ойынды тез ойнаңдар.

Ойын: «Кім жылдам?» (ойын аяқтала бергенде бір бала әлсіреп құлайды)

1-бала:Тоқтаңдар,тоқтаңдар! Бойымнан әл құрып, Көздерім бұлдырап, Басым айналып барады. (басқа балалар көмектесіп демейді)

2-бала:Енді,енді не істейміз, Қалай көмектесеміз

3-бала:Сабыр, сақта, саспайық. Дәрігер шақырайық.

1-бала:Жо-жоқ! Дәрігер керек емес! Қазір өзім тұрамын тез!

4-бала:Онда дәрі ішіп ал, Менде міне,көп дәрі бар.

5-бала:Ауырмау үшын суық суға шомылу керек. Бұл дәлелденген рецепт.

1-бала: Аха!

Бәрі бірге:Дәрігер, дәрігер!(«жедел жәрдем» машінасының дыбысы естіледі.Дәрігер киімін киген бала келеді)

Дәрігер:Мені неге шақырдыңдар. Қандай шағым арыздарың бар?

Бәрі бірге: дәрігерлік көмек керек!

Дәрігер: Кәзір қарап шығайын, Неден ауырғанын ұғайын....