Айнымалысы бар өрнек тақырыбына ашық сабақ, 6 сынып

Қысқа мерзімді жоспар

Ұзақ мерзімді жоспар бөлімі: 6.2В Алгебралық өрнектер.

Мектеп: «Жаңатірлік» ЖОМ

Күні:

Мұғалімнің аты-жөні: Шымырова Т

Сынып: 6

Қатысқандар саны:

Қатыспағандар саны:

Сабақ тақырыбы

Айнымалы. Айнымалысы бар өрнек.

Осы сабақта қол жеткізілетін оқу мақсаттары(оқу бағдарламасына сілтеме)

6.2.1.1 алгебралық өрнек ұғымын меңгеру;

6.2.1.2 айнымалылардың берілген рационал мәндері үшін алгебралық өрнектердің мәндерін есептеу.

Сабақ мақсаты

Оқушылар:

•айнымалылардың берілген рационал мәндерінде алгебралық өрнектердің мәнін есептеп үйренеді.

Бағалау критерийлері

Оқушы:

алгебралық өрнектің мәнін есептейді;

өрнектегі айнымалының мәнін тиісті орнына қойып есептейді.

Тілдік мақсаттар

Оқушылар:

бұл бөлімдегі математикалық терминологияны қолданады;

алгебралық өрнектің коэффициентін қалай анықтайтынын түсіндіреді.

Пәнге қатысты лексика мен терминология:

айнымалы;

алгебралық өрнек;

айнымалының мәні;

әріпті өрнектің мәні.

Диалогқа/жазылымға қажетті тіркестер:

алгебралық өрнек деп …;

алгебралық өрнектің мәнін табу үшін … керек;

Құндылықтарды дарыту

Жұпта жұмыс жасау арқылы бір-біріне құрмет құндылығын, бірін-бірі тексеру арқылы академиялық адалдық құндылығын,

алгебралық өрнек жайлы мәтінді оқу арқылы үздіксіз оқу құндылығын дарыту

Пәнаралық байланыстар

Осы сабақта алған білімдері шынайы және физикалық процесстердің математикалық модельдерін құрастыру үшін қажет.

Бастапқы білім

Әріпті өрнек туралы түсінігі бар. Есептің шарты бойынша әріпті өрнекті құрастыра алады. Әріпті өрнектердің мәндерін таба алады. Бүтін өрнектерді түрлендірулерді орындай алады.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

3 мин

Ұйымдастыру.

а) сәлемдесу, оқушыларды түгендеу, оқушылардың сабаққа дайындығын тексеру;

б) «жоғары-төмен» схемасы бойынша жұпқа бөлу;

с) оқушылардың көңіл - күйлерін анықтау (олар өздерінің көңіл - күйлерін қағазға түсіреді, бір - біріне көрсетеді).

Сабақ тақырыбы мен мақсатын анықтау.

«Жақын арада даму аймағын» анықтау.

Тапсырма 1.

Сабақ басында оқушылардың 5-сыныпта өткен оқу мақсаты мен жаңа сабақты байланыстыру үшін келесі тапсырма ұсынылады.

1-сурет.

1-суретті пайдалана отырып және қызыл шаршы қабырғасын а ретінде, ал сары тіктөртбұрыштың қабырға ұзындығын в ретінде қабылдап, мыналарды жазыңыз:

1. бір қызыл шаршы периметрін;

2. бір сары тіктөртбұрыш периметрін;

3. үш қызыл шаршыдан құрылған тіктөртбұрыштың периметрін;

4. екі сары тіктөртбұрыш периметрін;

5. үш қызыл шаршыдан және ортақ қабырғасы бар екі сары тіктөртбұрыштан құрылған фигура периметрі.

Мұғалім оқушылардың назарын әріпті өрнектерді дұрыс оқуға және жазуға аударады

Мысалы: 3а + 2b өрнегін «Үш еселенген а мәннің және екі еселенген b мәннің қосындысы».

Тақырыпты ашу. Ашық сұрақ тастау.

Түрткі сұрақ:

санды және әріпті болып бөлінетін математикалық термин қалай аталады?

Сыннан өткізу сұрағы:

өрнектің мәнін қалай табамыз?

Басқаға бағыттау сұрағы:

өрнек туралы біз тағы не білеміз?

сандардан, әріптерден, таңбалардан не құрастырылады?

Дұрыс жауап берген жұптар марапатталады.

Ендеше біздің бүгінгі өтетін тақырыбымыз – Алгебралық өрнек.

Мұғалім оқу мақсатын айтып, оқушыларға сабақ мақсатын қоюды ұсынады

Олай болса бүгінгі сабақтың мақсатына жету үшін нені білуіміз керек?-деген сұрақ қойылады. (оқушылар өз ойларын айтады). Демек біз бағалау критерийлерін құрдық . Бағалау критерийлері айтылып, тақтаға жазылады.

Барлық оқушыларға бағытталған нұсқау бере отырып, олардың әрқайсысының өздерінен не күтетіндігін түсінгендеріне көз жеткізіледі.

Қосымша 1.

Сабақтың ортасы

30 мин

Жаңа сабақты түсіну.

Проблемалық оқыту.

Оқушыларға жұпта келесі тапсырманы орындау ұсынылады.

Тапсырма 2.

Кесте 1.

Кесте 1-де бірінші бағанда санды, ал екінші бағанда алгебралық өрнектер жазылған:

бір қатарда жазылған өрнектердің ұқсастығы неде?

айнымалылардың қандай мәндерінде бір қатарда жазылған өрнектер бірдей болады?

Қатар бойынша өрнектерді оқыңыз.

қандай қорытынды жасауға болады?