Айнала алтын күз тақырыбындағы ашық оқу қызметі

Жамбыл облысы, Т.Рысқұлов ауданы, Құлан ауылы, К.Асылова №13

МКҚК «Балауса» бөбекжай- бақшасының тәрбиешісі

Байгаспакова Жазира Аманжоловна

Білім беру саласы: «Таным». «Қатынас». «Шығармашылық».

Бөлімі: «Қоршаған ортамен таныстыру» , «Сөйлеуді дамыту». «Сурет салу».

«Жапсыру».

Тақырыбы: «Айнала алтын күз»

Мақсаты: Күз туралы білімдерін бекіту, табиғатты аялауға, құрметтеуге, баптауға үйрету. Күзгі өзгерістерге мән бере отырып табиғаттың әсемдігін, сұлулығын сезіне білуге баулу. Суреттерді әңгімелей отырып байланыстыра сөйлеу дағдыларын қалыптастыру. Шығармашылық жұмыс істету арқылы қол маторикасын дамыту.

Көрнекіліктер: Күз мезгіліне байланысты суреттер, көкөністер мен жемістердің суреті мен муляжы.

Құрал-жабдықтар: Ақ парақ, субояқ, түрлі- түсті қағаз, желім, орамал.

Әдіс-тәсіл: сұрақ- жауап, түсіндіру, сурет бойынша әңгіме құру.

Сөздік жұмыс: тосап

Билингвалдық компонент: күз –осень, жеміс- фрукты, көкөністер –овощи.

І.Кіріспе бөлім.

Тәрбиеші: Балалар қараңдаршы бізге бүгін қонаққа көптеген қонақттар келіпті. Сәлемдесу әдептілік белгісі балалар, қане қонақтармен сәлемдесейік.

Балалар: Сәлеметсіздерме?!

Қонақтар: Сәлеметсіңдер.

Шаттық шеңбер: Армысың, Алтын күн!

Армысың, Жер ана!

Армысыздар қонақтар!

Армысыңдар достарым!

Аман болсын халқымыз,

Заман болсын ең тыныш!

Аман болсын аналар!

Аман болсын балалар!

Сұрақ-жауап айдары:

Қазір жылдың қай мезгілі?

Қазір жылдың күз мезгілі.

Күз мезгілінде неше ай бар?

Күз мезгілінде үш ай бар.

Күз айларын атайықшы?

Қыркүйек, қазан, қараша

Күз ерекшелігі қандай?

Күн суыта бастайды, адамдар жылы киімдерін киеді, құстар жылы жақтарға ұшып кетеді. Жапырақтар сарғайып, жерге түседі. Жемістер мен көкөністер піседі. Егіс алқаптарында егістер піседі, дәнге толады. Қатты жаңбыр жауған кезде адамдар жылы киініп, қолдарына қолшатыр ұстайды.

Күзде адамдардың еңбегі орасан зор. Олар көктем мезгілінде еккен егінді, жемістер мен көкөністерді жаз бойы суарып, баптайды. Сөйтіп күзде жыл бойы еккен еңбегінің жемісін көре бастайды.

ІІ. Негізгі бөлім.

Енді, Суреттерге назар аударайық, осы суреттегі адамдарға есімдер қойып олардың іс- әрекеттерін айтайық.

1-ші сурет: «Күзгі бақ»

Күз мезгілі бейнеленген. Балалар жеміс бағында алма жинап жүр. Алижан алма талынан алманы үзіп Айсезімге беріп жатыр. Ал, Айсезім оны алып Сардарға беруде. Сардар болса Асияға тасып беруде. Асия алмаларды жәшіктерге салып жатыр.

2-ші сурет: «Саябақта»

Дильназ бен Азамат саябаққа барып күзгі жапырақтарды теріп жүр. Олар алма теріп жүрген кірпіні көріп қызықтауда. Ал, кірпі өз азығы алианы жинап бара жатыр. Саябақ іші алтын түске еніпті, талдарда күз түскенге мәз мейрам болып тұр, себебі олардың да демалатын уақыты келді. Талдар қыс бойы ұйықтап, көктемде қайта оянады.

3-ші сурет: «Құстардың тіршілігі»

Торғайлар бақта ағаш басына қонақтапты. Бұл жерде 3 торғай өзара тату тұрып жатыр. Олар әрқашан бірін – бірі қорғап жүреді. Күзде құстар…