Әке шаңырақтың негізгі тірегі өнеге сағаты

Әке – шаңырақтың негізгі тірегі

Асанова Бикенже «Менің әкем -ең жақсы адам»

Жүргізуші: Армысыздар, аяулы ұстаздар, ардақты ата-аналар!

Ата-ана – әрбір адамның қайтып соғар қазығы. Оған деген сүйіспеншілік тек жүректен шығуы қажет. Әсіресе, тіршіліктің қайнар көзі, махаббаттың шуақ күні, мейірімнің кәусар бұлағы – Ана есіміне қатыссыз дүниеде ештеңе жоқ. Халқымыздың байырғы ұғымында баланың ата-ана алдындағы парызын өтеуі «Ана сүтін ақтау» деп аталады.

Жүргізуші: «Әкеге бағыну – тәңірге бағыну» деп әкені одан бетер дәріптеген. Ендеше, бүгінгі іс-шарамыз адам өмірінің мәні мен сұлулығы, адамның келешегіне сенімділігі – баланың ата-анасын ардақ тұтып, өзінің перзенттік парызын бір сәтке де есінен шығармауына арналады.

2-жүргізуші:

Жиналыппыз сәтті күні бәріміз де,

Үлкен, кіші, жасымыз, кәріміз де.

Төрлетіңдер, қадірменді әкелер,

Гүл-гүл жайнап мына біздің төрімізге.

Ендеше, бүгінгі өнеге сағатымыз барша әкелерімізге арналады. Арамызда ұлын ұяға, қызын қияға қондырған ағаларымыз бен ұрпағын енді аяқтандырып келе жатқан орта буын өкілдері жәнеде отбасын құрып әке атанған жастарымыз отыр. Қадірлі қонақтарымызбен таныс болайық.

Құрметті қонақтар қазіргі қоғамда әкелер мәртебесін жоғарылату мақсатында өткізгелі отырған «Әке – шаңырақтың негізгі тірегі» өнеге сағатымызға қош келіпсіздер!

Жүргізуші: Өмір жолдың болсада, көп астары,

Әкелермен биік елдің аспаны.

Қашанда да құрмет тұтқан аналар,

Шаңырақтың иесі олар, бастауы.

Сая: Әкем мен үшін ғажап, керемет адам. Әке отбасында ақылшың. Әке тәрбиесін көрген адамның өмірге деген көзқарасы, сана сезімі жоғары дәрежеде дамиды деп ойлаймын. Әке тәрбиесін көрген бала ешқашанда жаман болмас. Сол себептен де, балалар, бәріміз де әкелерімізді құрметтейік! Қадірлеп-қастерлейік, сыйлайық, ардақты, теңдесі жоқ, асыл әкелерімізді!

«Әке - асқар тау, ана қайнар бұлақ, бала жағасындағы құрақ» дегендей «Әке» деген сөз қандай жақын, қандай ыстық десеңші!. Өмірде әкесін жақсы көрмейтін бала жоқ шығар, өйткені бала үшін әкенің орны бөлек қой. Менің өмірдегі қымбат, ең қымбат адамым ол - сіз менің сүйікті әкешім. Сіз менің кішкентайдан ақылшым, қамқоршым болдыңыз. Мен сізден көп тәрбие алдым. Сіздің бақытты аман - сау болуыңызды тілеймін. Сізге мына әнімді арнаймын. «Жаным әкем»

Жүргізуші:

Ана жүзден мейірім болып күлді күн,

Ұғынса әке қабақтағы кірбіңін.

Әке жайлы мақтан айтып қыздары,

Соларға ұқсап келеді өсіп ұл бүгін.

Бүгінгі өнеге сағатымыздың эпиграфы ретінде Қорқыт атаның: «Ұл әкеден үйренбей, сапар шекпес, қыз шешеден үйренбей, өнеге алмас» - деген нақыл сөзін алып отырмыз. Ендеш, ата-ана, оның ішінде әкенің бала тәрбиесіндегі орны туралы бүгінгі күннің өзекті тақырыбы жөнінде сіз болып, біз болып, ой бөлісейік, сырласайық.

Бүгінгі бағдарламамызда «Сыр-сұхбат бөлімі» оны ұйымдастырушы бізде Еркетай апайды ортаға шақырамын.

Ой қозғау үшін мынадай сұрақтарға назар аударыңыздар.

Ғалымдардың айтуынша, баланың таңертеңгі ұйқыдан қандай көңіл-күймен тұруы - бүкіл бір күндік көңіл – күйіне әсер етеді екен.

1. Сіз балаңызды таңертеңгі ұйқыдан қалай оятасыз?