Айналайын ақ мамам тақырыбына арналған балабақша материалы

№14 ЖОББ мектебі жанындағы «Балапан» екінші кішілер тобы

Тақырыбы:

«Айналайын ақ мамам!»

(ертеңгілі)

Тәрбиеші:Бердекенова.М.Н.

2020 жыл

Тақырыбы:»Айналайын ақ мамам!»

Мақсаты:

Аналар мерекесімен бірге күннің нұрын төгіп келген көктем мерекесінің

Ерекшеліктерін атай отырып,табиғаттың жаңаруын,құлпыруын балаларға айтып беру.Ана еңбегін қадірлеп түсінуге баулу.Аналарға құрметпен қарап,сыйлауды үйрету.Ана мен қыз бала арасындағы үлкен ұқсастықтықтың барын ұғындыру.Мейірімділікке,сүйіспеншілікке,тиянақтылыққа баулу.

Көрнекілігі: Зал әдемі безендіріліп, музыка әуені ойнап тұрады.Балалардың аналарына арнаған сыйлықтары.Ортада әсем киінген бүлдіршіндер.

Тәрбиеші: Армысыздар,ақ жаулықты әжелер,аналар,ұстаздар және біздің кішкентай періштедей сұлу қыздарымыз! Міне, жыл аралап көктемнің алғашқы күндерімен келетін 8наурыз Халықаралық әйелдер күні де болып қалды.Жер бетіндегі тіршіліктің өзегін келешекке жалғаған,өсер ұрпағына құнтақтағы шағынан ізгіліктің дәнін еккен аналар мерекесі құтты болсын!Әр қашан дендеріңізге саулық,мейірімді жүздеріңізді мұң шалмай ұрпақтарыңыздын қызығын көріп аман-есен жүре беріңіздер қымматты аналар.

Бүгін 8-наурыз мерекесіне орай біздің «Балапан»екінші кішілер тобы бүлдіршіндерімізбен бірге әзірлеген «Айналайын ақ мамам!»атты ертеңгілігімізге қош келдіңіздер!

Жүргізуші:

Біз ғана емес, қадір тұтқан бабалар,

Аналардан туған небір даналар

Ана деген тіршіліктің тірегі,

Армысыздар қасиетті аналар!

-Балалар қонақтармен амандасады.

(Музыка ойналып ортаға музыка әуенімен көктем кіреді.)

Көктем: Мен көңілді көктеммін,

Былтырда келіп кеткенмін

Құшағым гүлге толсын деп,

Нөсерімді төгемін.

-Сәлеметсіздерме! Қандай сүйкімді балаларсыңдар! Мен көктем аруымын.Осында өнерлі балалар бар екенін естіп,табиғатымнан бір мезетке қыдырып сендерге жеттім.

Жүргізуші: Ару көктем, қош келдіңіз,төрлетіңіз.Сенің көктемгі жаңбырыңнын арқасында айналамыз әсемдікке бөленді.Сондықтан ару көктем біз саған ризамыз.Біздің балаларымыздың аналарға және көктем мерекесіне арнап әзірлеген өнерлерін тамашалаңыз.

Ән: »Ақ мамам»

1-бала:Наурыздың сегізі

Сұлудың негізі

Әдемі сөз адамның

Анаға айтар лебізі

2-бала:Айтсаң болды, тіл алам,

Әйбат мамам,ай мамам

Сені көрсем қуанам

Сен керексің қайда да

3-бала: Аялы алақан

Әлпештеп өсірген

Аяулы жан анам

Қатемді кешірген

4-бала: Үн қатамын бал тілмен

Еркелеймін әр күн мен

Құттықтаймын, анашым

Сегізінші наурызбен.

5-бала: Ана деген ақ көңіл,

Күнмен бірге күледі.,

Ана деген шат көңіл

Шарықтайды үнемі.

Жүргізуші:Ұлдар биі:»Жұлдыздар»

Ойын:»Анаға тез жетіп, дәруменмен тамақтандырайық»