Әке асқар тау, ана шыңым 6-сынып ашық сабақ жоспары

Қысқа мерзімді жоспар

2-бөлім

Ұлттық және отбасылық құндылықтар

Күні: 27.07.2018 жыл

Мектеп №3 Қарауылкелді орта мектебі

Мұғалімнің аты-жөні: Жубанова Кенжегул Бахитовна

Сынып: 6

Қатысқандар: 16

Қатыспағандар: 0

Сабақ тақырыбы

Әке - асқар тау, ана - шыңым

Осы сабақта қол жеткізілетін оқу мақсаттары

6.2.2.1 - ауызекі сөйлеу және көркем сөйлеудің стильдік ерекшеліктерін қолданылған тілдік құралдар арқылы тану;

Сабақ мақсаты

Барлық оқушылар орындай алады:

"Әке -асқар тау, ана- шыңым" тақырыбы бойынша берілген мәтінде ауызекі сөйлеу және көркем сөйлеудің стильдік ерекшеліктерін қолданылған тілдік құралдар арқылы таниды.

Оқушылардың көпшілігі орындай алады:

"Әке -асқар тау, ана- шыңым" тақырыбы бойынша берілген мәтінде ауызекі сөйлеу және көркем сөйлеудің стильдік ерекшеліктерін қолданылған тілдік құралдар арқылы танып, өзіндік 2 нақты дәлел келтіреді.

Кейбір оқушылар орындай алады:

"Әке -асқар тау, ана- шыңым" тақырыбы бойынша берілген мәтінде ауызекі сөйлеу және көркем сөйлеудің стильдік ерекшеліктерін қолданылған тілдік құралдар арқылы танып, өзіндік нақты 3 не одан да көп дәлелдер келтіреді.

Тілдік мақсат

Бағалау критерийлері

Мәтінді түсініп оқып, ауызекі сөйлеудің стилдік ерекшеліктерін қолданылған тілдік құралдар арқылы таниды.

Мәтінді түсініп оқып, көркем сөйлеудің стилдік ерекшеліктерін қолданылған тілдік құралдар арқылы таниды.

Құндылыққа баулу

Ата-ананы құрметтеуге үйрете отырып, оқушы бойында "отбасылық құндылықтарды" қалыптастыру.

Пәнаралық байланыс

Бейнелеу сабағы

Тақырып бойынша алдыңғы білім

Отбасының рөлі туралы біледі, стиль түрлерін ажырата алады.

Сабақтың барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

2 минут

3 минут

Ұйымдастыру кезеңі. «Дизайн» психологиялық тренинг.

Әр оқушыға суреттер таратылады,оқушы суреттегі жансыз затқа өзін теңейді. Бір оқушы дизайнер роліне еніп, оқушыларды талғамына қарай 4 топқа бөледі.

Ширату жаттығуы. «Алдын-ала берілген атаулар» әдісі.

Тақырып бойынша тақтаға бірнеше атау (терминдер) жазылған қима қағаздар беріледі. Оқушыларға олардың өзара қатынасы мен байланысы туралы ойланып, сызба құрастыруға ұсынылады. Бұл жұмысты оқушылардың жеке, жұппен немесе шағын топ ішінде жазбаша (соңғысы тиімдірек) орындауы ықтимал. Берілетін атау терминдер: Ауызекі сөйлеу, Көркем сөйлеу, Стиль түрлері, қарапайым, ерекшеліктері, тіл байлығы, әке, ана, асыл жан, асқар тау.

Оқушылардың жауабы:

Бірнеше оқушының ойы мен пікірі тыңдалып, сабақ тақырыбы мен мақсаты айқындалады.

Терминдер жазылған қима қағаздарғ бағыттау сызықтары

Сабақтың ортасы

10 минут

5 минут

10 минут

5 минут

Оқылым алды тапсырма. «Броундық қозғалыс» әдісі.

Сынып ішіне тақырыпқа қатысты мәліметтер мен ақпараттар әр оқушының орындығының артына мұғалім алдын-ала орналастырады. Оқушылар бүкіл сынып ішінде қозғала жүріп, берілген тақырып бойынша ақпарат жинайды. Оқушылар қолындағы дайын кестеге ажыратып жазады. Дұрыс он мәліметке лайықты жауапты тапқан оқушы "БИНГО" жүлдегері болады.

Оқушыларға берілген тақырып:

Ауызекі сөйлеуге тән

тілдік құралдар

Көркем сөйлеуге тән

тілдік құралдар.

1. Тұрмыста, отбасында, өндірістегі бейресми қолданады.

2. Эмоция айқын байқалады.

3. Диалогқа құрылады.

4. Интонация ерекше қызмет атқарады.

5. Диалект сөздер кездеседі;

6. Қыстырма, қаратпа, одағай сөздер жиі қолданылады

7. Сұраулы сөйлемдер көп кездеседі.

8. Лепті сөйлемдер көп кездеседі.

1. Прозалық шығармаларға тән.

2. Тіл байлығымен ерекше.

3. Көп стильді болып келеді.

4. Эстетикалық тәрбие береді.

5. Поэзиялық шығармаларға тән.

Дескриптор:

Ақпаратты түсініп оқиды

Ауызекі сөйлеудің стильдік ерекшеліктерін ажыратады

Көркем сөйлеудің стильдік ерекшеліктерін ажыратады;

Саралау: Қарым-қатынас формасы бойынша саралау жасаймын. Қабілеті орта оқушыға өзінің құрбысынан көмек алу үшін, жұптаса ізденуге болатындығын ескертемін.

Қалыптастырушы бағалау. Өзара бірін бірі тексереді.

Мұғалімнің бағалауы: "БИНГО" әдісі арқылы бағалайды.

Оқылым тапсырмасы. Тілдік құралдар арқылы берілген мәтінді ауызекі сөйлеу және көркем сөйлеу стиліне ажыратады.

1-мәтін.

Бір Әке баласының жайсыз қылықтарын көрген сайын кейіп «Әй, сен адам болмассың!» – деп ұрса беретін көрінеді. Әкесінің қайталап айта беретін әлгі сөзіне іштей ерегескен Баласы бар ынтасын оқуға салып, өскенде үлкен бір ауданға әкім болуға жарапты.

Әкемнің аузына енді құм құйылар деп ойлаған Баласы креслода шалқайып-шалқып отырған күйі қызметкерлеріне ауылдағы әкесін алдына алып келуді бұйырыпты. Әкімнің бір сөзін екі етпестен жіберген қызметкерлері жайбарақат бес қойын жайып жүрген шалды әй-шайға қаратпай дедектетіп қалаға ала жөнеліпті. «Әкімге апарамыз!», - деп қорқытқанға есі шыққан қарт креслода шәнтиіп отырған өз баласын көргенде ғана жүрегі орнына түсіпті.

Аяғын бір-біріне айқастырып, алақандарын қозы қарнының үстіне салып ырс-ырс етіп дем ала алмай отырған Баласы Әкесіне қарап миығынан күле:

– Әке, баяғыда маған «адам болмайсың» деп ұрса беретін едің, енді ол ойыңнан еріксіз қайтқан боларсың. Адам болмайды деген ұлың анау-мынау емес, үлкен әкім болдым емес пе?! – депті.

Сонда Әкесі баласының мына қылығына тағы да күйініп: